Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi Tīsema

“ʻOku faʻa fakakaukau ʻa e kakaí kia Sīsū ʻi he taʻu ʻe ua afe kuo maliu atú, ko ha pēpē ʻi ha ʻaiʻanga kai ʻo e manú pe ko ha tangata ʻoku tautau ʻi ha ʻakau fakamamahi. Kae kehe, ʻokú ke fakakaukau ko e hā ʻoku fai ʻe Sīsū ʻi he taimi ní? [Tuku ke ne tali.] Fakatokangaʻi ange ʻa e meʻa ʻoku leaʻaki hení.” ʻOange ki he tokotaha-ʻapí ʻa e Taua Leʻo ʻo ʻOkatopa-Tīsema, pea lāulea fakataha ki he fakamatala ʻi he ʻuluaki kaveinga tokoni ʻi he peesi 26 mo e konga Tohi Tapu ʻe taha pe lahi ange. Tuʻuaki ʻa e makasiní, pea fokotuʻutuʻu ke toe foki ke lāulea ki he fehuʻi hono hokó.

Ko e Taua Leʻo ʻOkatopa-Tīsema

“Hangē ko ia kuo fakatokangaʻi ki muí ni mai ʻi he ngaahi tohí mo e faivá, kuo fakautuutu ʻa e mahuʻingaʻia ʻi he nofoʻanga laumālié. ʻOkú ke fakakaukau ʻoku ʻi ai ha ngaahi meʻamoʻui laumālie? [Tuku ke ne tali.] Ko e kupu ʻi he peesi 16 mo e 17 ʻoku ʻohake ai ha ngaahi fehuʻi mahuʻinga ʻe fā.”

ʻĀ Hake! ʻOkatopa-Tīsema

“Kapau ʻe lava ke ke liliu ha meʻa ʻe taha fekauʻaki mo hotau māmaní, ko e hā nai ia? [Tuku ke ne tali.] ʻOku hā ʻi he Tohi Tapú ʻa e ʻuhinga ʻoku fakangatangata ai ʻa e meʻa ʻe lava ke fakahoko ʻe he tangatá. [Lau ʻa e Selemaia 10:23.] Ko e makasini ko ení ʻokú ne fakamatalaʻi ʻa e ngaahi meʻa kuo fakataumuʻa ʻe he ʻOtuá ke liliú.”