Fakaʻehiʻehi mei he Tākiekina Fakaemāmaní ʻi Hono Palani ha Mali

Ko ha ongo meʻa Kalisitiane ʻokú na palani ke mali ʻoku lahi ʻa e ngaahi fili ke na faí. ʻE tenge nai kinaua ke faʻifaʻitaki ki he ngaahi mali kātoanga ʻoku angamaheniʻaki ʻi hona feituʻú. ʻE ʻi ai nai ʻa e ngaahi fakakaukau ʻa hona ngaahi kaungāmeʻá mo e fāmilí ʻi ha ʻuhinga lelei ki he founga ke fakahoko ai ʻena malí. Ko e hā ʻa e tefitoʻi moʻoni Fakatohitapu te ne tokoniʻi ha ongo meʻa ke na palani ki hona ʻaho malí ʻi ha founga te na maʻu ai ha konisēnisi maʻa pea ʻikai fakaʻiseʻisa?

SIO ʻI HE VITIŌ MALI ʻOKÚ NE FAKALĀNGILANGIʻI ʻA SIHOVÁ, PEA TALI LEVA ʻA E NGAAHI FEHUʻI KO ENÍ:

• Naʻe anga-fēfē ʻa e tokoni ʻa e ngaahi tefitoʻi moʻoni Fakatohitapu ko ení kia Niki mo Sulianá?

  • 1 Kol. 10:31

  • 1 Sio. 2:15, 16

  • Kal. 5:19-21

  • 1 Tīm. 2:9

• Ko e hā ʻoku totonu ai ki ha ongo meʻa ʻoku teu mali ke na fili ha tokoua Kalisitiane matuʻotuʻa fakalaumālie ke hoko ko e “talēkita ʻo e kātoanga kaí”?​—Sione 2:9, 10.

• Ko e hā ʻa e ngaahi ʻuhinga ke fili fakafoʻituitui ai ʻe Niki mo Suliana ʻena malí?

• Ko hai ʻoku fakafatongiaʻaki ki hono fakahoko ʻa e fili aofangatuku ʻo fekauʻaki mo e kātoanga malí pea pehē ki he fakafiefiá?​—w06 10/15 25 ¶10.