Ko e Hā Kuo Pau Ke Tau Fai ke Fakahōifuaʻi Ai ʻa e ʻOtuá?

Fakaʻehiʻehi mei he meʻa ʻoku koví. 1 Kolinitō 6:9, 10

Kapau ʻoku tau ʻofa ʻia Sihova, ʻe ʻikai ke tau fai ʻa e ngaahi meʻa ʻokú ne fehiʻa aí.

ʻOku ʻikai fiemaʻu ʻe Sihova ke tau kaihaʻa, konā, pe ke ngāuekoviʻaki ʻa e faitoʻo kona tapú.

ʻOku fehiʻa ʻa e ʻOtuá ʻi he fakapoó, fakatōtamá, mo e fakasōtomá. ʻOku ʻikai te ne fiemaʻu ke tau mānumanu pe kē mo e niʻihi kehé.

Kuo pau ke ʻoua naʻa tau lotu ki he ngaahi ʻaitolí pe tōʻongaʻaki ʻa e fakahaʻele fakafaʻahikehé.

ʻI he māmani Palataisi ʻe hoko maí, ʻe ʻikai ha feituʻu ai ki he kakai ʻoku nau fai ʻa e ngaahi meʻa ʻoku koví.

Fai ʻa e meʻa ʻoku leleí. Mātiu 7:12

Ke fakahōifua ki he ʻOtuá, kuo pau ke tau feinga ke hangē ko iá.

Fakahāhā ʻa e ʻofa ki he niʻihi kehé ʻaki ʻa e hoko ʻo anga-lelei mo nima-homo.

Hoko ʻo faitotonu.

Hoko ʻo faimeesi mo fakamolemole.

Talanoa ki he niʻihi kehé ʻo fekauʻaki mo Sihova mo ʻene ngaahi foungá.​—ʻAisea 43:10.