ʻE Lava Ke Tau Ikunaʻi ʻa e Tāufehiʻá!

Kapau ʻoku teʻeki ai, ʻoku ngalingali kuó ke vakai ki ai. Ko e ngaahi ongoongó ʻoku fonu ʻi he ngaahi līpooti ʻo e lau-lanu, lau matakali mo e tāufehiʻa ki he kau fakasōtomá. Ko hono olá, ko e ngaahi puleʻanga lahi ʻoku nau fakapaasi ʻa e ngaahi lao fekauʻaki mo e ngaahi hia tāufehiʻa kehekehe.

Ko e faʻahinga ʻoku fehiʻanekinaʻí ʻoku nau hoko ʻo toe tāufehiʻa ange ki he niʻihi kehé. ʻOku nau faʻa faisāuni ʻo toe tafunaki ai ʻa e tāufehiʻá.

Mahalo kuó ke fehangahangai mo e tomuʻa fehiʻa, manuki, leakovia mo e fakamanamana. Neongo ia, ʻoku ʻikai ke ngata pē ai ʻa e tāufehiʻá. ʻOku faʻa malanga hake ai ʻa e anga-fakamamahi, houtamaki, maumauʻi noa pē ʻa e ngaahi meʻá, tohotoho, tāmate pe naʻa mo e fakaʻauha fakafaʻahinga.

ʻE lāulea ʻa e makasini ko ení ki he ngaahi fehuʻi ko ení pea fakahaaʻi mai ai ʻa e founga ʻe lava ke ikunaʻi ai ʻa e tāufehiʻá:

• Ko e hā ʻoku lahi fau ai ʻa e tāufehiʻá?

• ʻE lava fēfē ke fakangata ʻa e tupulaki ʻa e tāufehiʻá?

• ʻE faifai ange pea ʻi ai ha taimi ʻe toʻo atu ai ʻo taʻengata ʻa e tāufehiʻá?