Founga Hono Ngāueʻaki ʻa e Foomu Please Follow Up (S-43)
Ko e foomu ko ení ʻoku totonu ke fakafonu ia ʻi he taimi ʻokú ke maʻu ai ha taha mahuʻingaʻia ʻoku ʻikai ke nofo ʻi ho feituʻu ngāué pe ʻokú ne lea ʻi ha lea muli. Neongo naʻa tau ngāueʻaki ia ʻi he kuohilí ʻi he taimi ʻoku tau fetaulaki ai mo e kakai ʻoku nau lea ʻi ha lea mulí tatau ai pē pe naʻa nau fakahāhā ha mahuʻingaʻia pe ʻikai, ʻoku tau ngāueʻaki ia he taimí ni ʻi he taimi pē ʻoku fakahāhā ai ʻe he tokotaha ko iá ʻa e mahuʻingaʻiá. Tuku kehe pē kapau ko e tokotaha ko iá ʻoku tuli. Kapau ʻoku tau fetaulaki mo ha taha ʻoku tuli, tatau ai pē pe ʻokú ne fakahāhā ha mahuʻingaʻia pe ʻikai, ʻoku totonu ke tau fakafonu ha foomu S-43.
Ko e hā ʻoku totonu ke tau fai ki he fōmú hili hono fakafonú? ʻOku totonu ke tau ʻave ia ki he sekelitali ʻa e fakatahaʻangá. Kapau ʻokú ne ʻilo ʻa e fakatahaʻanga ke ʻave ki aí, te ne ʻoatu nai ia ki he kau mātuʻa ʻo e fakatahaʻangá koeʻuhí ke lava ʻo nau fokotuʻutuʻu ke fai ha tokanga ki he tokotaha mahuʻingaʻiá. Kapau ʻoku ʻikai lava ke ne fakapapauʻi ʻa e fakatahaʻanga ko iá, te ne ʻoatu ʻa e fōmú ki he ʻōfisi vaʻá.
Kapau ko e tokotaha mahuʻingaʻiá ʻoku lea ʻi ha lea muli pea ʻoku nofo ʻi ho feituʻu ngāué, te ke hokohoko atu nai ʻa e ʻaʻahi kiate iá ke fakatupulekina ʻa e mahuʻingaʻiá kae ʻoua kuo fai ha fetuʻutaki ki ai ʻe ha tokotaha malanga mei he fakatahaʻanga lea muli feʻungamālié.—Sio ki he Ko ʻEtau Ngāue Fakafaifekau ʻo Nōvema 2009, peesi 4.