Hiva 86

Fakatupulekina ʻa e Fua ʻo e ʻOfá

(1 Kolinito 13:8)

1. ʻOmi he ʻofa ʻe Sihova

Ki he kau faifekau ʻaʻaná

ʻŪ talēniti fiemaʻu

Ke fai finangalo tapu.

Nau hounga he laumālie;

Nau tō hono fua kotoa pē;

Tautefito ki he taha

—Fua e ʻofa hulutuʻa.

2. ʻŪ anga ngāue faifekaú

Tau ngāueʻaki taʻehanu;

Ka koe mahuʻinga tahá

Ke tau feinga ke haohaoá.

ʻIkai taha ʻatamaí

Hono fafanga e sipí;

Pau kau atu hotau lotó,

Monū ʻoku fakaongo.

3. He tau feinga ke tupulaki,

Melino ke tau leʻohi.

Kātaki he tukuaki;

Fua kavenga ʻa vaivai.

Ongoʻi ʻa e fiefia

ʻOmi he taʻesiokitá,

ʻO haohaoa fua e ʻofá

ʻO tau hangē ko Sihova.