Nya wu 2: Gu thumisana

SO THULA GINANI

Patwa wa gu thumisana pangoni gwawe, wu nga fananiswa ni mugimbidzisi nya avhiyawu ni muphasedzeyi waye. Ambari ga gu dugeleya sigaradzo, moyo ni moyo wawe a na khuye: “Hi na rini” wulangani nya khuye “Nyi na rini.”

LITSHINA NYA NAYO NYA BHIBHILIYA: “Khandri vavili gambe, ganiolu nyama mweyo.” — Matewu 19:6.

“Mwama ni nyamayi va yede gu thuma vatshavbo khu gu dzi garadza, gasi lipango lawe li tsakisa.” — Christopher.

KHU GINANI SI GU NA NI LISIMA

Patwa wa gu mba thuma khu gu pwanana, ga gu dugeleya sigaradzo va gu oloveya gu dwanisana wulangani nya gu si lulamise. Sigaradzo nya sidugwana sa gu vbindrugedza si khala nya sikhongolo.

“Guthumisana khido litshina nya lipango. Na ri khatshi eni ni mwama wangu kha hi thumisani, si di hadzi fana ni gu khala ndranga mweyo basi, ganiolu na hi si ri mwama ni ngadzi. Muthu ni muthu na gu dzi hungeya makungo yaye.” — Alexandra.

GINANI U NGA GIRAGO

DZI GEVESISE

• Nya gu thuma nyi mana dzitsapawu nyi ngu ganeya gu kheni “dzitsapawu dzangu?”

• Ina nyi ngu lala ligovbe nyo tshambe abari gu mwama mwendro mwangadzi wangu mwalo?

• Ina nyi ngu gola gu wuseya valongo va mwama mwendro mwangadzi wangu ambari na va romo vbafuvbi?

BHUDZISANANI

• Ga silo muni hi thumisanago nga mwama ni ngadzi?

• Ginani hi yedego gu tshukwadzisa?

• Ginani hi nga girago gasi hi engedzeya liphuvbo nya gu thume kha nga tsawa?

MAWONELO

• Nga dzi dundrugeya na wu veteya bhola ni mwangadzi wago, ganiolu na mu ri ga mitsawa nya gu hambane. Ginani u nga girago gasi gu dzega mwangadzi wago u ta veteya naye ga tsawa wawumowo?

• Vbavbandze nya gu pimise gu khuwe, ‘Nyi na ghanyari kharini jogho yeye’ u nga khuwe, ‘Hi nga gira ginani gasi hi ghanyari.’

“U nga dzi garadzeyi gu vbweta guti gu khuwe khu mani a nga ghoha mwedro khu mani a nga mba ghoha. Kholu, isoso kha si resi gurula ni gupwanana pangoni gwanu.” — Ethan.

LITSHINA NYA NAYO NYA BHIBHILIYA: “Mu nga vbwetini esi si tsakisago enu basi, ganiolu vbwetani ni esi si tsakisago vambe.” — Vafilipi 2:3, 4.