Ngaahi Fanongonongo

◼ Tohi ke ngāueʻaki he lolotonga ʻo Tisema: Te Ke Malava ʻo Moʻui Taʻengata he Palataisi ʻi he Māmaní. Sānuali: Ko ha tohi pē naʻe pulusi ki muʻa ʻi he 1980, peesi ʻe 192 ʻi he pepa ʻa ia ʻe lava ke melo pe mole ʻa hono lanú. Ko e ngaahi fakatahaʻanga ʻoku ʻikai te nau maʻu ʻa e ngaahi tohi peheé te nau ngāueʻaki nai ʻa e kiʻi tohi ʻOku ʻI Ai Ha ʻOtua ʻOku Tokanga Mai? Fēpueli: Te Ke Malava ʻo Moʻui Taʻengata he Palataisi ʻi he Māmaní. Maʻasi: Revelation​—Its Grand Climax At Hand! FAKATOKANGA: Ko e ngaahi fakatahaʻanga te nau fie maʻu ʻa e ngaahi tohi ki he feingatau ʻoku hā ʻi ʻolungá ʻoku totonu ke nau kole ʻi heʻenau Literature Request Form (S(d)-14) fakamāhina hono hoko maí. Ko e ngaahi tohi motuʻa ange ʻoku lave ki ai ʻi ʻolungá ʻoku ʻikai ke ala maʻu ia ʻi he vaʻa ʻi Haʻamoa Hihifó, ka ʻoku totonu ke ngāueʻaki pē ʻe he ngaahi fakatahaʻangá ʻa e ngaahi tohi pehē ʻoku nau lolotonga maʻú.

◼ ʻOku totonu ke hanga ʻe he ʻovasia pulé pe ko ha taha te ne fili ʻe ia ʻo sivi ʻa e fakamatala paʻanga ʻa e fakatahaʻangá ʻi Tisema 1 pe ʻi he faingamālie vave taha ʻi he hili iá. Pea fanongonongo ki he fakatahaʻangá ʻi he ʻosi hono fai iá.

◼ ʻE fai ʻa e Fakamanatu ki he 1995 ʻi he Falaite, ʻEpeleli 14, he hili ʻa e tō ʻa e laʻaá. ʻOku fakahā atu ʻa e ʻaho ki hono fai ʻa e Fakamanatu ʻi he 1995 koeʻuhi ke malava ʻa e ngaahi tokouá ke fai ha ngāue ke taʻofi leva pe fai ha alea ki ha ngaahi holo ʻo kapau ʻoku fuʻu lahi ʻa e ngaahi fakatahaʻanga ʻoku nau ngāueʻaki ʻa e Kingdom Hall ʻe taha pea kuo pau ke nau fekumi ki ha ngaahi holo kehe.

◼ ʻOku totonu ki he ngaahi fakatahaʻangá ke nau kamata ke kole ʻa e ngaahi voliume ʻo e Ko e Taua Leʻo mo e Awake! ki he 1993 ʻi heʻenau kole tohi ʻi Tisemá. (Sio ki he Watchtower Publications List, palakalafi 6-8, 10.) ʻE ala maʻu ʻa e ngaahi voliumé ʻi he lea faka-Falanisē, Holani, Kalisi, Kōlea, Lūsia, Pilitania, Pōlani, Potukali, Sepeni, Siamane, Siapani, mo ʻĪtali. ʻE hā ia ko e “Pending” ʻi he fakahokohoko fakaheka atu ki he fakatahaʻangá kae ʻoua kuo ala maʻu ʻa e ngaahi voliumé pea fakaheka atu leva ia. Ko e ngaahi voliumé ko e meʻa ke fai ha kole makehe ki ai. (Sio ki he Watchtower Publications List, palakalafi 24 mo e 25.)

ʻŪ Ongoongo Fakateokalati

Bahamas: Naʻe fiefia ʻa e kau malanga ʻe toko 1,294 ke maʻu ʻa e toko 3,149 ʻi heʻenau Fakataha Fakavahe “Ngaahi Meʻa ʻOku Akoʻi mei he ʻOtuá” pea ke sio ki he toko 38 naʻe papitaiso.

Pelēsila: Naʻe aʻusia ʻi Siulai ʻa e tumutumu hono fā ʻo e kau malangá ki he taʻu fakangāue 1993 ʻa ia ko e toko 348,634 naʻe lipooti.

Gabon: Naʻe aʻusia ai ʻa e tumutumu hono nima ki he taʻu fakangāue 1993 ʻi he lipooti ʻi Siulai ʻa e kau malanga ʻe toko 1,332. Ko e ʻavalisi ʻa e kau malanga faivelenga ko ʻení ko e ngaahi houa ʻe 17.8, naʻa nau fai ʻa e ngaahi toe ʻaʻahi ʻe 22,658, mo fai ʻa e ngaahi ako Tohi Tapu ʻe 4,280.

Fakamatala Ngāue ʻo Sēpitema

Taaimuʻa Taaimuʻa Taaimuʻa Kau

Makehe Tuʻumaʻu Fakataimi Malanga Katoa

Haʻamoa ʻAmelika 1 20 10 150 181

Haʻamoa Hihifo 3 3 13 239 258

Tokelau - - - - -

Tonga 3 5 - 50 58

Tuvalu ​4 ​3 ​3 ​28 ​38

KATOA 11 31 26 467 535

Ako

Houa Makasini Toe Foki Tohi Tapu

Haʻamoa ʻAmelika ​11.6 ​10.6 ​3.8 .7

Haʻamoa Hihifo 13.7 10.9 4.0 .8

Tokelau - - - -

Tonga 11.3 11.1 3.3 .6

Tuvalu 13.3 6.0 3.9 .8

Tō ke Hulu Atu Kae Fai ʻi he ʻIloʻilo

¹ ʻOku ʻilo ʻe he kau tō ngoue kotoa pē kapau ʻe hulu ʻene tō ʻa e tengá, ʻoku ngalingali ʻe hulu ʻa e meʻa te ne utu ʻi he utu-taʻú, ka ʻo kapau ʻe fakasiʻisiʻi ʻene toó, ʻoku pau ke siʻisiʻi ʻa e meʻa te ne utú. (2 Kol. 9:6) ʻOku tokanga lahi ʻa e kau tō ngoué ke ʻoua ʻe maumauʻi ʻenau tengaʻi ʻakaú ʻi haʻanau tō ʻi ha feituʻu he ʻikai malava ke tupu ai ha meʻa. ʻOku pehē pē ʻa e tokanga ʻoku fie maʻu ʻi he taimi ʻoku tau tuʻuaki ai ʻetau ngaahi tohí ʻi he ngāue fakamalangá. ʻOku tau loto ke tuku atu ʻa e ngaahi tohí kiate kinautolu ʻoku nau fie lau iá. ʻOku totonu ke tau tuku atu kiate kinautolu ʻoku taaú ha faingamālie ke ako ʻo kau ki he ʻofa maʻataʻatā ʻa Sihová mo e ʻamanaki fekauʻaki mo e Puleʻangá.

² ʻOkú ke ʻilo kuo fokotuʻunga lahi ʻi hoʻo tukuʻanga tohi ʻi ho ʻapí ʻa e ngaahi makasini, ngaahi polosiua, mo e ngaahi tohi kehe ʻa ia ʻe lava ke ngāueʻaki ke fakahoko kiate kinautolu ʻoku taaú ʻi ho feituʻú ʻa e ʻilo ʻo kau ki he moʻoní? (Fakafehoanaki mo Mātiu 25:25.) ʻOkú ke taʻotaʻofi ʻi he taimi ʻe niʻihi mei hono tuʻuaki ʻo e ngaahi makasiní pe ngaahi tohi kehé ʻi hoʻo ʻuluaki ʻaʻahí koeʻuhi ʻoku faingataʻa kiate koe ke fakahā ʻa e anga hono poupouʻi ʻo e ngāue fakamalanga fekauʻaki mo e Puleʻangá? Kuo ʻilo ʻe he kau malanga taukeí ʻoku lelei ʻa e anga ʻo e tali ʻa e kakai loto-houngá ʻi hono fakamatalaʻi hangatonu mo nounou ʻa e anga hono ngāueʻaki ʻa e ngaahi tokoni ʻoku maʻú ki he ngāue fekauʻaki mo e Puleʻangá.

³ Te ke lea pehē ni nai:

◼ “ʻOkú ke fifili nai pe ʻoku malava fēfē hono tuʻuaki ʻa e ngaahi tohí ʻo ʻikai ha totongí. Ko e konga ia ʻo e ngāue fakaeako ʻi māmani lahi ʻa ia ʻoku poupouʻi ʻaki ʻa e ngaahi tokoni loto-fiefoaki. Kapau te ke fie fai ha kiʻi tokoni ki he ngāué, te u fiefia ke tali lelei ia.”

⁴ Ko e tokolahi ʻo e kakaí te nau ʻeke pe ʻoku fiha ʻa e totongi ʻo e ngaahi tohí.

Te ke tali pehē ni nai:

◼ “ʻOku ʻikai ke ʻi ai ha totongi ki he ngaahi tohí koeʻuhi ko ʻemau ngāué ʻoku poupouʻi ia ʻi he ngaahi tokoni loto-fiefoaki. Kapau te ke saiʻia ke fai ha kiʻi tokoni he ʻahó ni, te mau fiefia ke fakapapauʻi ʻe ngāueʻaki ia ki he ngāue fakamalanga ʻi māmani lahí.”

Pe te ke lea pehē ni:

◼ “ʻOku mau ʻai ke ala maʻu ʻemau ngaahi tohí ʻe kinautolu kotoa pē ʻoku fie ako lahi ange ʻo kau ki he Tohi Tapú. Kapau te ke saiʻia ke fai ha kiʻi tokoni ki he ngāue ko ʻeni ʻi māmani lahí, te u fiefia ke ʻoatu ia ki ai maʻau.”

⁵ ʻI he ngāue makasiní ʻoku ʻi ai ʻa e kau malanga ʻe niʻihi ʻoku nau fakahā ʻa e peesi hono ua ʻo e makasiní ʻo nau pehē:

◼ “Hangē ko ia ʻokú ke vakai ki ai hení, ʻoku poupouʻi ʻemau ngāué ʻaki ʻa e ngaahi tokoni loto-fiefoaki. Kapau te ke saiʻia ke fai ha tokoni siʻisiʻi ke tokoni ki he ngāue ko ʻení, te u lava ke fakahoko ia.”

Ko e toe fakamatala faingofua ʻe taha ke fai:

◼ “Neongo ʻoku tuʻuaki ʻemau ngaahi tohí ʻo ʻikai ha totongi, ka ʻoku mau tali lelei ha tokoni siʻisiʻi ki heʻemau ngāue ʻi māmani lahí.”

⁶ ʻOku totonu ke ʻoua te tau toupīkoi mei hono tō ʻa e tenga fekauʻaki mo e Puleʻangá koeʻuhi ko ʻetau toumoua ke lave ki he anga ʻo hono fakapaʻanga ʻetau ngāué. ʻI he taimi tatau pē, ʻoku fie maʻu ʻa e ʻiloʻilo ke ʻoua ʻe fakamole noa ʻetau ngaahi tohí ʻi ha ‘kelekele makamaka.’ (Mk. 4:​5, 6, 16, 17) Ko kinautolu ʻoku nau houngaʻia ʻi he ongoongo lelei ʻoku tau malangaʻí ʻoku nau fiefia ʻi he maʻu ha faingamālie ke tokoni fakamatelie ki ai.​—Fakafehoanaki mo Mātiu 10:42.