Palopalema ʻi he ʻĀtakaí​​—Ko e Meʻa ʻE Fakahoko ʻe he Puleʻanga ʻo e ʻOtuá

“Ko e fakatamaki fakatupunga ʻe he feliuliuaki ʻa e ʻeá ʻokú ne uesia ʻa e kakaí, ngaahi kolo lalahí mo e ʻātakaí. Ko e ngaahi afā mālohí, ʻa ia ʻoku toe mālohi ange koeʻuhí ko e feliuliuaki ʻa e ʻeá, ʻoku nau fakaʻauha ʻa e ngaahi ʻapí mo e maʻuʻanga moʻuí takatakai ʻi he māmaní. Ko e ʻōsení ʻoku ʻalu ke toe māfana ange, ʻo fakamanamanaʻi ai ʻa e ngaahi meʻamoʻui lahi ʻaupito [ʻa ia ʻe lava ke nau mate ai].”​​—Inger Andersen, ʻōfisa māʻolunga ʻo e Ngaahi Puleʻanga Fakatahatahá mo e talēkita pule ʻo e Polokalama ʻĀtakai ʻa e UN, Siulai 25, 2023.

ʻE malava ke fakatahataha fakataha mai ʻa e ngaahi founga-pulé ke tālangaʻi ʻa e ngaahi ʻīsiu fakamāmanilahi ko ení? ʻOku malava ke nau tokonaki mai ha ngaahi fakaleleiʻanga tuʻuloa?

ʻOku lave ʻa e Tohi Tapu ki ha founga-pule ʻe lava pea te ne fakaleleiʻi ʻa e ngaahi palopalema kotoa pē ʻi he ʻātakaí ʻi he māmaní. ʻOku pehē ai “ʻe fokotuʻu ʻe he ʻOtua ʻo langí ha puleʻanga,” ko ha founga-pule ke ne tokangaʻi ʻa e ngaahi meʻa kotoa ʻo e māmaní. (Taniela 2:44) ʻI he malumalu ʻo e founga-pule ko iá, ko e kakaí “ʻe ʻikai te nau fai ha faʻahinga maumau pe ko ha faʻahinga fakaʻauha” ki he niʻihi kehé pe ko e māmaní.​​—ʻAisea 11:9.