Fokotuʻu ki he Akó
ʻOkú ke maʻu ʻaonga mei he fakamatala ʻo e ngaahi veesi Tohi Tapú ʻoku maʻu ʻi he Tataki Fakaefekumi Maʻá e Kau Fakamoʻoni ʻa Sihová?
Ko e ngaahi fakamatala ko ení ʻe lava ke ne tokoniʻi koe ke keli loloto ange ʻi he Folofola ʻa e ʻOtuá. ʻOku fakakau nai ai ʻa e ngaahi fakaikiiki fekauʻaki mo e puipuituʻa ʻo ha veesi Tohi Tapu, ʻuhinga naʻe hiki aí, naʻe ngāueʻaki ia kia hai, pe ko e ʻuhinga ʻo e ngaahi foʻi lea pe kupuʻi lea pau.
ʻI he LAIPELI Taua Leʻo ʻI HE ʻINITANETÍ mo e JW Library® ʻoku lava ke ke ʻalu hangatonu ai mei ha veesi Tohi Tapu ki he ngaahi maʻuʻanga fakamatala ʻi he Tataki Fakaefekumi. ʻE lava ke ke maʻu ʻa e ngaahi maʻuʻanga fakamatala ko ení ʻi ha faʻahinga tatau Tohi Tapu pē ʻokú ke ala maʻu.
ʻI he taimi ʻokú ke ngāueʻaki ai ʻa e ngaahi maʻuʻanga fakamatala ko ení, tokanga ki he ʻahó. Ko e ngaahi kupu foʻou tahá ʻoku taupotu ki ʻolungá. ʻI lalo ʻi he lisí, ʻoku ʻi ai ʻa e ngaahi kupu ʻoku motuʻa ange ʻe maʻu nai ai ha mahino kuo fai hono fakatonutonu.
Ko e ngaahi maʻuʻanga fakamatala ki he veesi ʻi he Tataki Fakaefekumi ʻoku ʻotomētiki pē hono ala maʻu ʻi he LAIPELI Taua Leʻo ʻI HE ʻINITANETÍ.
Ke malava ke ke maʻu ʻa e ngaahi maʻuʻanga fakamatala ki he vēsí ʻi he JW Library, fakahū ki ai ʻa e Tataki Fakaefekumi pea download ʻa e update ʻi heʻene ala maʻú. ʻE lava ke fai eni ʻaki hoʻo lomi ʻi ʻolunga ʻi he study pane ʻo ha vahe pē ʻi he Tohi Tapú.