Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻo ʻAokosi

“Kuo fifili ʻa e tokolahi pe ko e hā ʻa e taumuʻa ʻa e ʻOtuá ki he māmaní? ʻOkú ke fakakaukau ko e hā ʻa e taumuʻa ko iá? [Tuku ke ne tali.] Ko e veesi Tohi Tapu ko ení ʻokú ne ʻomi kia kitautolu ha tokoni.” Lau ʻa e Sāme 115:16. ʻOange leva ki he tokotaha-ʻapí ha tatau ʻo e ʻīsiu ʻo Siulai-Sepitema ʻo e Taua Leʻo pea lau mo lāulea fakataha ki he fakamatala ʻi lalo ʻi he ʻuluaki kaveinga tokoni ʻi he peesi 16. Tuʻuaki ʻa e ongo makasiní, pea fokotuʻutuʻu ke toe foki ke lāulea ki he fehuʻi hokó.

Ko e Taua Leʻo Siulai-Sepitema

Lau ʻa e Sāme 37:10, 11. Pea lea leva: “ʻOkú ke fakakaukau te tau sio ʻe vavé ni ke hoko ʻo moʻoni ʻa e talaʻofá ni? [Tuku ke ne tali.] Ko e makasini ko ení ʻoku lāulea ai ki he ngaahi kikite Fakatohitapu kehekehe ʻe ono ʻa ia ʻoku tau sio ʻoku fakahoko ʻi he taimí ni, ʻa e ngaahi kikite ʻoku nau fakahaaʻi ko e moʻoni ʻo e talaʻofa ko ení ʻoku ʻikai kei mamaʻo atu ia.”

ʻĀ Hake! Siulai-Sepitema

Te ke loto-tatau ko e mole atu ha taha ʻofaʻanga ʻi he maté ko e taha ia ʻo e ngaahi hokosia faingataʻa taha ʻe lava ke fehangahangai mo ha tangata? [Tuku ke ne tali.] Kuo ʻilo ʻe he tokolahi ʻa e ʻaonga ʻo e faleʻi ko ení. [Lau ʻa e Sāme 55:22.] ʻOku lāulea ʻa e makasini ko ení ki ha ngaahi founga ʻaonga ʻe niʻihi ke fekuki ai mo e loto-mamahí, ʻo kau ai mo e anga ʻetau lī atu ʻetau kavengá ki he ʻOtuá.”