Tauhi Anga-Tonu ʻa Siope ʻi he ʻAhiʻahí

Naʻe moʻui ʻa Siope ʻi ʻUsa ʻi he taimi naʻe kei nofo pōpula ai ʻa e kau ʻIsilelí ʻi ʻIsipité. Neongo naʻe ʻikai ko ha ʻIsileli ia, ko Siopé ko ha tokotaha lotu mateaki ʻa Sihova. Naʻe tokolahi hono fāmilí, koloaʻia ʻaupito pea naʻá ne mahuʻinga ʻi hono feituʻú. Naʻá ne hoko ko ha faiakonaki naʻe tokaʻi lahi pea taʻefilifilimānako ʻene faifakamāú. Naʻá ne nima-homo ki he masivá. Ko Siopé ko ha tangata naʻe anga-tonu.

Naʻe fakahaaʻi mahino ʻe Siope ko e Tokotaha mahuʻinga taha ki heʻene moʻuí ko Sihova

1:8-11, 22; 2:2-5

• Naʻe fakatokangaʻi ʻe Sētane ʻa e anga-tonu ʻa Siopé. Naʻe ʻikai ke ne fakaʻikaiʻi ʻa e talangofua ʻa Siope kia Sihová; ʻi hono kehé naʻá ne fehuʻia ʻa e fakaueʻiloto ʻa Siopé

• Naʻe taukaveʻi ʻe Sētane naʻe tauhi pē ʻa Siope kia Sihova ʻi ha ʻuhinga siokita

• Ke tali ʻa e tukuakiʻi ʻa Sētané, naʻe fakaʻatā ʻe Sihova ʻa Sētane ke ne ʻohofi ʻa e tangata faitōnunga ko iá. Naʻe uesia ʻe Sētane ʻa e meʻa kotoa pē ʻi he moʻui ʻa Siopé

• ʻI he taimi naʻe tauhi maʻu ai ʻe Siope ʻene anga-tonú, naʻe fehuʻia ʻe Sētane ʻa e anga-tonu ʻa e faʻahinga kotoa ʻo e tangatá

• Naʻe ʻikai ke faiangahala ʻa Siope pe tukuakiʻi ʻa e ʻOtuá ki haʻane fai ha fehālaaki