Falala Koe kia Sihova, ʻo Fai Lelei

“ʻOua te ke meheka . . . ko e kakai ʻoku ngaue kākā”

37:1, 2

• ʻOua ʻe fakaʻatā ʻa e lavameʻa fakataimi ʻa e kakai faikoví ke fakahohaʻasi hoʻo tauhi kia Sihová. Hangataha maʻu pē ki he ngaahi tāpuakí mo e taumuʻa fakalaumālié

“Falala koe kia Sihova, ʻo fai lelei”

37:3

• Falala ʻe poupouʻi koe ʻe Sihova ʻi ha faʻahinga veiveiua pe loto-moʻua. Te ne tokoniʻi koe ke nofoʻaki faitōnunga

• Hanganaki femoʻuekina ʻi hono vahevahe atu ʻa e ongoongo lelei e Puleʻanga ʻo e ʻOtuá

“Fakafiemalieʻi foki koe ia Jihova”

37:4, PM

• Fokotuʻu ha taimi-tēpile ke lau e Folofola ʻa e ʻOtuá pea fakalaulauloto fakataha mo e taumuʻa ke ʻiloʻi lelei ange ʻa Sihova

“Tekaki kia Sihova ho ʻalunga”

37:5, 6

• Falala kakato kia Sihova te ne tokoniʻi koe ke fakaleleiʻi ha faʻahinga palopalema pē

• Tauhi maʻu ha ʻulungaanga lelei ʻi he fehangahangai mo e fakafepakí, fakatangá pe fakamatalahalaʻi

“Ke ke fakalogo be kia Jihova, bea tatali faa kataki be kiate ia”

37:7-9, PM

• Fakaʻehiʻehi mei he ngaahi ngāue taʻefakapotopoto te ne ʻai ke mole hoʻo fiefiá mo e malu fakalaumālié

“Koe agamalu te nau maʻu ae fonua”

37:10, 11, PM

• Kumi ki he anga-maluú, pea tatali anga-kātaki kia Sihova ke ne toʻo kotoa ʻa e fakamaau taʻetotonu ʻokú ke hokosiá

• Poupouʻi e kaungātuí, pea fakafiemālieʻi ʻa e loto-mafasiá ʻaki ʻa e talaʻofa ʻa e ʻOtuá ki he māmani foʻou ʻoku ofi maí