Talitali Lelei ʻa e Kau ʻAʻahí

ʻI Maʻasi 23, ko e toko 12 miliona nai pe ko ha kau ʻaʻahi tokolahi ange ʻoku ʻamanekina ke nau maʻu ʻa e Fakamanatú ʻa ia ko ʻetau kau ʻaʻahi. Ko ha faifakamoʻoni tuʻu-ki-muʻa ē te nau maʻú ʻi he taimi ʻe lāulea ai ʻa e tokotaha-malangá ʻo fekauʻaki mo e meʻaʻofa ʻa Sihova ko e huhuʻí pea mo e ngaahi tāpuaki ʻe niʻihi ʻe maʻu ʻe he faʻahinga ʻo e tangatá ʻi he kahaʻú! (ʻAi. 11:6-9; 35:5, 6; 65:21-23; Sione 3:16) Kae kehe, ʻoku ʻikai ko e tokotaha-malangá pē ʻe faifakamoʻoni ʻi he kātoanga makehe ko ení. Ko kitautolu kotoa ʻoku lava ke tau kau ki ai ʻaki hono talitali lelei loto-māfana ʻetau kau ʻaʻahí. (Loma 15:7) Ko e ngaahi fokotuʻu eni ʻe niʻihi.

• ʻI he ʻikai ke ke tangutu ʻi ho nofoʻangá pea tatali ki he kamata ʻa e polokalamá, talitali lelei ʻa e kau ʻaʻahí mo e faʻahinga ʻikai longomoʻuí ʻaki ha malimali mo ha fakafeʻiloaki anga-fakakaumeʻa

• ʻI hoʻo fai ha tokanga makehe ki ho ngaahi maheni naʻá ke fakaafeʻi maí, tokanga ki he niʻihi kehe naʻa nau ʻi ai nai ko ʻenau maʻu ha tohi fakaafe ʻi he feingangāué. Fakaafeʻi ʻa e faʻahinga foʻoú ke tangutu fakataha mo koe. Sio fakataha mo ia ʻi ho Tohi Tapú mo e tohi hivá

• Hili ʻa e malangá, mateuteu ke tali ha ngaahi fehuʻi. Kapau ʻoku fakangatangata ʻa e taimí koeʻuhi ko e pau ki hoʻo fakatahaʻangá ke mavahe kae ʻatā ki ha fakatahaʻanga ʻe taha, fai ha fokotuʻutuʻu ke ʻaʻahi ki he tokotahá ʻi ha ngaahi ʻaho siʻi mei ai. Kapau ʻoku ʻikai te ke maʻu hono tuʻasilá, te ke pehē nai: “Naʻe fēfē hoʻo fakakaukau ki he polokalamá. ʻE lava nai ke u fetuʻutaki atu?”