Fakahokohoko ʻa e Akoʻanga Fakafaifekau Fakateokalati ki he 1996
Ngaahi Fakahinohino
Lolotonga ʻo e 1996 ko e ngaahi fokotuʻutuʻu ʻeni ki he Akoʻanga Fakafaifekau Fakateokalatí. NGAAHI TOHI AKO: Ko e New World Translation of the Holy Scriptures [bi12], Fāʻūtaha ʻi he Lotu ki he ʻOtua Moʻoni Pē Taha [uw], “All Scripture Is Inspired of God and Beneficial” (1990 Edition) [si], Ngaahi Tuʻunga Lea Faka-Tohitapu ke Fetalanoaʻaki Ai [td], pea mo e Reasoning From the Scriptures [rs] ʻe fakatuʻunga mei ai ʻa e ngaahi kongá. ʻOku totonu ke kamata ʻa e akó ʻi hono TAIMI TOTONÚ ʻaki ʻa e hiva, lotu mo e lea talitali fiefia pea hoko atu ʻo hangē ko ʻení:
KONGA FIKA 1: Miniti ʻe 15. ʻOku totonu ke fai ʻeni ʻe ha mātuʻa pe ko ha sevāniti fakafaifekau, pea ʻe makatuʻunga ia mei he Fāʻūtaha ʻi he Lotu ki he ʻOtua Moʻoni Pē Taha pe ko e “All Scripture Is Inspired of God and Beneficial.” Ko e konga ko ʻení ʻoku totonu ke fai ia ko ha malanga fakahinohino miniti ʻe 10 ki he 12 pea hoko ai mo ha fakamanatu he miniti ʻe 3 ki he 5, ʻo ngāueʻaki ʻa e ngaahi fehuʻi kuo pulusi ʻi he tohí. ʻOku ʻikai ko hono taumuʻá ke fakamatalaʻi pē ka ko e fakahanga ʻa e tokangá ki he ʻaonga ʻo hono ngāueʻaki ʻo e fakamatala ʻoku faí, ʻo fakamamafaʻi ʻa ia ʻoku ʻaonga lahi taha ki he fakatahaʻangá. ʻOku totonu ke ngāueʻaki ʻa e kaveinga ʻoku hā aí. ʻOku fakalototoʻaʻi kotoa ke fai ha teuteu fakamākukanga ki muʻa koeʻuhi ke maʻu ʻe he kau fanongó ʻa e ʻaonga kakato mei he fakamatala ko iá. Ko e ngaahi tokoua ʻe vaheʻi ki he konga ko ʻení ʻoku totonu ke nau tokanga ke ngata pē he taimi kuo vaheʻi atú. ʻE lava nai ke fai ha akonakiʻi ʻo ha tokotaha kapau ʻe fiemaʻu pe kapau ʻe kole ʻe he tokotaha malangá ke fai ia.
MEʻA MAHUʻINGA MEI HE LAU TOHITAPÚ: Miniti ʻe 6. ʻOku totonu ke fai ʻeni ʻe ha tokotaha mātuʻa pe ko ha sevāniti fakafaifekau ʻa ia te ne fakahā ʻi he founga ola lelei ʻa e kaunga ʻo e fakamatalá ki he ngaahi fiemaʻu fakalotofonuá. ʻOku totonu ke ʻoua ʻe hoko ko ha fakamatala fakanounou pē ʻeni ʻo e meʻa naʻe vaheʻi ke laú. ʻOku lava nai ʻo fai ha fakamatala nounou ʻo e ngaahi vahe naʻe vaheʻí ʻi he sekoni ʻe 30 ki he 60. Kae kehe, ko e taumuʻa tefitó ia ke tokoniʻi ʻa e kau fanongó ke nau mahuʻingaʻia ki he ʻuhinga pea mo e founga ʻo ʻene ʻaonga kiate kitautolu ʻa e fakamatalá. ʻE toki tukuange atu leva ʻa e kau akó ki honau ngaahi loki akó ʻe he ʻovasia ʻo e akó.
KONGA FIKA 2: Miniti ʻe 5. Ko e lau Tohitapu ʻeni mei he meʻa kuo vaheʻi ke laú pea ʻe fai ʻe ha tokoua. ʻE fakahoko ʻeni ʻi he ako tefitó pea pehē ki he ngaahi kulupu kehé. Ko e meʻa kuo vaheʻi ke laú ʻoku faʻa nounou feʻunga pē ke fakafaingamālieʻi ʻa e tokotaha akó ke ne fai ha fakamatala mahino nounou ʻi he kamataʻangá pea mo ha fakamatala fakamulituku. ʻE lava ke kau nai ai ʻa e tuʻunga fakahisitōlia, ʻuhinga fakaekikite pe fakatokāteline, pea mo e kaunga ʻo e ngaahi tefitoʻi moʻoní. ʻOku totonu ke lau ʻa e ngaahi veesi kātoa naʻe vaheʻí ʻo ʻoua ʻe toe mālōlō. Ko hono moʻoní, ʻi he ʻikai ke hokohoko ʻa e ngaahi veesi ʻe laú, ʻe lava ke lave ʻa e tokotaha malangá ki he veesi ʻe hoko atu ki ai ʻa e laú.
KONGA FIKA 3: Miniti ʻe 5. ʻE vaheʻi ʻa e konga ko ʻení ki ha tuofefine. Ko e kaveinga ki he tuʻuakí ni ʻe makatuʻunga ia ʻi he Ngaahi Tuʻunga Lea Faka-Tohitapu ke Fetalanoaʻaki Ai. ʻOku totonu ke lava ʻo lautohi ʻa e tokotaha ako ʻoku vaheʻi ki aí. ʻI he fai ʻo e malangá, ʻe lava pē ke tangutu pe tuʻu ʻa e tokotaha akó. Ko e tuofefine ʻoku vaheʻi ki ai ʻa e konga ko ʻení ʻoku fiemaʻu ke ne liliu ʻa e kaveingá mo e fakamatalá ko ha fokotuʻutuʻu ʻaonga, ʻoku lelei ange ke ngāueʻaki ha fokotuʻutuʻu ʻoku fekauʻaki mo e ngāue fakamalangá pe fakamoʻoni ʻikai ʻi he founga anga-mahení. ʻE vaheʻi ʻe he ʻovasia ʻo e akó ha tokotaha tokoni ʻe taha, ka ʻe lava pē ke toe tānaki atu mo ha kau tokoni. ʻOku ʻikai ko e fokotuʻutuʻú ka ko hono ngāueʻaongaʻaki ʻa e meʻa ʻoku fakamatalaʻí ʻoku mahuʻinga lahi taha ke fai ki ai ʻa e tokangá.
KONGA FIKA 4: Miniti ʻe 5. ʻE vaheʻi ʻeni ki ha tokoua pe ko ha tuofefine. ʻE makatuʻunga ia ʻi he Reasoning From the Scriptures. Ka vaheʻi ki ha tokoua, ko e malanga leva ia ki he kau fanongó kotoa. ʻOku faʻa lelei taha ke teuteu ʻe he tokouá ʻene malangá pea mo fakakaukau ki he kau fanongo ʻi he Kingdom Hall koeʻuhi ke hoko ko ha maʻuʻanga ʻilo mo ʻaonga moʻoni ia kiate kinautolu te nau fanongo ki aí. Ka, vaheʻi ki ha tuofefine, ʻoku totonu ke fai ia ʻo fakatatau mo e fakamatala ki he Malanga Fika 3.
AKONAKI MO E NGAAHI FAKAMATALA: Hili ʻa e malanga ʻa e tokotaha ako taki taha, ʻe fai ʻe he ʻovasia ʻo e akó ha akonaki pau, ʻe ʻikai ke fuʻu fiemaʻu ia ke ne muimui he polokalama fakahokohoko ʻo e akonaki kuo fakahokohoko he lauʻi pepa Akonakiʻi He Leá. Ka, ʻoku totonu ke fakahanga ʻa ʻene tokangá ki he ngaahi tafaʻaki ʻe fiemaʻu ai ʻa e tokotaha akó ke ne fakalakalaka aí. Kapau ko e tokotaha ne malangá kuó ne maʻu ʻe ia ʻa e “L” pea ʻoku ʻikai toe ʻi ai ha anga ia ʻo e leá ʻoku fakaʻilongaʻi “F” pe “T,” pea ke hanga ʻe he tokotaha akonakí ʻo fakaʻilongaʻi fuopotopoto ʻa e puhá, ʻa ia ʻe hā ai ʻa “L,” “F,” pe “T” ʻo e anga ʻo e lea ʻe ngāue ki ai ʻa e tokotaha akó ʻi he kahaʻú. Te ne fakahā ia ki he tokotaha akó ʻi he efiafi pē ko iá pea pehē ke toe fakahā ia ʻi he lauʻi pepa hono hoko ʻa e tokotaha akó, ʻa ia ko e Konga Kuo Vaheʻi ʻI He Ako Fakateokalati (S-89). Ko kinautolu ʻoku nau kau ʻi he akó ʻoku totonu ke nau nofo ʻi muʻa he holó. ʻE tokoni ia ki he tauhi ʻo e taimí pea malava ai foki ki he ʻovasia ʻo e akó ke ne fai ʻene akonaki fakahangatonu ki he kau akó taki taha. Fakatatau ki he taimí ʻi he ʻosi hono ʻoatu ʻa e akonaki ʻoku fiemaʻú, ʻoku malava ke fai ʻe he tokotaha akonakí ha fakamatala ʻi he ngaahi poini mahuʻinga mo ʻaonga naʻe ʻikai lave ki ai ʻa e kau akó. ʻOku totonu ke tokangaʻi ʻe he ʻovasia ʻo e akó ke ʻoua naʻa toe laka he miniti ʻe ua ʻa e akonakí mo e ngaahi fakamatala nounou kehe he ʻosi ʻa e tuʻuaki ʻa e tokotaha ako taki taha. Kapau naʻe ʻikai mateuteu hono fai ʻo e Meʻa Mahuʻinga mei he Tohitapú, ʻe fai nai ha akonaki fakafoʻituitui ki ai.
KO E TEUTEU ʻO E NGAAHI KONGÁ: Ki muʻa ke teuteu ʻa e kongá, ʻoku totonu ki he kau akó ke nau lau fakamākukanga ʻa e fakamatala ʻi he School Guidebook ʻo fekauʻaki mo e anga ʻo e lea ʻoku ngāue ki aí. Ko e kau ako ʻoku vaheʻi ki he Konga Fika 2 te nau fili nai ha kaveinga ʻoku feʻungamālie mo e konga Tohitapu ʻe laú. ʻE teuteu ʻa e ngaahi konga kehé ʻo fakatatau ki he kaveinga ʻoku hā ʻi he fakahokohoko kuo pulusí.
TAIMI: ʻOku ʻikai totonu ki ha taha ke ne ʻovataimi, pehē foki ki he akonaki mo e ngaahi fakamatala ʻa e faiakó. Ko e Konga Fika 2 ki he 4 ʻoku totonu ke taʻofi ʻi ha founga fakapotopoto ʻi he ʻosi ʻa e taimí. Ko e tokotaha kuo vaheʻi ke ne ʻoatu ʻa e fakaʻilonga ke tukú ʻoku totonu ke ne fai leva ia. ʻI he taimi ʻoku fai ai ʻe he ngaahi tokouá ʻa e Konga Fika 1 mo e Meʻa Mahuʻinga mei he Tohitapú ʻo ʻovataimí, ʻoku totonu ke akonakiʻi fakafoʻituitui kinautolu. ʻOku totonu ke mātuʻaki tokanga lelei kotoa ki heʻenau taimí. Ko e polokalamá fakakātoa: miniti ʻe 45, ʻikai kau ai ʻa e hivá mo e lotú.
FAKAMANATU TOHINIMA: ʻI he taimi ki he taimi ʻe fai ha fakamanatu tohinima. ʻI he teuteu ki aí, fakamanatu ʻa e fakamatala naʻe vaheʻí pea fakaʻosi mo e lau Tohitapu naʻe vaheʻí. Ko e Tohitapú pē ʻe ngāueʻaki he lolotonga ʻa e fakamanatu miniti ʻe 25 ni. Ko e toenga ʻo e taimí ʻe fai ai ʻa e fakamatala ki he ngaahi fehuʻí mo e ngaahi talí. ʻE fakatonutonu pē ʻe he kau ako taki taha ʻenau pepá. Ko e ʻovasia ʻo e akó te ne lāulea mo e kau fanongó ki he ngaahi tali ʻo e ngaahi fehuʻi fakamanatú pea tokanga lahi ange ki he ngaahi fehuʻi faingataʻá, ʻo tokoniʻi kotoa ke mahino lelei ʻa e ngaahi talí. Kapau ʻoku ʻi ai ha ʻuhinga koeʻuhi ko ha ngaahi meʻa fakalotofonua, ko e fakamanatu tohinimá ʻe lava ke toki fai ia he ʻosi ha uike mei he fakahokohoko ʻoku haá.
NGAAHI FAKATAHAʻANGA LALAHÍ: Ko ha ngaahi fakatahaʻanga mo haʻane kau ako ʻe toko 50 pe toe lahi ange ai te nau fie fokotuʻutuʻu nai ha toe kulupu ʻo ha kau ako ke fai ʻa e ngaahi konga kuo fakahokohokó ki ha kau faiako kehe ia. Ko e moʻoni, ko e faʻahinga teʻeki ai papitaisó ka ʻoku nau moʻui ʻo fakatatau ki he ngaahi tefitoʻi moʻoni faka-Kalisitiané ʻe lava ke nau kau ki he akó pea maʻu ha konga kuo vaheʻi mai.
KAU LIʻAKI: ʻE lava ke fakahā ʻe he tokotaha kotoa he fakatahaʻangá ʻa ʻene houngaʻia ki he akoʻangá ni ʻaki ʻene feinga ke ʻi ai he uike kotoa pē, ʻaki ʻenau teuteu lelei ʻenau ngaahi kongá, pea ʻaki ʻenau kau he taimi ʻo e ngaahi fehuʻi kae talí. ʻOku ʻamanekina ko e kau akó kotoa te nau sio ki heʻenau ngaahi kongá mo e loto-tōnunga. Kapau ʻe ʻikai ke ʻi ai ʻa e tokotaha ako naʻe vaheʻí, ko ha tokotaha pole te ne fai nai ʻa e kongá, ʻo fakamatala ʻa e ʻaonga ʻo e konga ko iá ʻo fakatatau ki heʻene malavá koeʻuhi ko e kiʻi taimi nounou ke teuteu aí. Pe ʻe fai ʻe he ʻovasia ʻo e akó ʻa e konga ko iá mo fakakau mai ki ai ʻa e kau fanongó.
FAKAHOKOHOKO
San. 1 Lau Tohitapu: Selemaia 13 ki he 15
Hiva Fika 113
Fika 1: Founga ʻOku Aʻusia Ai ʻa e Fāʻūtaha ʻa e Kalisitiane Moʻoní (uw p. 5-7 pal. 1-7)
Fika 2: Selemaia 14:10-22
Fika 3: td 42E Meʻa ʻE Fai ʻe he Puleʻanga ʻo e ʻOtuá Maʻá e Faʻahinga ʻo e Tangatá
Fika 4: Naʻe ʻIkai ke ʻAlu ʻa Sīsū ki Hēvani ʻi ha Sino Fakaekakano (rs p. 333 pal. 3–p. 334 pal. 3)
San. 8 Lau Tohitapu: Selemaia 16 ki he 19
Hiva Fika 163
Fika 1: Ngaahi Meʻa Tefito ki he Fāʻūtaha ʻa e Kalisitiané (uw p. 7 pal. 8 ki he 8[3])
Fika 2: Selemaia 18:1-17
Fika 3: td 42F ʻOku Kamata ʻa e Pule ʻa e Puleʻangá Lolotonga ʻOku Kei Ngāue ʻa e Ngaahi Fili ʻo Kalaisí
Fika 4: ʻUhinga Naʻe Hā Holo Ai ʻa Sīsū ʻi he Sino Fakamatelié (rs p. 334 pal. 4–p. 335 pal. 2)
San. 15 Lau Tohitapu: Selemaia 20 ki he 22
Hiva Fika 98
Fika 1: Toe Ngaahi Meʻa ʻOku Tokoni ki he Fāʻūtaha ʻa e Kau Kalisitiané (uw p. 7 pal. 8[4] ki he 9)
Fika 2: Selemaia 20:1-13
Fika 3: td 42I ʻOku ʻIkai ke Hoko Mai ʻa e Puleʻanga ʻo e ʻOtuá ʻi he Ngaahi Feinga ʻa e Tangatá
Fika 4: Ko e Faʻahinga Te Nau Toetuʻu ke Pule Fakataha mo Kalaisí Te Nau Hangē ko Iá (rs p. 335 pal. 4–p. 336 pal. 2)
San. 22 Lau Tohitapu: Selemaia 23 ki he 25
Hiva Fika 163
Fika 1: Fakaʻehiʻehi mei he Ngaahi Tākiekina Fakatupu-Mavahevahé (uw p. 9-11 pal. 10-12)
Fika 2: Selemaia 23:16-32
Fika 3: td 37A ʻUhinga ʻo e “Ngataʻanga ʻo e Mamani”
Fika 4: Ko e ʻUhinga ʻo e Toetuʻú ki he tokolahi ʻo e Faʻahinga ʻo e Tangatá (rs p. 336 pal. 3–p. 337 pal. 3)
San. 29 Lau Tohitapu: Selemaia 26 ki he 28
Hiva Fika 84
Fika 1: Ngaahi ʻUlungaanga ʻo Sihová (uw p. 12-13 pal. 1-4)
Fika 2: Selemaia 26:1-16
Fika 3: td 37E Hanganaki ʻĀʻā ʻo Kau ki he Fakaʻilonga ʻo e Ngaahi ʻAho Fakaʻosí
Fika 4: ʻUhinga ʻE ʻIkai Toe Fakahalaiaʻi Ai ʻa e Faʻahinga ʻE Toetuʻú ʻe Heʻenau Ngaahi Ngāue ʻi he Kuo Hilí (rs p. 338 pal. 1)
Fep. 5 Lau Tohitapu: Selemaia 29 ki he 31
Hiva Fika 120
Fika 1: Faʻifaʻitaki ki he Faʻifaʻitakiʻanga ʻo e ʻOfa ʻa Sihová (uw p. 14-15 pal. 5-7)
Fika 2: Selemaia 31:27-40
Fika 3: td 31E ʻOku Talaʻofa ʻe he ʻOtuá ʻa e Moʻui Taʻengatá ki he Faʻahinga ʻo e Tangata Talangofuá
Fika 4: Founga ʻo e Toe Moʻui Mai ki he Māmaní ʻa e ‘Toenga ʻo e Pekia’ (rs p. 338 pal. 2–p. 339 pal. 2)
Fep. 12 Lau Tohitapu: Selemaia 32 mo e 33
Hiva Fika 56
Fika 1: Akoʻi ʻa e Moʻoni ʻo Fekauʻaki mo e ʻOtuá ki he Kakaí (uw p. 15-16 pal. 8-11[2])
Fika 2: Selemaia 33:1-3, 14-26
Fika 3: td 31H ʻOku Ō ki Hēvani ʻa Kinautolu Pē ʻi he Sino ʻo Kalaisí
Fika 4: Ko Kinautolu ʻOku Kau ʻi he Toetuʻu ki he Māmaní (rs p. 339 pal. 3–p. 340 pal. 3)
Fep. 19 Lau Tohitapu: Selemaia 34 ki he 37
Hiva Fika 135
Fika 1: ʻOku Taha Pē ʻa Sihova (uw p. 17-18 pal. 11[3] ki he 12)
Fika 2: Selemaia 35:1-11, 17-19
Fika 3: td 31I Moʻui Taʻengatá Kuo Talaʻofa ki he Tokolahi Taʻefakangatangata ko e “Fanga Sipi Kehe”
Fika 4: ʻOku Fakahoko ʻi he Vahaʻa ʻo e Ngaahi Taʻu Lahi ʻa e Ngaahi Meʻa Fekauʻaki mo e ʻI Ai ʻa Kalaisí (rs p. 341 pal. 1, 2)
Fep. 26 Lau Tohitapu: Selemaia 38 ki he 41
Hiva Fika 42
Fika 1: Meʻa ʻOku ʻUhinga ki ai ʻa e ʻAluʻaki ʻa e Huafa ʻo e ʻOtuá (uw p. 18-19 pal. 13-15)
Fika 2: Selemaia 38:1-13
Fika 3: td 32E Kuo Pau ke Lauʻi Lelei ʻa e Nofo Malí
Fika 4: Ko e Toe Foki Mai ʻa Kalaisí ʻOku Taʻehāmai (rs p. 341 pal. 3–p. 342 pal. 2)
Mas. 4 Lau Tohitapu: Selemaia 42 ki he 45
Hiva Fika 114
Fika 1: Tokoniʻi ʻa e Niʻihi Kehé ke Tali ʻa e Tohitapú ko e Folofola ʻa e ʻOtuá (uw p. 20-22 pal. 1-6)
Fika 2: Selemaia 43:1-13
Fika 3: td 32F Kuo Pau ke ʻApasia ʻa e Kalisitiané ki he Tefitoʻi Moʻoni ʻo e Tuʻunga-ʻUlú
Fika 4: Ko e Anga ʻo e Haʻu ʻa Sīsuú mo e Founga ʻE Mamata Ai ʻa e Mata Kotoa Pē Kiate Iá (rs p. 342 pal. 4–p. 343 pal. 5)
Mas. 11 Lau Tohitapu: Selemaia 46 ki he 48
Hiva Fika 149
Fika 1: Lau ʻa e Tohitapú ʻi he ʻAho Kotoa Pē (uw p. 23-25 pal. 7-11)
Fika 2: Selemaia 48:1-15
Fika 3: td 32H Fatongia ʻo e Ngaahi Mātuʻa Kalisitiané ki he Fānaú
Fika 4: Ngaahi Meʻa Fekauʻaki mo e ʻI Ai ʻa Kalaisí (rs p. 344 pal. 1-5)
Mas. 18 Lau Tohitapu: Selemaia 49 mo e 50
Hiva Fika 84
Fika 1: Ako ke ʻIlo Fekauʻaki mo Sihova (uw p. 25 pal. 12 ki he 12[1])
Fika 2: Selemaia 49:1-11, 15-18
Fika 3: td 32I Kau Kalisitiané ke Mali Pē mo e Kalisitiane
Fika 4: ʻOku ʻIkai Fiemaʻu ʻa e Kalisitiané ke Tauhi ʻa e Sāpaté (rs p. 345 pa. 2–p. 346 pa. 3)
Mas. 25 Lau Tohitapu: Selemaia 51 mo e 52
Hiva Fika 204
Fika 1: Selemaia—ʻUhinga ʻOku ʻAonga Aí (si p. 129 pal. 36-39)
Fika 2: Selemaia 51:41-57
Fika 3: td 32K Ko e Kau Kalisitiane Moʻoní ke ʻOua ʻe Mali Tokolahi
Fika 4: ʻIkai ha Fakamatala ʻo ʻĀtama ʻi he Tohitapú Naʻá Ne Tauhi ha ʻAho Sāpate (rs p. 346 pal. 4–p. 347 pal. 2)
ʻEp. 1 Lau Tohitapu: Tangilāulau 1 mo e 2
Hiva Fika 149
Fika 1: Talateu ki he Tohi Tangilāulaú (si p. 130-131 pal. 1-7)
Fika 2: Tangilāulau 2:13-22
Fika 3: td 25A Ko Mele Naʻe ʻIkai ko e “Faʻē ʻa e ʻOtua”
Fika 4: Naʻe ʻIkai ke Vahevahe ʻe Sīsū ʻa e Lao ʻa Mōsesé ki he Ngaahi Konga “Fakaeouau” mo “Fakaeʻulungaanga” (rs p. 347 pal. 3–p. 348 pal. 1)
ʻEp. 8 Lau Tohitapu: Tangilāulau 3 ki he 5
Hiva Fika 212
Fika 1: Tangilāulau—ʻUhinga ʻOku ʻAonga Aí (si p. 132 pal. 13-15)
Fika 2: Tangilāulau 5:1-22
Fika 3: td 25F ʻOku Fakahā ʻe he Tohitapú Naʻe ʻIkai ke “Tāupoʻou Ai Pē” ʻa Mele
Fika 4: Naʻe Mole Atu ʻa e Fekau ʻe Hongofulú Fakataha mo e Lao ʻa Mōsesé (rs p. 348 pa. 2, 3)
ʻEp. 15 Lau Tohitapu: ʻIsikeli 1 ki he 4
Hiva Fika 84
Fika 1: Talateu ki he Tohi ʻIsikelí (si p. 132-133 pal. 1-6)
Fika 2: ʻIsikeli 3:16-27
Fika 3: td 8A Ko e Meʻa ʻOku Tala ʻe he Tohitapú ʻo Fekauʻaki mo e Fakamanatú
Fika 4: Ko e ʻUhinga Naʻe ʻIkai ke Toʻo Atu Ai ʻa e Fakangatangata Fekauʻaki mo e ʻUlungaangá ʻi he Taimi Naʻe Mole Atu Ai ʻa e Fekau ʻe Hongofulú (rs p. 349 pal. 1, 2)
ʻEp. 22 Lau Tohitapu: ʻIsikeli 5 ki he 8
Hiva Fika 162
Fika 1: Fakakaukau Ange ki he Kaveinga ʻo e Tohitapú pea mo e Potutohi ʻo e Tohitapú (uw p. 26 pal. 12[2] mo e 12[3])
Fika 2: ʻIsikeli 5:1-15
Fika 3: td 8E ʻOku Taʻefakatohitapu ʻa e Fakamanatu ʻo e Misá
Fika 4: Ko e ʻUhinga ʻo e Sāpaté ki he Kau Kalisitiané (rs p. 349 pal. 3–p. 351 pal. 2)
ʻEp. 29 Fakamanatu Tohinima. Fakaʻosi Selemaia 13-52; Tangilāulau 1-5 ki he ʻIsikeli 1-8
Hiva Fika 113
Mē 6 Lau Tohitapu: ʻIsikeli 9 ki he 11
Hiva Fika 163
Fika 1: Ngāueʻaki Fakafoʻituitui pea Vahevahe ʻa e Meʻa ʻOkú Ke Akó mo e Niʻihi Kehé (uw p. 26-28 pal. 12[4] ki he 13)
Fika 2: ʻIsikeli 9:1-11
Fika 3: td 40H Ngāue Fakaefakamoʻoní ʻOku Fakapaʻanga ʻaki ʻa e Ngaahi Tokoni Loto-Fiefoaki
Fika 4: Ko Hai ʻOku Lave ki ai ʻa e Tohitapú ko e Kau Sangató (rs p. 352 pal. 1–p. 353 pal. 1)
Mē 13 Lau Tohitapu: ʻIsikeli 12 ki he 14
Hiva Fika 168
Fika 1: Ko e Meʻa ʻOku Lau ki Ai ʻa e Kau Palōfitá ʻo Kau Kia Sīsuú (uw p. 29-31 pal. 1-6)
Fika 2: ʻIsikeli 14:1-14
Fika 3: td 40I ʻOku Fakahā ʻe he Tohitapú ʻOku Faifakamoʻoni Foki ʻe he Kau Fefiné mo e Fānaú
Fika 4: ʻUhinga ʻOku ʻIkai Te Tau Lotu Ai ki he “Kau Sangató” (rs p. 353 pal. 2-4)
Mē 20 Lau Tohitapu: ʻIsikeli 15 mo e 16
Hiva Fika 149
Fika 1: Fai ha Tokanga ki he Ngaahi Sīpinga Fakaekikité (uw p. 32 pal. 7 ki he 8[2])
Fika 2: ʻIsikeli 16:46-63
Fika 3: td 4A ʻUhinga ʻOku Fakatangaʻi Ai ʻa e Kau Kalisitiane Moʻoní
Fika 4: Ko e Moʻoni Fekauʻaki mo Hono ʻApasiaʻi ʻo e Ngaahi Fakatātā mo e Ngaahi ʻĪmisi ʻo e “Kau Sangato” (rs p. 354 pal. 1–p. 355 pal. 1)
Mē 27 Lau Tohitapu: ʻIsikeli 17 ki he 19
Hiva Fika 120
Fika 1: Ko Hono Tomuʻa Fakatātaaʻi Hotau Taulaʻeiki Lahí (uw p. 33 pal. 8[3] mo e 8[4])
Fika 2: ʻIsikeli 18:21-32
Fika 3: td 4F ʻOku ʻIkai Totonu ki ha Uaifi ke Ne Fakangofua Hono Husepānití ke Fakamāvaeʻi Ia mei he ʻOtua
Fika 4: ʻIkai ʻAtā mei he Angahalá ʻa e Kau Sangato Kalisitiane Moʻoní (rs p. 355 pal. 2)
Sune 3 Lau Tohitapu: ʻIsikeli 20 mo e 21
Hiva Fika 98
Fika 1: Founga ʻOku Malava ke Tau Fakahāhā Ai ʻEtau Tui kia Kalaisí (uw p. 33-37 pal. 9-14)
Fika 2: ʻIsikeli 21:18-32
Fika 3: td 4H ʻIkai Totonu ki ha Husepāniti ke Ne Fakangofua Hono Uaifí ke Taʻofi Ia mei Heʻene Tauhi ki he ʻOtuá
Fika 4: ʻIkai Fakatohitapu ʻa e Fakahaofi Fakakātoá (rs p. 356 pal. 3)
Sune 10 Lau Tohitapu: ʻIsikeli 22 mo e 23
Hiva Fika 222
Fika 1: Talangofua ki he ʻOtuá ʻOkú Ne ʻOmai ʻa e Tauʻatāina Moʻoní (uw p. 38-39 pal. 1-5)
Fika 2: ʻIsikeli 22:17-31
Fika 3: td 23A Ngaahi Lotu ʻOku Fanongo ki Ai ʻa e ʻOtuá
Fika 4: ʻE Faifai Atu Pē ʻo Hao Moʻui ʻa e Faʻahinga Kotoa ʻo e Tangatá? (rs p. 357 pal. 1)
Sune 17 Lau Tohitapu: ʻIsikeli 24 ki he 26
Hiva Fika 107
Fika 1: ʻI Fē ʻOku Lava ke Maʻu Ai ʻa e Tauʻatāina Moʻoní ʻi he ʻAhó Ni (uw p. 40-41 pal. 6-9)
Fika 2: ʻIsikeli 26:1-14
Fika 3: td 23F ʻUhinga ʻOku Taʻeʻaonga Ai ʻa e Ngaahi Lotu ʻe Niʻihi
Fika 4: ʻE Hao Moʻui ʻa e “Kakai Kotoa Pe” (rs p. 357 pal. 2)
Sune 24 Lau Tohitapu: ʻIsikeli 27 ki he 29
Hiva Fika 163
Fika 1: Tauʻatāina Fakaemāmaní ko e Fakapōpula Moʻoni (uw p. 42-43 pal. 10-12)
Fika 2: ʻIsikeli 29:1-16
Fika 3: td 54A ʻIkai Tomuʻa Fakapapauʻi ʻe he Tangatá ʻa e Meʻa ʻE Hokó
Fika 4: ʻOku Pehē ʻe he Tohitapú ʻE ʻI Ai ʻa e Faʻahinga ʻE ʻIkai ke Hao (rs p. 358 pal. 1-3)
Siu. 1 Lau Tohitapu: ʻIsikeli 30 ki he 32
Hiva Fika 51
Fika 1: Founga ʻOku Fakapapauʻi Ai ʻa e Ngaahi Kaungāmeʻa Koví (uw p. 44-45 pal. 13, 14)
Fika 2: ʻIsikeli 31:1-14
Fika 3: td 16A Moʻui Fakaetangata ʻa Sīsuú ko e “Huhuʻi Maʻá e Kakai Kotoa”
Fika 4: ʻIkai ʻUhinga ʻa e Haó ko e Hao Ai Pē (rs p. 358 pal. 4–p. 359 pal. 1)
Siu. 8 Lau Tohitapu: ʻIsikeli 33 mo e 34
Hiva Fika 84
Fika 1: Ko e Pole Lahi Kuo Pau ke Fehangahangai mo e Tokotaha Kotoa Pē (uw p. 46-47 pal. 1-3)
Fika 2: ʻIsikeli 34:17-30
Fika 3: td 16E ʻUhinga ʻOku Totonu ko Sīsū Ai ke Totongi ʻa e Huhuʻí
Fika 4: ʻUhinga Kuo Pau ke Tui Ai mo Ngāué (rs p. 359 pal. 2-5)
Siu. 15 Lau Tohitapu: ʻIsikeli 35 ki he 37
Hiva Fika 120
Fika 1: Faʻifaʻitaki ki he Tui ʻa e Faʻahinga Mateakí (uw p. 47-52 pal. 4-11)
Fika 2: ʻIsikeli 35:1-15
Fika 3: td 24A Founga ke ʻIlo Fakapapau Ai ʻa e Lotu Moʻoni Pē Tahá
Fika 4: Founga ʻOku Tau ʻIlo Ai ʻOku ʻi Ai Moʻoni ha Tēvolo (rs p. 361 pal. 2–p. 362 pal. 2)
Siu. 22 Lau Tohitapu: ʻIsikeli 38 mo e 39
Hiva Fika 172
Fika 1: Fakaʻapaʻapa kia Sihova ʻAki Hotau ʻUlungaangá (uw p. 52-54 pal. 12-15)
Fika 2: ʻIsikeli 38:1-4, 10-12, 18-23
Fika 3: td 24F ʻOku Hala ke Fakahalaiaʻi ʻa e Ngaahi Akonaki Loí?
Fika 4: Ko Sētané ʻOku ʻIkai ko ha Kovi Pē ʻi Loto ʻi he Kakaí (rs p. 362 pal. 3–p. 363 pal. 1)
Siu. 29 Lau Tohitapu: ʻIsikeli 40 ki he 44
Hiva Fika 107
Fika 1: Meʻa ʻOku Akoʻi Kiate Kitautolu ʻe he Fakangofua ʻe he ʻOtuá ʻa e Koví (uw p. 55-57 pal. 1-7)
Fika 2: ʻIsikeli 40:1-15
Fika 3: td 24I Taimi ʻOku Hōifua Ai ʻa e ʻOtuá ki he Liliu ʻa e Lotu ʻa ha Taha
Fika 4: Naʻe ʻIkai ke Fakatupu ʻe he ʻOtuá ʻa e Tēvoló (rs p. 363 pal. 2)
ʻAo. 5 Lau Tohitapu: ʻIsikeli 45 ki he 48
Hiva Fika 151
Fika 1: ʻIsikeli—ʻUhinga ʻOku ʻAonga Aí (si p. 137 pal. 29-33)
Fika 2: ʻIsikeli 47:1-12
Fika 3: td 24L ʻOku ʻIloʻi ʻe he ʻOtuá ha Lelei ʻi he Ngaahi Lotu Kotoa Pē?
Fika 4: ʻUhinga Naʻe ʻIkai Fakaʻauha Ai Leva ʻe he ʻOtuá ʻa Sētane Hili Pē ʻEne Angatuʻú (rs p. 363 pal. 3–p. 364 pal. 1)
ʻAo. 12 Lau Tohitapu: Tāniela 1 mo e 2
Hiva Fika 195
Fika 1: Talateu ki he Tohi Tānielá (si p. 138-139 pal. 1-6)
Fika 2: Tāniela 2:31-45
Fika 3: td 51A Ko Hai ʻE Toetuʻu mei he Maté?
Fika 4: ʻOua ʻe Fakafuofuahalaʻi ʻa e Mālohi ʻo e Tēvoló (rs p. 364 pal. 2–p. 365 pal. 2)
ʻAo. 19 Lau Tohitapu: Tāniela 3 mo e 4
Hiva Fika 48
Fika 1: ʻOku ʻIkai ha Fakamaau Taʻetotonu ʻi he ʻOtuá (uw p. 57-61 pal. 8-16)
Fika 2: Tāniela 3:16-30
Fika 3: td 51E ʻE Toetuʻu Mai ʻa e Kau Maté ki Fē?
Fika 4: ʻOku Ofi ʻa e Fakaʻatā mei he Tākiekina Kovi ʻa Sētané (rs p. 365 pal. 4–p. 366 pal. 3)
ʻAo. 26 Fakamanatu Tohinima. Fakaʻosi ʻIsikeli 9-48 ki he Tāniela 1-4
Hiva Fika 114
Sep. 2 Lau Tohitapu: Tāniela 5 mo e 6
Hiva Fika 56
Fika 1: Talitekeʻi ʻa e Kau Laumālie Anga-Fulikivanú (uw p. 62-64 pal. 1-5)
Fika 2: Tāniela 6:4-11, 16, 19-23
Fika 3: td 50A Ko e Toe Foki Mai ʻa Kalaisí ʻOku Taʻehāmai
Fika 4: Ko e Fehokotaki Fakasino Kotoa Pē ʻOku Angahala? (rs p. 367 pal. 1–p. 368 pal. 2)
Sep. 9 Lau Tohitapu: Tāniela 7 mo e 8
Hiva Fika 42
Fika 1: Ke Tokanga Fekauʻaki mo e Ngaahi Filioʻi Anga-Pekopeko ʻa e Tēvoló (uw p. 64-67 pa. 6-12)
Fika 2: Tāniela 7:2-14
Fika 3: td 50E Ko e Toe Foki Mai ʻa Kalaisí ʻOku ʻIloʻi ʻi he Ngaahi Meʻa Hā Mai
Fika 4: Ko e Meʻa ʻOku Lave ki Ai ʻa e Tohitapú ʻo Fekauʻaki mo e Faka-Sōtomá (rs p. 368 pal. 4–p. 369 pal. 2)
Sep. 16 Lau Tohitapu: Tāniela 9 mo e 10
Hiva Fika 123
Fika 1: ʻAi Kotoa ʻa e Mahafutau mei he ʻOtuá (uw p. 67-69 pa. 13-15)
Fika 2: Tāniela 9:20-27
Fika 3: td 44A ʻIkai Moʻuaʻaki ʻe he Kau Kalisitiané ke Tauhi ʻa e Sāpaté
Fika 4: Ngaahi Liliu Kuo Pau ke Fai ke Fakahōifuaʻi ʻa e ʻOtuá (rs p. 369 pal. 3–p. 370 pal. 1)
Sep. 23 Lau Tohitapu: Tāniela 11 mo e 12
Hiva Fika 212
Fika 1: Tāniela—ʻUhinga ʻOku ʻAonga Aí (si p. 141-142 pal. 19-23)
Fika 2: Tāniela 12:1-13
Fika 3: td 44E Ko e Lao ʻo e Sāpaté Naʻe ʻIkai ke ʻOange ki he Kau Kalisitiané
Fika 4: ʻUhinga ʻOku Lava ke Angahala Ai ha Tangata Haohaoa (rs p. 371 pal. 2–p. 372 pal. 3)
Sep. 30 Lau Tohitapu: Hōsea 1 ki he 5
Hiva Fika 114
Fika 1: Talateu ki he Tohi Hōseá (si p. 143-144 pal. 1-8)
Fika 2: Hōsea 5:1-15
Fika 3: td 44H Taimi ʻo e Kamata ʻa e Mālōlō Sāpate ʻa e ʻOtuá pea mo Hono Ngataʻangá
Fika 4: ʻUhinga ʻOku Tau ʻIloʻi Ai ʻa e Angahalá ʻi he Tuʻunga ʻOku ʻi Aí (rs p. 373 pal. 1–p. 374 pal. 1)
ʻOka. 7 Lau Tohitapu: Hōsea 6 ki he 10
Hiva Fika 98
Fika 1: ʻIlo, Tui, pea mo e Toetuʻu (uw p. 70-73 pal. 1-7)
Fika 2: Hōsea 8:1-14
Fika 3: td 5E ʻOku ʻOmai ʻe he ʻOtuá ʻa e Fakahaofí ʻo Fakafou Mai Pē ʻia Kalaisi
Fika 4: Nunuʻa ʻo e Angahalá ʻi Hotau Vahaʻangatae mo e ʻOtuá (rs p. 374 pal. 2–p. 375 pal. 2)
ʻOka. 14 Lau Tohitapu: Hōsea 11 ki he 14
Hiva Fika 195
Fika 1: Hōsea—ʻUhinga ʻOku ʻAonga Aí (si p. 145 pal. 14-17)
Fika 2: Hōsea 11:1-12
Fika 3: td 5H ʻOku ʻIkai Fakatohitapu ʻa e Pehē “ko ʻEte Hao Pē, pea ʻe Hao Maʻu Ai Pē”
Fika 4: Ko e Lau ʻa e Tohitapú ʻo Fekauʻaki mo e Soulú (rs p. 375 pal. 4–p. 376 pal. 4)
ʻOka. 21 Lau Tohitapu: Sioeli 1 ki he 3
Hiva Fika 143
Fika 1: Talateu ki he Tohi Sioelí pea mo e ʻUhinga ʻOku ʻAonga Aí (si p. 146-148 pal. 1-5, 12-14)
Fika 2: Sioeli 2:1-11, 28-32
Fika 3: td 5I ʻOku ʻIkai Fakatohitapu ʻa e “Fakahaofi Fakakātoa”
Fika 4: ʻOku Pehē ʻe he Tohitapú ko e Fanga Manú ko e Ngaahi Soulu (rs p. 376 pal. 5–p. 377 pal. 3)
ʻOka. 28 Lau Tohitapu: ʻĒmosi 1 ki he 5
Hiva Fika 151
Fika 1: Talateu ki he Tohi ʻĒmosí (si p. 148-149 pal. 1-6)
Fika 2: ʻĒmosi 3:1-15
Fika 3: td 2A Ko e Meʻa ko e Angahalá
Fika 4: ʻI he Maté ʻOku ʻIkai Hokohoko Atu ʻa e Soulú pe Laumālié ʻo ʻIlo ha Meʻamoʻui (rs p. 377 pal. 4–p. 379 pal. 6)
Nōv. 4 Lau Tohitapu: ʻĒmosi 6 ki he 9
Hiva Fika 212
Fika 1: ʻĒmosi—ʻUhinga ʻOku ʻAonga Aí (si p. 150 pal. 13-17)
Fika 2: ʻĒmosi 8:1-14
Fika 3: td 2E ʻUhinga ʻOku Mamahi Kotoa Ai ʻa e Faʻahinga ʻo e Tangatá mei he Angahala ʻa ʻĀtamá
Fika 4: Founga ʻOku Fakamatalaʻi Ai ʻe he Tohitapú ʻa e Laumālie Māʻoniʻoní (rs p. 380 pal. 2–p. 381 pal. 1)
Nōv. 11 Lau Tohitapu: ʻOpataia 1-21 ki he Siona 1-4
Hiva Fika 162
Fika 1: Talateu ki he Tohi ʻOpataiá mo e Tohi Sioná pea mo e ʻUhinga ʻOku ʻAonga Aí (si p. 151-153 pal. 1-5, 10-14; p. 153-155 pal. 1-4, 9-12)
Fika 2: Siona 3:10; 4:1-11
Fika 3: td 2F Ko e Hā ʻa e Fuaʻiʻakau Naʻe Tapuí?
Fika 4: Fakamoʻoni ʻOku Maʻu ʻe ha Taha ʻa e Laumālie Māʻoniʻoní (rs p. 381 pal. 3–p. 382 pal. 1)
Nōv. 18 Lau Tohitapu: Maika 1 ki he 4
Hiva Fika 151
Fika 1: Talateu ki he Tohi Maiká (si p. 155-156 pal. 1-8)
Fika 2: Maika 4:1-12
Fika 3: td 2K Ko e Hā ʻa e Angahala Fakafepaki ki he Laumālie Māʻoniʻoní?
Fika 4: ʻOku ʻIkai ha Konga ko ha Laumālie ʻi he Tangatá ʻOku Mavahe ʻi he Mate ʻa e Sinó (rs p. 382 pal. 5–p. 383 pal. 2)
Nōv. 25 Lau Tohitapu: Maika 5 ki he 7
Hiva Fika 162
Fika 1: Maika—ʻUhinga ʻOku ʻAonga Aí (si p. 157-158 pal. 16-19)
Fika 2: Maika 6:1-16
Fika 3: td 48A Ko e Hā ʻa e Soulú?
Fika 4: ʻOku ʻIkai ha Fetuʻutaki mo e “Laumalie” ʻo ha Tokotaha Mate (rs p. 384 pal. 3–p. 385 pal. 4)
Tīs. 2 Lau Tohitapu: Nēhumi 1 ki he 3
Hiva Fika 168
Fika 1: Talateu ki he Tohi Nēhumí mo e ʻUhinga ʻOku ʻAonga Aí (si p. 158-160 pal. 1-7, 11, 12)
Fika 2: Nēhumi 1:2-14
Fika 3: td 48E ʻOku Fēfē ʻa e Faikehekehe ʻa e Soulú mo e Laumālié?
Fika 4: ʻUhinga ʻOku Talitekeʻi Ai ʻe he Kau Kalisitiane Moʻoní ʻa e Ngaahi Tōʻonga Fakahaʻele Faʻahikehe Kotoa Pē (rs p. 385 pal. 5)
Tīs. 9 Lau Tohitapu: Hapakuke 1 ki he 3
Hiva Fika 212
Fika 1: Talateu ki he Tohi Hapakuké mo e ʻUhinga ʻOku ʻAonga Aí (si p. 161-163 pal. 1-5, 12-14)
Fika 2: Hapakuke 1:12–2:8
Fika 3: td 22A Ko e Hā ʻa e Laumālie Māʻoniʻoní?
Fika 4: Fakaʻehiʻehi mei he Ngaahi Tōʻonga Fakahaʻele Faʻahikehé (rs p. 386 pal. 1–p. 387 pal. 3)
Tīs. 16 Lau Tohitapu: Sēfanaia 1 ki he 3
Hiva Fika 172
Fika 1: Talateu ki he Tohi Sēfanaiá mo e ʻUhinga ʻOku ʻAonga Aí (si p. 163-166 pal. 1-6, 10-12)
Fika 2: Sēfanaia 1:7-18
Fika 3: td 22E ʻOku Ui ʻa e Ivi-Moʻui ʻo e Tangatá mo e Manú ko e Laumālie
Fika 4: ʻOua ʻe Fie ʻIlo Fekauʻaki mo e Mālohi Fakatēmeniō (rs p. 387 pal. 4–p. 388 pal. 2)
Tīs. 23 Lau Tohitapu: Hākeai 1 mo e 2
Hiva Fika 163
Fika 1: Talateu ki he Tohi Hākeaí mo e ʻUhinga ʻOku ʻAonga Aí (si p. 166-168 pal. 1-7, 13-16)
Fika 2: Hākeai 2:6-19
Fika 3: td 22F ʻUhinga ke Mahuʻi Ai ʻa e Kau Kalisitiane Moʻoní mei he Ngaahi Founga Fakahaʻele Faʻahikehe Kotoa Pē
Fika 4: Founga ke Mavahe Ai mei he Tākiekina Fakaefakahaʻele Faʻahikehé (rs p. 388 pal. 3–p. 389 pal. 4)
Tīs. 30 Fakamanatu Tohinima. Fakaʻosi Tāniela 5-12; Hosea 1-14; Sioeli 1-3; ʻĒmosi 1-9; ʻOpataia 1-21; Siona 1-4; Maika 1-7; Nēhumi 1-3; Hapakuke 1-3; Sēfanaia 1-3 ki he Hākeai 1-2
Hiva Fika 107