Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi Sepitema

“Meimei ko e tokotaha kotoa pē ʻoku nau lotu ʻi ha taimi tatau pe taimi kehe. ʻOkú ke fakakaukau ʻoku fanongo ʻa e ʻOtuá ki he ngaahi lotu kotoa pē?” Tuku ke ne tali. Fakaʻaliʻali ʻa e peesi fakaʻosi ʻo e Taua Leʻo Sepitema-ʻOkatopa pea lāulea fakataha ki he fakamatala ʻi lalo ʻi he ʻuluaki fehuʻí pea lau mo ha taha ʻi he ngaahi konga Tohi Tapu ʻoku haá. Tuʻuaki ʻa e makasiní, pea fokotuʻutuʻu ke toe foki ke lāulea ki he fehuʻi hokó.

Ko e Taua Leʻo Sepitema-ʻOkatopa

“Ko e tokolahi taha ʻo kinautolu ʻoku mau talanoá ʻoku ʻi ai pē ʻenau lotu. Ka ʻoku pehē ʻe he niʻihi kuo ʻikai ʻaupito ke nau toe falala kinautolu ki he lotú. ʻOku anga-fēfē hoʻo ongoʻi fekauʻaki mo e lotú? [Tuku ke ne tali.] Naʻe ʻomai ʻe Sīsū ʻa e tefitoʻi moʻoni ke tokoniʻi kitautolu ʻi hono sivisiviʻi ha lotu. [Lau ʻa e Luke 6:44a.] ʻOku fakamatala ʻa e makasini ko ení ki he niʻihi ʻo e ngaahi fua kovi ʻoku ʻomai ʻe he lotú. ʻOkú ne toe tali mo e fehuʻi, ʻoku ʻi ai ha toe lotu ʻoku tuha mo e falalá?”

Ko e Taua Leʻo Sepitema-ʻOkatopa

“ʻOku mau ʻaʻahi maí koeʻuhi ko e tokolahi ʻi hotau feituʻú ʻoku nau fifili ki he ʻuhinga ʻoku fakaʻatā ai ʻe he ʻOtuá ʻa e ngaahi faingataʻá. Kuo faifai ange peá ke fifili fekauʻaki mo e meʻa ko iá? [Tuku ke ne tali.] ʻOku tala mai ʻe he Tohi Tapú kiate kitautolu ʻa e anga ʻo e ongoʻi ʻa e ʻOtuá fekauʻaki mo ʻetau faingataʻaʻiá. [Lau ʻa e ʻEkisoto 3:7.] ʻOku fakamatala ʻa e kupu ko ení ʻi he peesi 14 ki he ʻuhinga ʻoku lava ke tau tui ai kuo vavé ni ke fakangata ʻe he ʻOtuá ʻa e faingataʻaʻiá kotoa.”