Levitikko

5 “‘Kuti umwi muntu wabona naakuti wamvwa naakuti ngukamboni atala achimwi chintu chibi mpawo wamvwa kakuli kwaambilizigwa kuti kuyandikana bukamboni,* pesi waleka kwaamba, unooli wabisya alubo uzoopegwa chisubulo akaambo kamulandu wakwe.

2 “‘Naakuti, kuti muntu wajata chintu chisofweede, kufumbwa kuti nchidumbu chamunyama wamusokwe, naakuti chamunyama uuvubwa, naakuti chatuuka tweenda katuli twiingi, muntu ooyo unooli wasofwaala, ulaba aamulandu nikuba katazizi pe. 3 Naakuti, kuti muntu wajata kusofwaala kuzwa kumuntu, katazi pe—kufumbwa chintu chisofweede chikonzya kupa kuti asofwaale—mpawo wazooziziba nzyaachita, ulaba aamulandu.

4 “‘Naakuti, kuti muntu wafwambaana kukonka kuti ulachita chimwi chintu—kufumbwa kuti nchibotu naakuti nchibi, kazitakwe ndaba kuti niinzi—alubo taazi pe, pesi wazooziba kuti wafwambaana kukonka, muntu ooyo ulaba aamulandu.*

5 “‘Kuti muntu waba aamulandu kwiinda mukuchita chimwi chazintu eezi, weelede kulyaambilila nchaakabisya. 6 Alubo weelede kweeta chipo chamulandu kuli Jehova akaambo kachibi nchaakachita, nkukwaamba kapwizi kuzwa kubutanga, kufumbwa kuti nkabelele naakuti nkapongo, kuti kabe chipayizyo chachibi. Kuzwa waawo, mupayizi ulapa chipayizyo chakumaninsya mulandu wachibi chamuntu ooyo.

7 “‘Pesi kuti katakonzyi kujana mbelele, weelede kweeta nziba zibili naakuti bana bankwilimba babili kuli Jehova, kuti chibe chipo chamulandu akaambo kachibi nchaakachita. Imwi ilaba chipayizyo chachibi mpawo imwi ilaba yachipo chitentwa. 8 Ulazyeeta kumupayizi, ooyo uutabweze yachipayizyo chachibi akwiinenga munsingo katayidunswide mutwe pe. 9 Ulasansiila limwi ganzi lyachipayizyo chachibi kubbazu limwi lyachipayililo, pesi ganzi litasyaale ulalitila aansi aachipayililo. Eechi nchipayizyo chachibi. 10 Imwi ulayipa kayili chipo chitentwa kweendelana azyaambwa aamulawu mpawo mupayizi ulapa zipo zyakumaninsya mulandu wakwe akaambo kachibi nchaakachita mpawo chibi chakwe chilalekelelwa.

11 “‘Pesi kuti katakonzyi kujana nziba zibili naakuti bana bankwilimba babili, weelede kweeta chakkumi cha-efa* yafulawa nante kuti chibe chipayizyo chachibi akaambo kachibi nchaakachita. Tayelede kwiitila mafuta pe nikuba kwiibikka tununkilizyo, nkaambo nchipayizyo chachibi. 12 Ulacheeta kumupayizi mpawo mupayizi ulanokola fulawa iikkwana mukuboko yiiminina chipayizyo choonse* alubo ulayitenta aamulilo kuti isuke busi aachipayililo, aajulu aazipo zyaJehova zitentwa aamulilo. Nchipayizyo chachibi. 13 Mupayizi ulapa chipo chakumaninsya mulandu wamuntu ooyo akaambo kachibi nchaakachita, kufumbwa chibi nchaakachita mpawo chibi chakwe chilalekelelwa. Zintu zyasyaala zyachipo eecho, zilaba zyamupayizi mbuli chipo chazilyo.’”

14 Jehova wakayinkilila kunembo kwaambuula aaMozesi kati: 15 “Kuti umwi muntu taasyomeka kwiinda mukutyola mulawu uuli atala azintu zisalala zyaJehova katazi, weelede kweeta mugutu uulikabotu kuli Jehova kuzwa kubutanga bwakwe kawuli chipo chamulandu. Muulo wawo mumashekeli* aansiliva, weelede kweendelana aashekeli lyamundawu iisalala.* 16 Mpawo ulabbadala mali akaambo kazintu zyandawu iisalala nzyaakabisizya alubo weelede kuyungizya chipanzi chimwi chazipanzi zili musanu chamali eeyo. Mali eeyo ulayipa mupayizi, kuchitila kuti mupayizi amaninsye mulandu wakwe kabelesya mugutu wachipo chamulandu. Mpawo muntu ooyo ulalekelelwa mulandu wakwe.

17 “Kuti umwi muntu wabisya kwiinda mukuchita chimwi chazintu Jehova nzyaakalayilila kuti tazyeelede kuchitwa, nikuba katazi pe, uli aamulandu alubo weelede kulisandwida akaambo kamulandu wakwe. 18 Weelede kubweza mugutu uulikabotu kuzwa kubutanga bwakwe weendelana aamali iibikkidwe, amweete kumupayizi. Mpawo mupayizi ulapa chipayizyo chakumaninsya mulandu wakwe ngwaakachita katazi mpawo chibi chakwe chilalekelelwa. 19 Nchipo chamulandu. Muntu ooyo unooli waba aamulandu wakubisizya Jehova.”