Lidima nya guhathege maningano khu Mufumo wa Nungungulu li na girwago khu Setembro

Ndrani nya ngima nya Setembro hi na gira lidima li na phasago vathu gu wona gu khavo Mufumo wa Nungungulu khuwo basi wu na vbedzago sigaradzo nya vathu. (Mt 24:14) Hi nga patega kharini avba nya lidima leli? Leri lowo wu ganeyago khu Mufumo wa Nungungulu ga vathu nya vangi ndrani nya ngima wowu. Muthu nyo khaguri a gu yeyedza gu tsakeya, mu ninge Mukhedziseyi nya N.° 2 nya 2020. Khu gu landreya, bweleleya muthu yoyo u bwe u pheya gihevbulo nya Bhibhiliya khu gu thumisa broxura Vbanya nu tsakide kala gupindruga! Vatshavbo va thumago kha nga vapiyoneru nya gu phasedzeye khu Setembro va nga hatha gu ningeya 15 mwendro 30 dziora.

Nugunugu Mufumo wa Nungungulu wu na tshigira mifumo yatshavbo yi wu wugeyago. (Dhan 2:44; 1Ko 15:24, 25) Hongoleni hi londrola lithomo leli nya lisima gasi gu yeyedza gu khethu hi tumbegide ga Jehovha ni Mufumo waye.