Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi Sepitema

“ʻOkú ke fakakaukau ʻoku ʻi ai ha kautaha ʻa e ʻOtuá he ʻahó ni, pe ʻokú ke fakakaukau ʻokú ne feangainga pē mo e faʻahinga tāutaha? [Tuku ke ne tali.] Fakatokangaʻi angé ʻa e meʻa ʻoku leaʻaki heni fekauʻaki mo ha kakai ʻa ia naʻe fokotuʻutuʻu maau ʻe he ʻOtuá ʻi he ngaahi taʻu lahi he kuohilí.” Huke ki he peesi 16 ʻo e ʻīsiu ʻo Siulai-Sepitema ʻo e Taua Leʻo, pea lāulea fakataha ki he fakamatala ʻi lalo ʻi he ʻuluaki kaveinga tokoní mo e konga Tohi Tapu ʻe taha ʻoku hā ai. Tuʻuaki ʻa e ongo makasiní, pea fokotuʻutuʻu ke toe foki ʻo lāulea ki he fehuʻi hokó.

Ko e Taua Leʻo Siulai-Sepitema

“Ko e foʻi lea ʻĀmaketoné kuo ngāueʻaki ia ʻe he kau faiongoongó, ʻi he ngaahi faivá, pea ʻe he kakai ʻoku nau lau ʻa e Tohi Tapú. [Lau ʻa e Fakahā 16:16.] ʻI he peesi 4 ʻo e makasini ko ení ʻoku ʻomai ai ʻa e tali ki he foʻi fehuʻi ʻe tolu ʻoku faʻa ʻeke ʻo fekauʻaki mo ʻĀmaketone.”

ʻĀ Hake! Siulai-Sepitema

“ʻOku fifili ʻa e kakai tokolahi pe ʻoku malava ke fetuʻutaki mo ha taha ʻa ia kuo ʻosi mate, pea ʻe lava koā ke tokoniʻi ʻe he kau maté ʻa e kau moʻuí? [Lau ʻa e Koheleti 9:5] Ko e vakai ʻa e Tohi Tapú ki he ngaahi meʻa ko ení ʻoku lāulea ki ai ʻi he kupu ʻoku kamata ʻi he peesi 10 ʻo e makasini ko ení.”