Ina Nungungulu a na nyi phasa nyo gombeya?

Hlamulo nya Bhibhiliya

Ina, Nungungulu a ngu phasa vathu nya vadi va mu lumbago silo si yelanago ni gugola gwaye. Ambari wo ba u tshuki u gombeya, siyeyedzo sa omu nya Bhibhiliya nya vathu va nga gombeya khavo: “Nungungulu, nyi phase,” si nga gu tiyisa. Khu giyeyedzo:

• ‘Nyi phase, Jehovha Nungungulu wangu! Nyi vbanyise khu lihaladzo lago.’ — Ndzimo 109:26.

• ‘Eni nyi gisiwana ni muhamugi; uwe Nungungulu, vbiredza uta nyi phasa.’ — Ndzimo 75:10, Bíblia na Linguagem de Hoje.

Kha hi kanakani gu khethu mulovi nya malito yaya a di gu khodwa ngudzu ga Nungungulu. Ganiolu Nungungulu a ngu engiseya vatshavbo va gombeyago gwaye khu gighelo nyo pwisisege, nya nga ava “mihefemulo yawe yi khuvekidego.” — Ndzimo 34:18.

U nga dzi embeyi gu khuwe Nungungulu womo hwindzo ngudzu nago nya gu kha na nga theya kota khu sigaradzo sago. Bhibhiliya yari khiyo: ‘Ambari olu Jehovha a gu romo vbatshani ngudzu, Uye a ngu yingisa avo va dzi sodzisago; va nya matshandza, a gu vati nari khu hwindzo.’ (Ndzimo 138:6) Khu lisine, Jesu a di nga embeya vapizane vaye khuye: “Ambari ni ndzudzu wa hungoni gwanu wu kotaredwe watshavbo.” (Matewu 10:30) Nungungulu a ngu wona silo avbo gwago nya gu ne uwe mune u si si woni. Khu kharato, kha si kanakanisi gu khiso a na gu engiseya tepo u gombeyago u lomba giphaso gyaye wo ba u garadzega! — 1 Pedro 5:7.