Founga Hono Ngāueʻaki ʻa e Sīpinga Fetalanoaʻakí

ʻOku ngāue mālohi ʻa e fanga tokouá ki hono teuteu ʻa e sīpinga fetalanoaʻakí pea kuo ʻiloʻi ʻe he kau malanga tokolahi ʻa ʻene ola lelei eni ʻi honau feituʻu ngāué. Kae kehe, koeʻuhi ko ʻene kehekehe ʻa e ngaahi tuʻunga ʻi he māmaní ʻe lava nai ke ngāueʻaki ʻe he kau malangá ʻi heʻenau ngāue fakafaifekaú ha sīpinga fetalanoaʻaki pe lāulea ki ha kaveinga kehe ʻoku fakamānako ki he kakai ʻi he feituʻú. Ko hono moʻoní, ʻoku totonu ke tau muimui kotoa ki he fakahinohino ki ha feingangāue makehe. Ko ʻetau taumuʻá ke fakahoko ʻa e fekau ʻa Sīsū ke malangaʻi ʻa e ongoongo lelei ʻo e Puleʻangá.​—Māt. 24:14.

ʻI hono fakahoko ʻa e konga ʻa e tokotaha akó, ʻoku totonu ki he kau malangá ke nau lāulea ki he kaveinga ʻi he sīpinga fetalanoaʻakí ʻoku ʻi he Polokalama Ngāue ki he Fakataha Moʻuí mo e Ngāue Fakafaifekaú. Tuku kehe kapau ʻe toki fakahaaʻi atu ʻe lava ke nau fili ha fehuʻi, konga Tohi Tapu, fehuʻi ki he ʻaʻahi hokó pe ko ha fokotuʻutuʻu kehe ʻa ia ʻe ola lelei ʻi he feituʻu ngāué. Ko e fakahinohino ki he feʻunuʻaki ko ení ʻoku hā ia ʻi he peesi 8 ʻo e polokalama ngāue ʻo Sune 2020.