Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi Maʻasi

“Ko e kakai tokolahi ʻoku kehekehe ʻenau fakakaukau fekauʻaki mo e ʻOtuá. ʻOku fakakaukau ʻa e niʻihi ko e ʻOtuá ko ha mālohi fakamisiteli. ʻOku vakai ʻa e niʻihi kiate ia ko ha Tamai fakahēvani ʻofa. ʻOkú ke fakakaukau ko e tokotaha fēfē ʻa e ʻOtuá?” Tuku ke ne tali. Fakahaaʻi ange ʻa e peesi fakamuimui ʻo e Taua Leʻo ʻo Maʻasi-ʻEpeleli, pea lāulea fakataha ki he fakamatala ʻi lalo ʻi he ʻuluaki fehuʻí mo ha taha ʻi he konga Tohi Tapu ʻoku haá. Fakaʻaliʻali ʻa e makasiní, pea fokotuʻutuʻu ke toe foki ʻo lāulea ki he fehuʻi hono hokó.

Ko e Taua Leʻo Maʻasi-ʻEpeleli

“ʻOku mau ʻaʻahi nounou mai ke talanoa fekauʻaki mo ha meʻa ʻokú ne uesia kitautolu kotoa—ko e mate ha taha ʻofeina. Te ke loto-tatau ko e mate ha kaumeʻa mamae pe kāinga, ko e meʻa faingataʻa taha ia ke fekuki mo ia? [Tuku ke ne tali.] Kuo ʻiloʻi ʻe he tokolahi e fakafiemālie ʻa e veesi Tohi Tapu ko ení. [Lau ʻa e ʻAisea 25:8.] ʻOku lāulea ʻa e makasini ko ení ki he talaʻofa fakalototoʻa ʻa e Tohi Tapú ke fakangata ʻosi ʻa e maté pea fakafoki mai hotau ngaahi ʻofaʻangá ki he moʻuí.”