Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonaki ʻo ʻOkatopá

“ʻOku kau ʻa e kakaí ki he ngaahi lotu kehekehe pea lotu ki he ʻOtuá ʻi he ngaahi founga lahi kehekehe. ʻOkú ke fakakaukau ʻoku ongoʻi fēfē ʻa e ʻOtuá fekauʻaki mo ia? [Tuku ke ne tali.] Fakatokangaʻi ange ʻa e meʻa naʻe akoʻi ʻe Sīsū ʻo kau ki he kaveinga ko ení.” ʻOange ki he tokotaha-ʻapí ha tatau ʻo e Taua Leʻo ʻo ʻOkatopa-Tīsemá pea lāulea fakataha ki he fakamatala ʻi lalo ʻi he ʻuluaki kaveinga tokoni he peesi 16 mo ha konga Tohi Tapu ʻe taha pe lahi ange mei he ngaahi konga Tohi Tapu ʻoku haá. Tuʻuaki ʻa e ongo makasiní, pea fokotuʻutuʻu ke toe foki atu ke lāulea ki he fehuʻi hokó.

Ko e Taua Leʻo ʻOkatopa-Tīsema

Fakahā ange ʻa e takafi ʻo e makasiní, pea pehē: “ʻE fēfē haʻo tali ki he fehuʻi ko ení? [Tuku ke ne tali.] Fakatokangaʻi ange ʻa e meʻa ʻoku leaʻaki ʻe he Tohi Tapú. [Lau ʻa e 1 Sione 5:19.] Fakatatau ki heni, ko e “Fili” pe ko e Tēvoló, ʻokú ne puleʻi ʻa e māmaní. Ka ʻoku ʻohake ai ʻa e ngaahi fehuʻi ʻe niʻihi. Naʻe haʻu mei fē ʻa e Tēvoló? Ko ha tokotaha moʻoni koā ia? Ko e hā hono fuoloa ʻe fakaʻatā ai ʻe he ʻOtuá ke ne pulé? ʻOku fakahā mai ʻi he makasini ko ení ʻa e meʻa ʻoku leaʻaki ʻe he Tohi Tapú.”

ʻĀ Hake! ʻOkatopa-Tīsema

Lave ki ha meʻa fakamamahi ʻoku ʻi he ongoongó. Lea leva: “Ko e hā ʻokú ke fakakaukau ai ʻoku fakaʻatā ʻe he ʻOtuá ke hoko ʻa e ngaahi meʻa peheé? [Tuku ke ne tali.] Fakatatau ki he Tohi Tapú, ʻoku ongoʻi manavaʻofa ʻa e ʻOtuá ki he faʻahinga ʻoku faingataʻaʻiá. [Lau ʻa e Ekisoto 3:7.] ʻOku toe tala mai ʻe he Tohi Tapú ʻa e ʻuhinga ʻoku fakaʻatā ai ʻe he ʻOtuá ʻa e faingataʻá pea ʻe vave ke ne fakangata ia ʻo taʻengata. ʻOku fakamatalaʻi ia ʻi he makasini ko ení.”