Tuʻu Maʻu ʻi he Ofi Mai ʻa e Ngataʻangá

ʻUHINGA ʻOKU MAHUʻINGA AÍ: ʻOku vavé ni ke hoko ʻa e ngaahi meʻa fakamanavahē ʻa ia ʻe ʻahiʻahiʻi ai ʻetau loto-toʻá mo e falala kia Sihová ʻi ha tuʻunga naʻe teʻeki ai ke hoko ki muʻa. Ko e fuʻu mamahi lahí ʻe kamata ia ʻaki hono fakaʻauha ʻa e lotu loí. (Māt. 24:21; Fkh. 17:16, 17) Lolotonga ʻa e fuʻu taimi maveuveu ko iá te tau malangaʻi nai ha pōpoaki fefeka fakaefakamaau. (Fkh. 16:21) Te tau fehangahangai mo ha ʻohofi ʻe Koki ʻo Mēkoki. (ʻIsi. 38:10-12, 14-16) Ke maluʻi ʻene kakaí ʻe kamataʻi ʻe Sihova ʻa e “tau ʻo e ʻaho lahi ʻo e ʻOtua Māfimafi-Aoniú.” (Fkh. 16:14, 16) Ke fakaivimālohiʻi ʻetau loto-toʻá ki he ngaahi meʻa ʻe hoko ʻi he kahaʻú kuo pau ke tau tuʻu maʻu lolotonga ʻa e ʻahiʻahiʻi ʻetau tuí ʻi he taimí ni.

FOUNGA HONO FAI IÁ:

• Pouaki loto-toʻa ʻa e tuʻunga māʻolunga fakaeʻulungaanga ʻa Sihová.​—ʻAi. 5:20

• Hokohoko atu ke lotu fakataha mo e kaungā Kalisitiané.​—Hep. 10:24, 25

• Vave ke talangofua ki he fakahinohino mei he kautaha ʻa Sihová.​—Hep. 13:17

• Fakalaulauloto ki he founga hono fakahaofi ʻe Sihova ʻene kakaí ʻi he kuohilí.​—2 Pita 2:9

• Lotu kia Sihova pea falala kiate ia.​—Saame 112:7, 8

SIO ʻI HE VITIŌ MEʻA ʻE HOKO ʻI HE KAHAʻÚ ʻE FIEMAʻU AI ʻA E LOTO-TOʻÁ​—KONGA, PEA TALI LEVA ʻA E NGAAHI FEHUʻI KO ENÍ:

• 

  Ko e hā ʻa e ʻahiʻahi ʻo e talangofuá naʻe fehangahangai mo ha kau malanga ʻi he fakatahaʻi ʻa e fakatahaʻanga naʻa nau kau ki aí?

• 

  ʻOku anga-fēfē ʻetau langa hake ʻa e loto-toʻá ʻi heʻetau talangofuá?

• 

  Ko e hā te tau fiemaʻu ai ʻa e loto-toʻá ʻi he hoko mai ʻa ʻĀmaketoné?

• 

  Ko e hā ʻa e fakamatala Fakatohitapu ʻe tokoni ke fakaivimālohiʻi ʻetau tuí ʻe fakahaofi kitautolu ʻe Sihová?​—2 Kal. 20:1-24