MOʻUI KO HA KALISITIANE
ʻOku Fakahaofi ʻe Sihova ʻa e Faʻahinga ʻOku Laumālie Mafesí
Ko e tokotaha kotoa ʻoku ongoʻi loto-mamahi ʻi he taimi ʻe niʻihi. Ko e ongoʻi loto-mamahí ʻoku ʻikai ko ha fakaʻilonga ia ʻo e vaivai fakalaumālie. He ko ē, naʻa mo Sihova naʻá ne fakahaaʻi naʻá ne loto-mamahi ʻi he taimi ʻe niʻihi. (Sēn. 6:5, 6) Kae fēfē kapau ʻoku tau ongoʻi ʻoku faʻa lōmekina kitautolu ʻe he loto-mamahí pe naʻa mo e ʻi he taimi kotoa pē?
Hanga kia Sihova ki ha tokoni. ʻOku mahuʻingaʻia ʻaupito ʻa Sihova ʻi hotau tuʻunga moʻui lelei fakaeongó mo fakaʻatamaí. ʻOkú ne ʻiloʻi ʻa e taimi ʻoku tau fiefia aí mo e taimi ʻoku tau loto-mamahi aí. ʻOkú ne mahinoʻi ʻa e ʻuhinga ʻoku tau fakakaukau mo ongoʻi pehē aí. (Saame 7:9e) Ko e meʻa ʻoku mahuʻinga tahá ko Sihová ʻokú ne tokanga mai kiate kitautolu pea ʻe lava ke ne tokoniʻi kitautolu ke fekuki mo e ngaahi ongoʻi loto-mamahí pe naʻa mo e loto-mafasiá.—Saame 34:18.
Tokangaʻi hoʻo moʻui lelei fakaʻatamaí. Ko e ngaahi ongoʻi ʻikai leleí ʻe lava ke ne uesia ʻetau fiefiá pea pehē foki ki heʻetau lotú. ʻI he ʻuhinga ko ení, ʻoku lelei ai ke tau maluʻi hotau lotó—ʻa hotau tangata kakato ʻi lotó.—Pal. 4:23.
SIO ʻI HE VITIŌ FOUNGA ʻOKU MAʻU AI ʻE HOTAU FANGA TOKOUÁ ʻA E NONGA NEONGO ʻA E LOTO-MAFASIÁ, PEA TALI LEVA ʻA E NGAAHI FEHUʻI KO ENÍ:
Ko e hā ʻa e ngaahi meʻa ʻaonga naʻe fai ʻe Nikki ke tokoniʻi ia ke ne fekuki mo e loto-mafasiá?
Ko e hā naʻe ongoʻi ai ʻe Nikki naʻe fiemaʻu ke ne kumi ki ha tokoni fakafaitoʻó?—Māt. 9:12
ʻI he ngaahi founga fē naʻe falala ai ʻa Nikki kia Sihova ke tokoniʻi iá?