Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi ʻOkatopa

“ʻOku mau ʻaʻahi nounou mai ke talanoa fekauʻaki mo e lotú. ʻOkú ke fakakaukau ʻe lava fēfē ke tau ʻiloʻi ʻa e lotu moʻoní?” [Tuku ke ne tali.] Fakahaaʻi leva ʻa e peesi fakaʻosi ʻo e Taua Leʻo ʻo Sepitema-ʻOkatopa pea lāulea fakataha ʻi he ʻuluaki palakalafi ʻi lalo ʻi he fehuʻi hono uá mo ha taha ʻi he ngaahi konga Tohi Tapu ʻoku haá. Tuʻuaki ʻa e makasiní pea fokotuʻutuʻu ke lāulea ki he palakalafi hono hokó.

Ko e Taua Leʻo Sepitema-ʻOkatopa

“ʻI he ʻahó ni, ʻoku mau talanoa mo e ngaahi kaungāʻapí fekauʻaki mo e akonakí. ʻOkú ke fakakaukau ʻoku mahuʻinga kia kitautolu ke akonekina ʻetau fānaú? [Tuku ke ne tali.] Fakatokangaʻi ʻa e vakai ʻa e Tohi Tapú. [Lau ʻa e Palōveepi 4:13.] Ko e kupu ʻi he peesi 10, ʻoku lāulea ai ki he founga hono fokotuʻu ʻe he ʻOtuá ha faʻifaʻitakiʻanga lelei ʻo fekauʻaki mo e meʻa ko ení.”