Joshuwa
12 Aaba mbiibaami bamunyika yakazundwa aama-Israyeli, bali aanyika yakabwezegwa aama-Israyeli kuti ibe lukono lwabo kubuzwezuba kwaJodani kuzwa kuKalonga ka-Anoni kuyoosika kuChilundu chaHemoni amu-Arabba yoonse kubbazu lyakubuzwezuba: 2 Mwaami Sihoni wama-Amori iwakali kukkala kuHeshibboni alubo iwakali kweendelezya kuzwa ku-Arowa yakali kumbali aaKalonga ka-Anoni, akuzwa aakati kakkuti,* ahafu yaGiliyadi kuyoosika kuKalonga kaJabbokku, imugaano wama-Amoni. 3 Alubo wakali kweendelezya Arabba kuyoosika kulwizi lwaKkinereti kubbazu lyakubuzwezuba alubo kuyoosika kulwizi lwa-Arabba, nkukwaamba kuLwizi lwaMunyo,* kubbazu lyakubuzwezuba kutozya kuBbeti-jeshimoti kubbazu lyakumusanza kutozya kunsi aaminkunu yaPisiga.
4 Achilawu chaMwaami Ogi waBbashani wakali muRefayimu wakumamanino alubo wakali kukkala ku-Ashitaroti aku-Edireyi 5 alubo wakali kweendelezya muChilundu chaHemoni, muSalekka, muBbashani yoonse kuyoosika kumugaano wamaGeshuri amaMaakkati ahafu yaGiliyadi kuchilawu chaMwaami Sihoni muHeshibboni.
6 Mozesi mubelesi waJehova ama-Israyeli bakabazunda, mpawo Mozesi mubelesi waJehova wakapa nyika yabo kumusyobo waRubbeni, waGadi ahafu yamusyobo waManase kuti ibe lukono lwabo.
7 Aaba mbiibaami bamunyika Joshuwa ama-Israyeli mbibakazunda kububbila kwaJodani, kuzwa kuBbaala-gadi muKkuti* lyaLebbanoni kuyoosika kuChilundu chaHalakki chiya kuSeyiri. Kuzwa waawo, Joshuwa wakapa ma-Israyeli nyika yabo kuti ibe lukono lwabo kweendelana azyaabilo zyabo, 8 chilawu chili aazilundu, muShefela, mu-Arabba, kuminkunu, munkanda, amuNegebbu—nyika yamaHeti, ma-Amori, maKkenani, maPerezi, maHivi, amaJebbusi:
9 mwaami waJerikko; mwaami wa-Ayi yakali kumbali aaBbeteli;
10 mwaami waJerusalema; mwaami waHebburoni;
11 mwaami waJamuti; mwaami waLakkishi;
12 mwaami wa-Egiloni; mwaami waGezeri;
13 mwaami waDebbiri; mwaami waGederi;
14 mwaami waHoma; mwaami wa-Aradi;
15 mwaami waLibbina; mwaami wa-Adulamu;
16 mwaami waMakkeda; mwaami waBbeteli;
17 mwaami waTapuwa; mwaami waHefa;
18 mwaami wa-Afekki; mwaami waLasharoni;
19 mwaami waMadoni; mwaami waHazori;
20 mwaami waShimironi-meroni; mwaami wa-Akkishafu
21 mwaami waTaanakki; mwaami waMegido;
22 mwaami waKkedeshi; mwaami waJokkineyamu iili muKkameli;
23 mwaami waDori iili kuminkunu yaDori; mwaami waGoyimu iili kuGiligali;
24 mwaami waTiriza; baami boonse bakali 31.