Fokotuʻu ki he Akó

Fili e Meʻa ke Fakamuʻomuʻá

ʻOku fakangatangata ʻa e lahi ʻo e taimi ʻoku tau maʻu ki he ako fakafoʻituituí. ʻE lava fēfē ke tau ngāue lelei taha ʻaki ʻa e taimi ko iá? ʻUluakí, ʻoua ʻe fakavave. Te ke maʻu ʻaonga lahi ange ʻi hoʻo ako fakalelei ha fakamatala siʻisiʻi ʻi hano lau fakavave ha fakamatala lahi.

Pea fili leva ʻa e ngaahi meʻa ke fakamuʻomuʻá. (ʻEf. 5:15, 16) Fakakaukau ki he ngaahi fokotuʻu ko ení:

• Lau ʻa e Tohi Tapú ʻi he ʻaho kotoa. (Saame 1:2) Ko ʻetau taimi-tēpile lau Tohi Tapu fakauike ki he fakataha lolotonga e uiké ko ha meʻa lelei ʻaupito ia ke kamata ai.

• Teuteu ki he Ako Taua Leʻo mo e fakataha lolotonga e uiké. Mateuteu ke tali.​—Saame 22:22.

• ʻI hoʻo maʻu ʻa e taimí, vakaiʻi ʻa e meʻakai fakalaumālie fakamuimui taha kehé, hangē ko ʻetau ngaahi makasini maʻá e kakaí, vitioó mo e fakamatala ʻi he jw.org.

• Fai ha poloseki ako. ʻE lava ke ke fai ha fekumi ki ha pole ʻokú ke fekuki mo ia, ko ha fehuʻi ʻokú ke maʻu pe ko ha kaveinga Fakatohitapu ʻokú ke loto ke mahinoʻi lelei ange.