Zakkariya
9 Ngoyu mulumbe uuzwa kuli Leza:
“Ijwi lyaJehova lilikubeteka nyika yaHadirakki,
Alubo liluleme* Damasikko
—Nkaambo liso lyaJehova lilangide bantu
Amisyobo yoonse ya-Israyeli—
2 Alubo lilikubeteka Hamati iibambene aanjiyo,
Alubo lilikubeteka Tire aSidoni, nkaambo mbasongo loko.
3 Tire waliyakila muduli wakulikwabilila.*
Wakalundika nsiliva mbuli bulongo
Angolida mbuli madaka aamumigwagwa.
4 Bona! Jehova uzoomunyanga zintu nzyalaazyo,
Uzoojaya nkamu yamasooja aakwe mulwizi;*
Alubo uzoonyonyoonwa aamulilo.
5 Ashikkeloni uzoozibona mpawo uzooyoowa;
Gaza uzooba mumachise mapati loko,
Anguwe Ekkironi, nkaambo ooyo ngwaakali kutemba wafwisigwa bweeme.
Mwaami uzoonyonyoonwa muGaza,
Alubo Ashikkeloni tazookkalwi aabantu pe.
6 Mweenzu uzookkala mu-Ashidodi,
Alubo ndizoomaninsya kulisumpula kwamaFilisiti.
7 Ndizoogwisya zintu zili aaganzi munkanwa lyakwe
Azintu zisesemya zipatide mumenyo aakwe,
Mpawo uzoosiigwa kuti abe waLeza wesu;
Alubo uzooba mbuli muzulwidi* munyika yaJuda,
Anguwe Ekkironi uzooba mbuli Jebbusi.
8 Ndizoobikka tente mbuli mulindi aang’anda yangu,
Kuchitila kuti kutazoobi muntu wiinda naakuti uuboola;
Taakwe sikupa milimu* uuzooyinda lubo pe,
Nkaambo lino ndalibonena* ameso aangu.
9 Kondwa loko, O mwana musimbi waZiyoni.
Wompolola chakukondwa, O mwana musimbi waJerusalema.
Bona! Mwaami wako ulikuza kulinduwe.
Uliluleme, ulikweeta lufutuko,*
Ulalibombya alubo utantide aadonki,
Aamwana wadonki,* mwana wadonki zyazi.
10 Ndizoogwisya ngolo zyankondo kuli Efremu
Amabbiza kuzwa kuJerusalema.
Daantambwa lyankondo lizoogwisigwa.
Mpawo uzoowambilizya luumuno kuzisi;
Bweendelezi bwakwe bunoozwa kulwizi kabusika kulwizi
Akuzwa kuMulonga* kusika kumagolelo aanyika.
11 Pesi iwe yoomwanakazi, kwiinda muganzi lyachizuminano chako,
Ndizoogwisya basungwa bako mukkomba litakwe maanzi.
12 Amubweede kundawu iikwabilidwe, inywe nibasungwa bali aabulangilizi.
Sunu ndilikukubuzya kuti,
‘Iwe yoomwanakazi, ndizookubbadala aachaabilo chiindulwidwe tubili.
13 Nkaambo ndizoogobya Juda mbuli daantambwa lyangu.
Ndizoobikka Efremu* aadaantambwa,
Alubo ndizoobusya bana bako, iwe Ziyoni,
Kuti balwane bana bako, iwe Grisi,
Alubo ndizoopa kuti iwe Ziyoni ube mbuli panga lyasilumamba.’
14 Jehova uzooboneka aali mbabo,
Akaanta kakwe kazoozwa mbuli kalabi.
Mwaami Singuzuzyoonse Jehova uzoolizya mweembo,
Alubo uzooyinka kunkondo amyuuwo yakumusanza.
15 Jehova wamakamu uzoobalwanina,
Bazoonyonyoona akuzunda mabwe aazwa munkwisyo.
Bazoonywa akuchita musindo, mbuli kuti banywa wayini;
Alubo bazoozuzigwa mbuli ndido,
Ambuli makkona aachipayililo.
16 Jehova Leza wabo uzoobavuna mubuzuba oobo
Mbukunga mbutanga bwabantu bakwe;
Nkaambo bazooba mbuli mabwe mabotu aadula aabikkwa aangwaani yabwaami aamweka aanyika yakwe.
17 Nkaambo tabulikomeneni kaka bubotu bwakwe,
Abweebesi bwakwe mbupati loko!
Zilyo zizoopa kuti balombe bafwefweme,
Awayini mpya izoopa kuti banakalindu* bafwefweme.”