Kuo Pau Ke Ke Tuku?

ʻI he kau ki he ngāue fakamalangá, ko e kau malanga ʻe niʻihi ʻoku nau angaʻaki ʻa e tuku ʻi ha taimi pau, ʻi he hoʻataá nai. Ko e moʻoni, ʻe fiemaʻu nai ʻe he niʻihi ke tuku ʻenau ngāue fakamalangá ʻi ha taimi pau koeʻuhi ko honau ngaahi tuʻungá. Ka ʻoku ʻikai ke ke hoko atu hoʻo malangá koeʻuhí ko e fai pehē ʻa e niʻihi ʻi he kulupú pe ko e anga ia ʻi ho feituʻú ke tuku ʻi ha taimi pau? ʻE lava ke ke fakalahi atu hoʻo ngāue fakafaifekaú ʻi ha kiʻi taimi pea kau ʻi ha founga ʻo e faifakamoʻoni ki he kakaí, ʻo hangē ko e faifakamoʻoni ʻi he halá? ʻE lava ke ke fai ha toe ʻahiʻahi ʻe taha pe ua ʻi hoʻo foki ki ʻapí? Fakakaukau ki ha lelei lahi ē te ke fakahoko ʻo kapau te ke toe maʻu ha tokotaha mahuʻingaʻia pē ʻe taha ʻi he ʻapí pe kapau te ke ʻoange ha makasini ki ha toko taha ʻoku fakalaka hake! Kapau ʻoku ʻikai fiemaʻu ia ke tau tuku leva, ko ha hoko atu ʻi ha kiʻi taimi ko ha founga faingofua ia ke fakalahi ai ʻetau “feilaulau ʻo e fakafetaʻi.”—Hep. 13:15.