Feohi mo e Faʻahinga ʻOku ʻOfa kia Sihová

Ko e hā ʻoku totonu ai ke tau feohi mo e faʻahinga ʻoku ʻofa kia Sihová? Koeʻuhi ko ʻetau feohí ʻoku ʻi ai ʻene tākiekina lelei pe kovi kiate kitautolu. (Pal. 13:20) ʻI he taimi ʻe taha, ko Tuʻi Sōasi naʻá ne fai ʻa e “meʻa naʻe totonu ʻi he vakai ʻa Sihová” ʻi heʻene feohi mo Sihoiata ko e Taulaʻeiki Lahí. (2 Kal. 24:2) Hili ʻa e mate ʻa Sihoiatá, naʻe liʻaki ʻe Sōasi ʻa Sihova koeʻuhi ko e feohi koví.—2 Kal. 24:17-19.

ʻI he ʻuluaki senituli T.S., naʻe fakahoa ai ʻe he ʻapositolo ko Paulá ʻa e fakatahaʻanga Kalisitiané ki ha “fale lahi” pea ko e ngaahi mēmipa ʻo e fakatahaʻangá ki ha “ngaahi ipu,” pe ko ha naunau fale. ʻOku tau hoko ko ha “meʻangāue ki hano ngāueʻaki lāngilangiʻia” ʻi heʻetau fakaʻehiʻehi mei he feohi vāofi mo ha taha, naʻa mo ha mēmipa ʻi hotau fāmilí pe ko e fakatahaʻangá, ʻokú ne fai ha meʻa ʻoku taʻefakahōifua kia Sihova. (2 Tīm. 2:20, 21) Ko ia ai, ʻofa ke tau hokohoko atu ʻi he kaumeʻa mo e faʻahinga ʻoku ʻofa kia Sihová pea ʻoku fakalototoʻaʻi ai kitautolu ke tauhi kiate ia.

SIO ʻI HE VITIŌ AKO KE TALITEKEʻI ʻA E FEOHI KOVÍ, PEA TALI LEVA ʻA E NGAAHI FEHUʻI KO ENÍ:

• Ko e hā ha ngaahi founga ʻe niʻihi te tau hoko ai ʻo feohi koví?

• ʻI he vitioó, ko e hā naʻá ne tokoniʻi ʻa e kau Kalisitiane ʻe toko tolú ke taʻofi ʻenau feohi koví?

• Ko e hā ha tefitoʻi moʻoni Fakatohitapu te ne tokoniʻi koe ke fili fakapotopoto hoʻo feohí?