Tokoniʻi Kinautolu ke “Hoko ʻo Fakamaʻu ʻi he Tuí”
ʻOku fakafiefia ke vakai ki he anga hono tāpuakiʻi ʻe Sihova ʻa e ngāue fakatahatahaʻi ʻo e kakaí, laka hake ʻi he toko ua kilu nima mano kuo nau papitaiso ʻi he taʻu taki taha. (Teu. 28:2) ʻI hono tokoniʻi pē ʻe ha tokotaha malanga ha tokotaha ako ke papitaisó, ʻoku hehema nai ʻa e tokotaha malangá ke ʻoua ʻe toe hoko atu ʻa e akó kae tokangataha ki hono tokoniʻi ʻa e niʻihi kehé. Ko e tokotaha akó foki ʻe hehema nai mo ia ke tuku ʻa e akó kae līʻoa hono taimi lahi ange ki he ngāue fakafaifekaú. Kae kehe, ʻoku mahuʻinga ki he kau ako Tohi Tapú ke nau maʻu ha makatuʻunga lelei ʻi he moʻoní. ʻOku fiemaʻu ke nau “faiaka” ʻia Kalaisi mo “fakamaʻu ʻi he tuí.” (Kol. 2:6, 7; 2 Tīm. 3:12) Ko ia ai, hili ʻa e papitaiso ha tokotaha ako, ʻoku totonu ke hokohoko atu ʻene ako ʻa e Tohi Tapú kae ʻoua ke kakato ʻa e ongo tohi Akoʻi ʻe he Tohi Tapú mo e “ʻOfa ʻa e ʻOtuá.”—Sio ki he Ko ʻEtau Ngāue Fakafaifekau ʻo ʻEpeleli 2011, peesi 2.