Netiueka Fakasōsiale—Fakaʻehiʻehi mei he Ngaahi Tōʻangá

ʻUHINGA ʻOKU MAHUʻINGA AÍ: ʻI he hangē ko e lahi taha ʻo e ngaahi meʻangāué, ʻoku lava ʻa e ngaahi netiueka fakasōsialé ke ʻaonga pe fakatupu maumau. ʻOku fili ʻa e kau Kalisitiane ʻe niʻihi ke ʻoua te nau ngāueʻaki ʻa e ngaahi netiueka fakasōsialé. ʻOku ngāueʻaki ʻe he kau Kalisitiane kehé ia ʻa e ngaahi netiueka fakasōsialé ke fetuʻutaki ai mo e fāmilí mo e ngaahi kaumeʻá. Kae kehe, ʻoku fiemaʻu ʻe he Tēvoló ke tau ngāueʻaki taʻefakapotopoto ʻa e ngaahi netiueka fakasōsialé, ʻa ia ʻe lava ke ne maumauʻi hotau ongoongó mo hotau tuʻunga fakalaumālié. ʻI he hangē ko Sīsuú, ʻe lava ke tau ngāueʻaki ʻa e ngaahi tefitoʻi moʻoni mei he Folofola ʻa e ʻOtuá ke ʻiloʻi ai ʻa e ngaahi fakatuʻutāmakí pea fakaʻehiʻehi mei ai.—Luke 4:4, 8, 12.

NGAAHI TŌʻANGA KE FAKAʻEHIʻEHI MEI AI:

• Ko hono ngāueʻaki tōtuʻa ʻa e mītia fakasōsialé. Ko hono ngāueʻaki ʻa e ngaahi houa taʻefaʻalaua ʻi he netiueka fakasōsialé pe mītia fakasōsialé ʻoku lava ke ne toʻo atu ʻa e taimi mahuʻinga ʻoku fiemaʻu ki he ngaahi meʻa fakalaumālié

  Ngaahi tefitoʻi moʻoni ʻi he Tohi Tapú: ʻEf. 5:15, 16; Fil.1:10

• Ko e mamata ʻi he meʻa ʻoku ala fehuʻiá. Ko e sio ʻi he ʻata fakatauelé ʻoku taki atu ia ki hono maʻunimā ʻe he ʻata fakalieliá pe ʻulungaanga taʻetāú. Ko hono lau ʻa e meʻa mei ha taha kuo tafoki ʻo fakafepaki ki he moʻoní pe mei heʻene pēsí ʻoku lava ke ne maumauʻi ʻete tuí

  Ngaahi tefitoʻi moʻoni ʻi he Tohi Tapú: Māt. 5:28; Fil. 4:8

• Ko hono fokotuʻu atu ha ngaahi fakamatala pe ngaahi tā taʻetotonú. Koeʻuhi ʻoku kākā ʻa e lotó, ʻe hehema nai ha taha ke ne fokotuʻu atu ha fakamatala pe ha tā taʻetotonu ʻi he netiueka fakasōsialé. Kae kehe, ʻe lava ke maumauʻi ʻe he meʻá ni ʻa e ongoongo ʻo ha taha pe ʻai ia ke ne tūkia fakalaumālie

  Ngaahi tefitoʻi moʻoni ʻi he Tohi Tapú: Loma 14:13; ʻEf. 4:29

SIO ʻI HE VITIŌ NGĀUEʻAKI FAKAPOTOPOTO ʻA E ʻINITANETÍ, PEA LĀULEA LEVA KI HE FOUNGA KE FAKAʻEHIʻEHI AI MEI HE NGAAHI TUʻUNGA KO ENÍ: