Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Siu. 15
“ʻOkú ke fakakaukau ʻe faifai ange pea tau sio ki ha puleʻanga ʻokú ne fakaleleiʻi ʻa e ngaahi palopalema ʻa e faʻahinga ʻo e tangatá? [Tuku ke ne tali.] Naʻe akoʻi ʻe Sīsū ʻa ʻene kau ākongá ke nau lotu fekauʻaki mo ha puleʻanga pehē ʻi heʻene ngaahi lea ʻoku hiki ʻi he Mātiu 6:9, 10. [Lau.] ʻOku fakamatalaʻi ʻi he makasini ko ʻení ʻa e ʻuhinga ʻoku māʻolunga ai ʻa e Puleʻanga ʻo e ʻOtuá ʻi he ngaahi puleʻanga fakaetangatá pea fakamatalaʻi ʻa e ngaahi tāpuaki te ne ʻomai ki he faʻahinga ʻo e tangatá.”
Awake! Siu.
ʻI hoʻo fetaulaki mo ha tokotaha kei siʻi, te ke pehē nai: “Ko e tokolahi ʻi ho toʻú ʻoku nau fakakaukau fekauʻaki mo e malí. Ko fē ʻokú ke fakakaukau te ke lava ke maʻu mei ai ʻa e fakamatala alafalalaʻanga ki he kaveingá ni? [Tuku ke ne tali.] Fakatokangaʻi ʻa e tokotaha naʻá ne kamataʻi ʻa e nofo malí. [Lau ʻa e Mātiu 19:6.] ʻOku fakahaaʻi ʻi he makasini ko ʻení ʻa e ngaahi tefitoʻi moʻoni Fakatohitapu ke tokoniʻi ai kitautolu ke faʻu ha nofo mali fiefia.”
Ko e Taua Leʻo ʻAo. 1
“ʻOku ʻiloa ʻaupito he ʻahó ni ʻa e vakai ki ha kakai ʻoku nau ngaohikoviʻi ʻa e niʻihi kehé. ʻOkú ke fakakaukau ʻe liliu ʻa e ngaahi meʻá ni kapau ʻe ngāueʻaki ʻe he tokolahi ange ʻa e ngaahi lea ko ʻeni ʻa Sīsuú? [Lau ʻa e Mātiu 7:12. Pea tuku leva ke ne tali.] ʻOku fakahaaʻi ʻi he makasini ko ʻení mei he Tohi Tapú ʻa e founga ʻe fakahoko ai ʻa e tuʻunga totonu ki he ngeia fakaetangatá.”
Awake! ʻAo.
“Ko kitautolu kotoa ʻoku tau mahuʻingaʻia ʻi hono tokangaʻi lelei ʻo e moʻuí. ʻOkú ke ʻiloʻi ko e kau toketā tokolahi he ʻahó ni ʻoku nau toumoua ke fai ha huhu toto? [Tuku ke ne tali.] ʻOku fakamatalaʻi ʻa e ʻuhingá ʻi he makasini ko ʻení. ʻOkú ne toe fakamatalaʻi ai mei he Tohi Tapú ʻa e ʻuhinga ʻoku vakai mai ai ʻa e ʻOtuá ʻoku mahuʻinga ʻa e totó.” Lau ʻa e Livitiko 17:11.