ʻOku ʻi Ai ha Mālohi ʻo e Folofola ʻa e ʻOtuá ʻi Hoʻo Moʻui Fakaʻahó?

Ko hono lau fakaʻaho ʻa e Tohi Tapú ʻe lava ke tokoniʻi ai kitautolu ke hoko ʻo “faiaka” pea “fakamaʻu ʻi he tuí.” (Kol. 2:6, 7) Kae kehe, ke hoko ʻa e Folofola ʻa Sihová ʻo mālohi ʻi heʻetau moʻuí, kuo pau ke tau fakalaulauloto mo ngāueʻaki ʻene ngaahi tefitoʻi moʻoní. (Hep. 4:12; Sēm. 1:22-25) ʻOku ʻomai ʻi he Siosiua 1:8 ha sitepu ʻaonga ʻe tolu ki he lau Tohi Tapú: (1) Lau ʻa e Folofola ʻa e ʻOtuá ʻi he “ʻaho mo e po.” (2) “Fakalaulauloto” pe lau leʻo-siʻi ʻa ia ko hono lau māmālie ia ʻi ha founga te ke lava ʻo fakalaulauloto mo sioloto atu ki he tuʻungá mo e meʻa ʻoku hokó. (3) Ngāueʻaki fakamātoato ʻa e “meʻa kotoa kuo tohi ai.” Ko hono ngāueʻaki ʻa e ngaahi fokotuʻu ko ení ʻe lava ai ke tau “monuʻia” mo “fai fakapotopoto ai” ʻi heʻetau moʻui fakaʻahó.