LAIPELI Taua Le‘o ‘I HE ‘INITANETÍ
Taua Le‘o
LAIPELI ‘I HE ‘INITANETÍ
Faka-Tonga
ʻ
  • ʻ
  • ā
  • ē
  • ī
  • ō
  • ū
  • TOHI TAPU
  • ‘Ū TOHI
  • NGAAHI FAKATAHA
  • g20 Fika 1 p. 14-15
  • Ko e Moʻui ʻo ʻIkai ha Loto-Mafasiá ʻOku Malava

‘Ikai ala ma‘u ha vitiō

Kātaki, ‘oku ‘ikai ma‘u ha vitiō.

  • Ko e Moʻui ʻo ʻIkai ha Loto-Mafasiá ʻOku Malava
  • ʻĀ Hake!—2020
  • Fakamatala Meimei Tatau
  • Meʻa ʻi Lotó
    ʻĀ Hake!—2020
  • “Ko e Melinó ʻE Hulu Fau” ʻi he Malumalu ʻo e Puleʻanga ʻo e ʻOtuá
    ʻĀ Hake!—2019
  • Founga ke Fekuki Ai mo e Loto-Mafasiá
    ʻĀ Hake!—2020
  • Pule‘anga ‘o e ‘Otuá—Ko ‘Ene ‘Uhinga kia Sīsuú
    Ko e Taua Leʻo ʻOku Fanongonongo Ai ʻa e Puleʻanga ʻo Sihová—2014
Sio ki he Me‘a Lahi Ange
ʻĀ Hake!—2020
g20 Fika 1 p. 14-15
Ko ha kiʻi talavou mo ʻene tamaí ʻokú na vaʻinga ʻi he ngaahi peau ʻo e tahí, lolotonga iá ʻoku fiefia ʻa e faʻeé mo e ongo kiʻi ʻofefiné ʻi he vakai mai mei he matātahí.

FAKANONGA KI HE LOTO-MAFASIÁ

Ko e Moʻui ʻo ʻIkai ha Loto-Mafasiá ʻOku Malava

Ko e poto ʻi he Tohi Tapú ʻe lava ke ne tokoniʻi kitautolu ke fakaʻehiʻehi mei he loto-mafasia ʻikai fiemaʻú. ʻOku ʻikai malava ke tau toʻo atu ʻa e ngaahi meʻa kotoa ʻokú ne fakamafasiaʻi kitautolú. Ka ʻoku malava ia ʻe hotau Tokotaha-Fakatupú. Kuo aʻu ʻo ne fakanofo ha tokotaha ke ne tokoniʻi kitautolu. Ko e tokotaha ko iá ko Sīsū Kalaisi. ʻI ha tuʻunga fakamāmanilahi, ʻoku vavé ni ke ne fakahoko ʻa e ngaahi meʻa fakaofo lahi ange ia ʻi he ngaahi meʻa naʻá ne fakahoko ʻi he māmaní ʻi he taimi naʻá ne kei tangata aí. Ko e fakatātaá:

ʻE FAKAMOʻUI ʻE SĪSŪ ʻA E PUKÉ, ʻO HANGĒ KO IA NAʻÁ NE FAKAHĀHĀ.

‘Naʻa nau ʻomi kiate ia ʻa e faʻahinga kotoa naʻe faingataʻaʻia ʻi he ngaahi mahaki kehekehe . . . , peá ne fakamoʻui kinautolu.’​—MĀTIU 4:24.

ʻE TOKONAKI ʻE SĪSŪ ʻA E NOFOʻANGA MO E MEʻAKAI KI HE TOKOTAHA KOTOA.

“Te nau [faʻahinga ʻe pule mai ki ai ʻa Kalaisí] langa fale pea nofo ai, pea te nau tō ngoue kālepi pea kai ʻa hono fuá. ʻE ʻikai te nau langa ke nofo ai ha tokotaha kehe, pea ʻe ʻikai te nau tō ke kai ʻe ha niʻihi kehe.”​—‘AISEA 65:21, 22.

ʻE ʻOMAI ʻE HE PULE ʻA SĪSUÚ ʻA E MELINO MO E MALU ʻI MĀMANI LAHI

“ʻI hono ngaahi ʻahó ʻe tupu ʻāfaʻafa ai ʻa e māʻoniʻoní, pea ko e melinó ʻe hulu fau kae ʻoua kuo ʻikai ke toe ʻi ai ʻa e māhiná. ʻE ʻi ai ʻa e faʻahinga te ne pule ki ai mei he tahi ki he tahi pea mei he Vaitafé ki he ngaahi ngataʻanga ʻo e māmaní. . . . Ko hono ngaahi filí te nau kai ʻa e efú.”​—SAAME 72:7-9.

ʻE TOʻO ATU ʻE SĪSŪ ʻA E FAKAMAAU TAʻETOTONÚ.

“Te ne fakaʻofaʻia ʻi he māʻulaló mo e masivá, pea ko e moʻui ʻa e kau masivá te ne fakahaofi. Te ne fakahaofi kinautolu mei he fakafeʻātungiá pea mei he fakamālohí.”​—SAAME 72:13, 14.

ʻE TOʻO ATU ʻE SĪSŪ NAʻA MO E FAINGATAʻÁ MO E MATÉ.

“ʻE ʻikai ke toe ʻi ai ha mate, pe ha mamahi pe ha tangi pe ha langa.”​—FAKAHĀ 21:4.

“NGAAHI TAIMI ʻO E MAFASIA LAHI”

“ʻOku fakautuutu ange ʻa e loto-mafasia, hohaʻa mo e loto-mamahi ʻa e kakaí ʻi he ʻahó ni ʻi ha toe taimi ki muʻa.”​—Mohamed S. Younis, ko ha ʻētita ʻo e Gallup.

Ko e hā ʻoku anga-maheni ai ʻa e loto-mafasiá? ʻOku ʻomai ʻe he Tohi Tapú ha tali mohu ʻuhinga. ʻI he 2 Tīmote 3:1, ʻoku pehē ai: “ʻE hoko ʻi he ngaahi ʻaho fakaʻosí . . . ʻa e ngaahi taimi ʻo e mafasia lahi mo e faingataʻa.” (The Amplified Bible) ʻOku hoko atu ʻa e Tohi Tapú ʻo pehē ko e ʻuhingá ʻoku felāveʻi ia mo e ngaahi tōʻonga kovi ʻa e kakaí. Ko e ngaahi tōʻonga ko ení ʻoku kau ki ai ʻa e mānumanu, pōlepole, mālualoi ʻi he ngaahi lotú, anga-fakamālohi, ʻikai maʻu ʻa e ʻofa fakanatulá pea ʻikai maʻu ʻa e mapuleʻi-kitá. (2 Tīmote 3:2-5) ʻE ngata ʻa e ngaahi ʻaho fakaʻosí ʻi he taimi ʻe puleʻi kakato ai ʻe Sīsū Kalaisi ʻa e māmaní ʻi hono tuʻunga ko e Tuʻi ʻo e Puleʻanga ʻo e ʻOtuá, ko ha founga-pule fakahēvani.​—Taniela 2:44.

    ʻŪ Tohi Faka-Tonga (1987-2026)
    Hū ki Tu‘a
    Hū ki Loto
    • Faka-Tonga
    • Share
    • Sai‘ia
    • Copyright © 2025 Watch Tower Bible and Tract Society of Pennsylvania
    • Makatu‘unga Hono Ngāue‘akí
    • Polisī Fakafo‘ituitui
    • Privacy Setting
    • JW.ORG
    • Hū ki Loto
    Share