LAYIBBULALI IJANIKA A-INTANETI yaWatchtower
LAYIBBULALI IJANIKA A-INTANETI
yaWatchtower
Chitonga (Zimbabwe)
  • BBAYIBBELE
  • MABBUKU
  • MISWAANGANO
  • es25 map. 77-87
  • August

Vidiyo njulikuyanda tiijaniki pe

Utulekelele, kulizyachitika vidiyo niyalikuyanda kujula

  • August
  • Kulanga-langa Magwalo Buzuba Abuzuba—2025
  • Tutwe tuniini
  • Bwasanu, August 1
  • Mugibelo, August 2
  • Nsondo, August 3
  • Muvulo, August 4
  • Bwabili, August 5
  • Bwatatu, August 6
  • Bwane, August 7
  • Bwasanu, August 8
  • Mugibelo, August 9
  • Nsondo, August 10
  • Muvulo, August 11
  • Bwabili, August 12
  • Bwatatu, August 13
  • Bwane, August 14
  • Bwasanu, August 15
  • Mugibelo, August 16
  • Nsondo, August 17
  • Muvulo, August 18
  • Bwabili, August 19
  • Bwatatu, August 20
  • Bwane, August 21
  • Bwasanu, August 22
  • Mugibelo, August 23
  • Nsondo, August 24
  • Muvulo, August 25
  • Bwabili, August 26
  • Bwatatu, August 27
  • Bwane, August 28
  • Bwasanu, August 29
  • Mugibelo, August 30
  • Nsondo, August 31
Kulanga-langa Magwalo Buzuba Abuzuba—2025
es25 map. 77-87

August

Bwasanu, August 1

Mapenzi aamululami manji, pele Jehova ulamuvwuna mulingawo oonse.—Int. 34:19.

Mwatubona na twaambo tupati tubili tuyandikana mulugwalo luli aajulu aawa? (1) Baluleme baswaana mapenzi. (2) ) Jehova ulabavuna kumapenzi. Jehova utugwasya biyeni? Imwi nzila nkwiinda mukutugwasya kuti tube aamaboneno aalikabotu atala abuumi mbutuli kupona munyika eeyi. Nikuba kuti Jehova utusyomezya kuti tunoobotelwa kuti katumukomba pesi tazyaambi kuti tatunooswaani mapenzi. (Is. 66:14) Utugwasya kuti tugamike meso eesu kuchiindi chilikunembo aawo nituyoopona buumi mbwaakali kuyanda kuti tupone kusikila kukabe kutamani. (2 Kor. 4:​16-18) Pesi kwachiindi eechino, ulatugwasya kuti twiinkilile kunembo katumubelekela buzuba abuzuba. (Lam. 3:​22-24) Niinzi nzitukonzya kwiiya kuzwa kubakombi baJehova basyomeka balembedwe muBbayibbili abamazubaano? Tulakonzya kuswaana mapenzi ngitutayeeyeli pe. Pesi kuti twasyoma Jehova, takatulekelezyi pe.—Int. 55:22. w23.04 14-15 ¶3-4

Mugibelo, August 2

Muntu woonse alibombye kubeendelezi.—Rom. 13:1.

Tulakonzya kwiiya mbukuyandikana kuswiilila kuzwa kuchikozyano chaJosefa aMariya. Josefa aMariya bakaswiilila beendelezi nikuba kuti kwakali kuyumu kuti bachite oobo. (Lk. 2:​1-6) Chiindi Mariya naakali waba aafwiifwi kutumbuka, we aJosefa bakaswaana chiimo chakali kusunka kuswiilila kwabo. Mweendelezi Agasto wakabikka mulawu wakuti bantu boonse bakali kweendelezegwa aamfulumende yaRoma babweede kulimbabo kuti bakalilembesye. Josefa aMariya bakeelede kubweeda kuBbetelehema, musinzo ooyu wakali kulampa makkilomita aali 150 alubo bakali kwiinda muzilundu. Lweendo oolu teelwakali luuba pe, kapati kuli Mariya. Kweelede kuti Mariya aJosefa bakali kukataazikana atala akuti mwanaabo wakali mwida wakali kunookwabililidwe na mbukunga Mariya wakali waba aafwiifwi kutumbuka. Amwi bakali kukataazikana kabali kuyeeya kuti, ‘Ani kuti Mariya watumbukila munzila tulachita biyeni?’ Bakali kuyoosala kuswiilila mfulumende na mbukunga Mariya wakanyampwide Mesiya mwida? Josefa aMariya teebakazumizya zimwi zintu kuti zibakachizye kuswiilila mulawu wamfulumende. Jehova wakabalongezya akaambo kakuswiilila. Mariya wakasika kabotu kuBbetelehema mpawo wakatumbuka kabotu alubo wakapa kuti bupolofita bwamuBbayibbili buzuzikizigwe.—Mik. 5:2. w23.10 8 ¶9; 9 ¶11-12

Nsondo, August 3

Atusungwaazyanie.—Heb. 10:25.

Niinzi nzweelede kuchita kuti kuyoowa kusandula? Kulibambila kulakonzya kukugwasya. (Tus. 21:5) Kuti waziziba kabotu zintu nzimuyooyiya kumiswaangano, kulakonzya kukuubila kuti utambike kwaziindi zyiingi kuti usandule. Alubo pa nsandulo mfwiifwi. (Tus. 15:23; 17:27) Nsandulo mfwiifwi ikugwasya kuti utayoowi pe. Kuti wapa nsandulo mfwiifwi mumajwi aako, nga ulikutondeezya kuti wakalibambila kabotu akuti wakachimvwisisisya chiiyo nchimuli kwiiya. Niinzi nzukonzya kuchita kuti wabona kuti uchiyoowa loko kusandula kwaziindi zyiingi nikuba kuti weezya kubelesya zintu zyaambwa aajulu? Ba aachoonzyo chakuti Jehova ulazilumba zintu zyoonse nzukonzya kuchita. (Lk. 21:​1-4) Jehova talangilili kuti uchite zyiingi zyiinda nzukonzya. (Flp. 4:5) Chita nzukonzya mpawo ukombe kukumbila Jehova kuti akugwasye kuti ubatame. Makanze aako aabe akupa nsandulo mfwiifwi. w23.04 21 ¶6-8

Muvulo, August 4

Tuzwaate chigogo chakukwabilila kaango. . . angowani.—1 Tes. 5:8.

Mwaapostoli Pawulu wakakozyanisya maKkristu bachoonzyo amasooja aakkala kaalangide alubo kaazweete zigogo zyankondo. Musooja ulangililwa kuti akkale kalibambilide kulwana nkondo kufumbwa chiindi niyavutuka. Nzizyo nzitweelede kuchita andiswe. Tweelede kukkala katulibambilide kusika kwabuzuba bwaJehova kwiinda mukuzwaata chigogo chakukwabilila kaango chalusyomo, luyando angowani yabulangilizi bwalufutuko. Chigogo chakukwabilila kaango chikwabilila moyo wamusooja. Lusyomo aluyando lukwabilila moyo wesu wakukozyanisya. Buntu oobu butugwasya kuti tukkale katukomba Jehova alubo katutobela Jesu. Lusyomo lutupa kuba aachoonzyo chakuti uzootupa bulumbu akaambo kakuti tumuyanduula aamoyo wesu woonse. (Heb. 11:6) Alubo, lusyomo lupa kuti tukkale katusyomeka kuMuzulwidi wesu Jesu nikuba chiindi nituli mubuyumu-yumu. Tulakonzya kusimya lusyomo lwesu kwiinda mukubala atala azikozyano zyabakombi baJehova bamazubaano, bakkala kabasyomeka nibapenzegwa naakuti nibaba aapenzi lyakubula mali. Alubo tulakonzya kutantamuka kakole kakuyandisya bunoti kwiinda mukutobelezya aabo bakapona buumi buuba akusaanguna kubikka Bwaami bwaLeza mubusena bwakusaanguna mubuumi bwabo. w23.06 10 ¶8-9

Bwabili, August 5

Ooyo uulanga makumbi takatebuli pe.—Muk. 11:4.

Kulinyona kulayandikana kuti katuyanda kuzuzikizya zipeekezyo zyesu, ikapati kuti chipeekezyo kachili chiyumu naakuti katutakwe chiyandisyo chakuchichita. Utalubi kuti kulinyona nchipanzi chamuuya uusalala nkinkaako kumbila Jehova kuti akupe muuya uusalala kuti ukugwasye kubelekela buntu oobu buyandikana. (Lk. 11:13; Gal. 5:​22, 23) Utalindili kuti zyiimo zibote. Taakwe pe zyiimo nizizoobota munyika eeyi yeendelezegwa aaSaatani. Kuti twalindila kuti zyiimo zibote, tulakonzya kuzookachilwa kuzuzikizya zipeekezyo zyesu. Tulakonzya kubula chiyandisyo chakuzuzikizya chipeekezyo chesu akaambo kakuti ngachibonekaanga nchiyumu. Kuti kulimvwa munzila eeyi, ulakonzya kusaanguna kuchita zintu ziniini. Kuti kuyanda kubelekela kuba aabumwi buntu, ulakonzya kubutondeezya muzintu ziniini nzuchita. Kuti kuyanda kubala Bbayibbili lyoonse, ulakonzya kusaanguna kulibala kwachiindi chifwiifwi. w23.05 29 ¶11-13

Bwatatu, August 6

Nzila yabaluleme ili mbuli mumuni wamafwumofwumo uumweka Uuyaabumwekesya kusikila mane kwatuba buu.—Tus. 4:18.

Mazubaano aakumamanino Jehova ulikubelesya mbunga yakwe kuti atupe chakulya chamubukombi chiingi kuchitila kuti tweende ‘Munzila ya Busalali.’ (Is. 35:8; 48:17; 60:17) Chimwi chiindi tulakonzya kubonaanga kuti muntu wazumina kwiiya Bbayibbili chaamba kuti wasaanguna kweenda ‘MuNzila ya Busalali.’ Bamwi balakonzya kweenda kwakasinzo kaniini mpawo bazooleka kweendela mumugwagwa. Pesi bamwi nga balipeda kuzumanana kweenda mumugwagwa ooyo kusikila bakasike nkubaya. Mugwagwa ooyu ututola kuli? Kuli aabo bali aabulangilizi bwakuya kujulu, “Nzila ya Busalali” ipa kuti bakanjile “muparadayizi yaLeza” iili kujulu. (Chi. 2:7) Kuli aabo bali aabulangilizi bwakukkala aanyika, mugwagwa ooyu uyoopa kuti bakamaninide yaakumana minyaka iili 1 000. Kuti kuyobweenda mumugwagwa ooyu mazubaano, utabweedi musule kusikila ukasike mpuugolela mugwagwa ooyu munyika mpya. w23.05 17 ¶15; 19 ¶16-18

Bwane, August 7

Tuli aaluyando, nkaambo we wakasaanguna kutuyanda.—1 Joh. 4:19.

Kuti wayeeya atala azintu zyoonse Jehova nzyakakuchitila, nga waba aachiyandisyo chakuti umulumbe akuti ulipede kulinguwe. (Int. 116:​12-14.) Bbayibbili lyaamba kuti Jehova uutupa “zipo zyoonse zibotu azipo zyoonse zimaninide.” (Jak. 1:17) Chimwi chipo chipati chili aakati kazipo eezyo nchinunuzyo chaMwanaakwe, Jesu. Yeeya atala azeezi. Chinunuzyo chakapa kuti ukonzye kumvwanana aaJehova. Alubo Jehova wakapa kuti ube aabulangilizi bwakuzoopona kukabe kutamani. (1 Joh. 4:​9, 10,) Kulipeda kuli Jehova njiimwi nzila iiyandikana njukonzya kutondeezyaayo kuti ulamulumba Jehova akaambo kakukuyanda munzila mpati iili oobu akuti ulamulumba akaambo kazilongezyo zyoonse nzyaakakupa.—Dt. 16:17; 2 Kor. 5:15. w24.03 5 ¶8

Bwasanu, August 8

Ooyo weenda cakululama uyoowa Jehova.—Tus. 14:2.

Mazubaano chiindi nitubona bantu batalijati munzila iilikabotu, nga twalimvwa mbuli mbaakalimvwa Loti. Bbayibbili lyaamba kuti “wakali kukataazikana loko atala amichito iitondwa yakali kuchitwa aabantu bataswiilili mulawu.” Loti wakalizi kuti Taateesu wakujulu ulakuzonda kutalijata kabotu. (2 Pet. 2:​7, 8) Kuyoowa Leza akumuyanda kwakagwasya Loti kuti azonde kutalijata kabotu kwakali kuchitwa aabantu bakapona muchiindi nchaakapona. Andiswe tuzyungulukidwe aabantu batazilemeki pe zyeelelo zyaJehova zyakulijata. Nikuba oobo, iswe tulakonzya kulijata munzila iilikabotu kuti twayinkilila kunembo katuyanda Leza akumuyoowa. (Tus. 14:2) Jehova ututondeezya luyando kwiinda mukutusungwaazya akutugwasya kuti tutobelezye malayilile aakwe kabelesya bbuku lyaTusimpi. MaKkristu boonse, balakonzya kugwasigwa aamalayilile aabusongo aali mubbuku eeli. Chiindi nituyoowa Jehova, zitugwasya kuti tutantamuke kumvwanana aabantu bachita zintu zitali kabotu. w23.06 20 ¶1-2; 21 ¶5

Mugibelo, August 9

Kuti muntu kayanda kunditobela, aleke kupona mbuli mbayanda, mpawo anyampule chisamu chakwe chakupenzezya buzuba abuzuba, ayinkilile kunembo kunditobela.—Lk. 9:23.

Kulakonzeka kuti wakakazigwa abamumpuli naakuti kuli zintu zyakumubili nzwaakasiya kuti ubikke Bwaami mubusena bwakusaanguna. (Mt. 6:33) Kuti kakuli oobo, baachoonzyo chakuti Jehova wakayibona milimu yako yoonse yalusyomo. (Heb. 6:10) Kulakonzeka kuti wakabona majwi aaJesu mbali aachoonzyo, aakuti: “Taakwe muntu wakasiya ng’anda naakuti bakulana naakuti banike naakuti bachizi naakuti banyina naakuti wisi naakuti bana naakuti myuunda akaambo kangu alubo akaambo kamakani mabotu, uutazoojani maanda, bakulana naakuti banike, bachizi, manyina, bana, amyuunda muchiindi eechino kazyiindulwidwe tuli 100 akupenzegwa alubo mubwiime bwazintu buza, buumi butamani.” (Mk. 10:​29, 30) Zilongezyo nzwaakajana nzyiingi loko kwiinda zintu nzwakasweekelwaazyo.—Int. 37:4. w24.03 9 ¶5

Nsondo, August 10

Mulongwe mwini-mwini ulatondezya luyando ciindi coonse, alimwi ngomunyoko wakazyalilwa kuti akugwasye muziindi zyamapenzi.—Tus. 17:17.

Chiindi maKKristu bakuJudiya nibakaswaana anzala mpati loko, bakumbungano yaku-Antiyokkiya kuSiriya “bakakanza kweendelana ambaakali kukonzya umwi awumwi wabo, kutumizya zintu zyakugwasya bakombinyina bakali kukkala kuJudiya.” (Mil. 11:​27-30) Nikuba kuti bakombinyina aaba bakali aanzala bakali kukkala kule, pesi maKkristu baku-Antiyokkiya bakalipeda kubagwasya. (1 Joh. 3:​17, 18) Andiswe tulakonzya kubatondeezya luzyalo bakombima kuti kwachitika mapenzi aalichitikila. Tulafwambaana kubagwasya, amwi tulazichita eezi kwiinda mukubuzya kubaalu kuti kakuli mputukonzya kugwasilizya, kusanga mali iigwasilizya mumulimu uuchitwa munyika yoonse naakuti kubakombela aabo bachitikilwa penzi. Bakombima bayooyanda kugwasigwa kuti bakajane zintu zyakumubili muchiindi eecho. Chiindi Mwaami wesu Kkristu Jesu nazoosika kuti azoobeteke bantu, tuyanda kuti azootujane katutondeezya luzyalo alubo azootutambe kuti ‘tukone Bwaami.’—Mt. 25:​34-40. w23.07 4 ¶9-10; 6 ¶12

Muvulo, August 11

Bantu boonse abazibe kuti mulamvwisisisya. Mwaami ulaafwiifwi.—Flp. 4:5.

Jesu ulamvwisisisya mbuli Wisi. Wakatumwa aanyika kuti azookambawukile ‘mbelele zisweekede zyamung’anda ya-Israyeli.’ Pesi wakatondeezya kuti ulamvwisisisya naakali kuchita mulimu ooyu. Aali chimwi chiindi, umwi mwanakazi wakatali mu-Israyeli wakakombelezya Jesu kuti asilike mwanaakwe musimbi wakali ‘aadimoni limoombya loko.’ Jesu wakamufwida luzyalo mwanakazi ooyu kwiinda mukuchita zintu nzyaakakumbila. (Mt. 15:​21-28) Ncheechi chimwi chikozyano, Jesu kachisaanguna mulimu wakwe wakaamba kuti: “Kufumbwa muntu uundikaka. . . , andime ndizoomukaka.” (Mt. 10:33) Pesi Jesu taakamukaka pe Petro nikuba kuti Petro wakamukaka kwaziindi zitatu. Jesu wakalizi kuti Petro wakali walisola akaambo kazintu nzyaakachita alubo wakalizi kuti Petro wakali kusyomeka. Jesu naakabusigwa, wakalibonia kuli Petro alubo kulakonzeka kuti wakamubuzya kuti wakali wamulekelela akuti wakali kumuyanda loko. (Lk. 24:​33, 34) Twabona kuti Jehova Leza aJesu Kkristu balamvwisisisya. Aniswe tuli bantu bamvwisisisya na? Jehova ulangilila kuti tube bantu bamvwisisisya. w23.07 21 ¶6-7

Bwabili, August 12

Lufu taluchizoobi lubo pe.—Chi. 21:4.

Ntuutuli twaambo tutatu ntutukonzya kubuzya aabo bazumbuuzya kuti chisyomezyo chaLeza chili atala aParadayizi chizoozuzikizigwa? Kakusaanguna, Jehova lwakwe nguwe wakaamba chisyomezyo eecho. Bbuku lyaChiyubunuzyo lyaamba kuti: “Ooyo wakakkede aachuuno chabwaami wakati: ‘Bona! Ndilikupa kuti zintu zyoonse zibe zipya.’” Jehova ulaabusongo, manguzu achiyandisyo chakuti azuzikizye chisyomezyo chakwe. Kachibili, chisyomezyo chaJehova chizoozuzikizigwa akaambo kakuti wakaamba mbuli kuti zyakachitika kale. Wakaamba kuti: “Majwi aaya alasyomeka alubo ngachoonzyo. . . . Zyachitika!” Kachitatu, kuti Jehova wasaanguna kuchita chimwi chintu, ulachichita kusikila kumamanino, mbuli mbaakaamba kuti: “Ndime Alufa a-Omega.” (Chi. 21:6) Jehova uzootondeezya Saatani kuti ngunguwe uubeja akuti nguwe wakatantila zintu nzyatasikili. Chiindi umwi muntu nazookusandula kuti, “Eezi nzyakuumbulizyania kupela, tazizoochiki pe,” uzoomubalile Chiyubunuzyo 21:​5, 6 mpawo uzoomupandulwide. Uzoomutondeezye Jehova mbaakabikka chidindo chakwe chakukozyanisya atala achisyomezyo eecho.—Is. 65:16. w23.11 7 ¶18-19

Bwatatu, August 13

Ndiyoopa kuti ube cisi cipati.—Matl. 12:2.

Jehova mbwakasyomezya Abbrahamu naakali waba aaminyaka iili 75 katakwe mwana. Abbrahamu wakachibona na chisyomezyo eecho kachili kuzuzikizigwa? Taakazibona pe zyoonse. Naakazubuka Mulonga waFirate akulindila kwaminyaka ili 25, Izaka wakazyalwa alubo naakalindila kwaminyaka iimbi iili 60, bazukulu bakwe Esawu aJakkobo bakazyalwa. (Heb. 6:15) Pesi Abbrahamu taakwe naakabona bazukulu bakwe kababa chisi chipati akunjila muNyika Yachisyomezyo. Nikuba boobo, Abbrahamu wakakkala kali aabweenzinyina busimide aMulengi wakwe. (Jak. 2:23) Chiindi Abbrahamu naazoobusigwa, uzoobotelwa loko naazooziba kuti bantu biingi bali munyika yoonse bakalongezegwa akaambo kalusyomo lwakwe akuba aamoyo mulamfu. (Matl. 22:18) Twiiyaanzi? Tulakonzya kutazibona zimwi zisyomezyo zyaJehova kazilikuzuzikizigwa. Pesi kuti twaba aamoyo mulamfu mbuli Abbrahamu, tulakonzya kuba aachoonzyo chakuti Jehova ulatulongezya lino akuti tuzoonjila munyika mpya yakasyomezegwa.—Mk. 10:​29, 30. w23.08 24 ¶14

Bwane, August 14

Mumazuba ngaakali kuyandaula Jehova, Leza mwini-mwini wakapa kuti azwidilile.—2 Mak. 26:5.

Kachili muniini, Mwaami Uziya wakali kulibombya. Wakayiya “kuyoowa Leza mwini-mwini.” Alubo Jehova wakamulongezya kwaminyaka iili 68 njaakapona. (2 Mak. 26:​1-4) Uziya wakazunda basinkondonyina bama-Israyeli alubo wakalayilila kuti Jerusalemu ikwabililwe. (2 Mak. 26:​6-15) Uziya wakabotelwa akaambo kakuti Leza wakamugwasya kuti achite zyoonse nzyaakakonzya kuchita. (Muk. 3:​12, 13) Mwaami Uziya wakajayide kubuzya bamwi zyakuchita. Eezi zyakali kukonzya kupa kuti achite kufumbwa chintu nchaakali kuyanda kuchita na? Bumwi buzuba Uziya wakasala kuti anjile mutempele lyaJehova alubo wakalisumpula kwiinda mukuyanda kuumpa tununkilizyo aachipayililo, wakazi loko kuti mulimu ooyu tawuchitwi aabaami pe. (2 Mak. 26:​16-18) Mupayizi Mupati Azariya naakeezya kumululamika, Uziya wakanyema loko. Zilawusisya kuti Uziya wakalipa mpuwo yakutasyomeka alubo Jehova wakamusubula kwiinda mukupa kuti abe aachinsenda. (2 Mak. 26:​19-21) Kaansinga Uziya wakakkala kalibombya nikuli zintu zyakamweendela kabotu mubuumi! w23.09 10 ¶9-10

Bwasanu, August 15

Wakalitantamuna akaambo kakuyoowa kabunga kabantu bakapalwidwe.—Gal. 2:12.

Nikuba kuti mwaapostoli Petro wakali waba muKkristu uunanikidwe, kwakachili zimwi zintu nzyaakali kukachilwa kuchita. Mu36 C.E., Petro wakaliwo chiindi Kkoneliyasi naakananikwa aamuuya uusalala. Kkoneliyasi taakali muJuda pe alubo taakapalwidwe pe. Eezi zyakatondeezya aantanganana kuti “Leza tasaluuli pe” akuti bamwi bakatali maJuda bakali kukonzya kuba mumbungano yachiKkristu. (Mil. 10:​34, 44, 45) Kuzwa waawo, Petro wakaangunuka kulyaamwi abantu bakatali maJuda. Petro wakachita zintu nzyaakatalinachita pe mubuumi bwakwe. Nikuba oobo, bamwi maKkristu bachiJuda bakali kubonaanga takuli kabotu pe kulyaamwi amaKkristu bakatali maJuda. Bamwi bakali aamaboneno aali boobu nibakasika ku-Antiyokkiya, Petro wakaleka kulyaamwi abakwesu bakatali maJuda nkaambo taakali kuyanda pe kulebya maJudanyina. Mwaapostoli Pawulu naakabona kuupa-wupa ooku, wakalulamika Petro kunembo lyabantu. (Gal. 2:​13, 14) Kuzwa waawo, Petro wakaangunuka kulyaamwi abantu bakatali maJuda. Petro wakachita zintu nzyaakatalinachita pe mubuumi bwakwe. (Gal. 2:12) Nikuba oobo, bamwi maKkristu bachiJuda bakali kubonaanga takuli kabotu pe kulyaamwi amaKkristu bakatali maJuda. Bamwi bakali aamaboneno aali boobu nibakasika ku-Antiyokkiya, Petro wakaleka kulyaamwi abakwesu bakatali maJuda nkaambo taakali kuyanda pe kulebya maJudanyina. Mwaapostoli Pawulu naakabona kuupa-wupa ooku, wakalulamika Petro kunembo lyabantu. w23.09 22 ¶8

Mugibelo, August 16

Uzoomuzyatika.—1 Pet. 5:10

Kuti walilanga-langa munzila eeyi, ulakonzya kubona mpuyelede kubambulula pesi utamani manguzu pe. “Mwaami ulaaluzyalo,” alubo uyookugwasya kuti ubambulule (1 Pet. 2:3) Mwaapostoli Petro wakatusungwaazya kati: “Leza . . . uzoomaninsizya lwiiyo lwanu. Uzoomusimya, uzoomupa manguzu, uzoomuzyatika.” Aali chimwi chiindi, Petro wakali kulimvwa kateeleli pe kubaamwi aMwana waLeza. (Lk. 5:8) Pesi kwiinda mukugwasigwa aaJehova aJesu, Petro wakakakatila kuba mutobeli waKkristu. Eezi zyakapa kuti Petro ajane “chilongezyo chipati chakunjila muBwaami butamani bwaMwaami wesu aMufutuli, Jesu Kkristu.” (2 Pet. 1:11) Kwaamba choonzyo, eechi nchilongezyo chipati loko! Anduwe kuti wakakatila mbuli Petro akuzumizya Jehova kuti akuyiisye, uyoojana buumi butamani. Uyoojana ‘bulumbu bwalusyomo lwako, nkukwaamba lufutuko lwako’.—1 Pet. 1:9. w23.09 31 ¶16-17

Nsondo, August 17

Amukombe Ooyo wakalenga julu anyika.—Chi. 14:7.

Tente lyakukombela lyakali aalubuwa lupati lwakayakilidwe, oomo bapayizi mubakali kuchitila milimu yabo. Chipayililo chipati chamukuba chakali kuumpilwa zipayizyo zyuumpwa chakali mulubuwa, alubo mwakali dishi lyamukuba lyakali aamaanzi ngibakali kubelesya bapayizi kuti basambe kabatanachita milimu yabo iisalala. (Kul. 30:​17-20; 40:​6-8) Mazubaano, maKkristu bananikidwe bachili aanyika balikwiinkilila kunembo kubelekela Jehova mulubuwa lwamukati lwatempele lyaJehova lyakumuuya aanyika. Dishi pati lyakali aamaanzi aakusambila liyandikana loko kulimbabo akumaKkristu boonse nkaambo libayeezya kuti bakkale kabasalala mubukombi amunzila njibalijataayo. Ani ‘bankamu mpati,’ bakombela Jehova kabali aali? Mwaapostoli Johane wakababona ‘kabayimvwi kunembo lyachuuno’ “alubo balikumubelekela mulimu uusalala [Leza] sikati amansiku mutempele lyakwe.” Bachita milimu yabo eeyi aanyika mulubuwa lwaanze lwatempele lyakumuuya. (Chi. 7:​9, 13-15) Tulamulumba Jehova akaambo kakutupa mweenya wakuti tumukombe katuli mutempele lyakwe lyakumuuya. w23.10 28 ¶15-16

Muvulo, August 18

Akaambo kachisyomezyo chaLeza, . . . wakaba aamanguzu akaambo kalusyomo lwakwe.—Rom. 4:20.

Imwi nzila Jehova njabelesya kutupa manguzu nkwiinda mukubelesya baalu. Baalu nzipo Jehova nzyabelesya kuti atusimye akutukatalusya. (Is. 32:​1, 2) Chiindi nukataazikene, buzya baalu zilikukukataazya. Utaleki pe kutambula lugwasyo ndubakupa. Jehova ulakonzya kukusimya kabelesya baalu. Zisyomezyo zyamuBbayibbili zitupa bulangilizi bwakuyoopona aanyika muParadayizi kukabe kutamani naakuti bwakuyoopona kujulu kukabe kutamani alubo zitupa manguzu. (Rom. 4:​3, 18, 19) Bulangilizi mbutulaabo toonse butugwasya kuti tulisimye kumasunko ngituswaana, tukambawuke makani mabotu akuti tuchite milimu yesu njitulaayo mumbungano. (1 Tes. 1:3) Bulangilizi oobo mbubo bwakagwasya Pawulu. Wakali ‘kusyanikizigwa,’ ‘kubula kuti ulachita biyeni,’ ‘kupenzegwa’ ‘akuzintilwa aansi.’ Chimwi chiindi, buumi bwakwe bwakali mungoozi. (2 Kor. 4:​8-10) Pawulu wakajana manguzu aakuti alisimye kwiinda mukuyeeyesesya atala abulangilizi bwakwe. (1 Kor. 4:​16-18.) Pawulu wakali kubikkila maanu kubulangilizi bwakwe bwakuzoopona kukabe kutamani kali kujulu. Pawulu wakayeeyesesya atala abulangilizi oobo alubo eezi zyakapa kuti alimvwe kali ‘wabusilizigwa buzuba-abuzuba.’ w23.10 15-16 ¶14-17

Bwabili, August 19

Jehova uyoobapa nguzu bantu bakwe. Jehova uyoobaleleka bantu bakwe aluumuno.—Int. 29:11.

Chiindi nukomba, yeeyesesya kuti nchichiindi na chakuti Jehova asandule nkombyo zyako. Tulakonzya kubonaanga nkombyo zyesu zyeelede kusandulwa chakufwambaana. Pesi Jehova ulichizi chiindi chilikabotu chakutugwasya. (Heb. 4:16.) Kuti teetwajana nzitwakumbila aachiindi nchituyanda, tulakonzya kubonaanga Jehova tayandi pe kutupa. Pesi kuli Jehova nga tachinasika pe chiindi chakuti atugwasye. Muchikozyano, mukwesu uuchikula wakakumbila kuti Jehova amuponie kubulwazi bwakwe. Pesi bulwazi bwakwe bwakiinkilila. Kaansinga Jehova wakamuponia munzila yachigambyo, Saatani wakali kukonzya kwaamba kuti mukwesu ooyu ulikwiinkilila kunembo kukomba Jehova akaambo kakuti wakaponesegwa. (Job 1:​9-11; 2:4) Kuyungizya aali zeezi, Jehova wakachibikka kale aambali chiindi chakuti azoomaninsye kuchiswa koonse. (Is. 33:24; Chi. 21:​3, 4) Nituchilindila chiindi eecho, tatulangilili kuti Jehova atuponie munzila yachigambyo. Nkinkaako, mukwesu ooyu ulakonzya kukumbila Jehova kuti amupe manguzu aluumuno lwamumizeezo kuti alisimye akuti ayinkilile kunembo kubelekela Leza kasyomeka.—Int. 29:11. w23.11 24 ¶13

Bwatatu, August 20

Kunyina naatucitila kweelana azibi zyesu, naa kutupa cisubulo citweelede kweelana amilandu yesu.—Int. 103:10.

Nikuba kuti Samisoni wakali wasala munzila iitali kabotu, pesi taakaleka pe kuchita kuyanda kwaJehova. Wakayanduula mweenya wakuti achite mulimu ngwaakapedwe aaLeza wakulwana maFilisiti. (Bab. 16:​28-30) Samisoni wakakombelezya Jehova kati: “O Mwami Singuzuzyoonse Jehova, kondiyeeya kaka . . . kuti ndipilusizye ba Filisiti.” Leza wakasimpe wakayisandula nkombyo yaSamisoni alubo wakamupa manguzu aagambya. Aachiindi eechi, Samisoni wakajaya maFilisiti biingi loko kwiinda mbaakajayide kumasaangunino. Nikuba kuti Samisoni wakajana mpindu zichisa akaambo kakulubizya kwakwe, taakaleka pe kuchita kuyanda kwaJehova. Andiswe kuti twalubizya mpawo twalulamikwa naakuti twasweekelwa chimwi chilongezyo, tatweelede kumana manguzu pe. Tutalubi kuti Jehova ulilibambilide kutulekelela. (Int. 103:​8, 9) Nikuba kuti ngatwalubizya, ngakuli nzituchikonzya kuchitila Jehova mbuli mbaakachita Samisoni. w23.09 6 ¶15-16

Bwane, August 21

Kulisimya kupa kuti tuyandwe aaLeza, mpawo kuyandwa aaLeza kupa kuti tube aabulangilizi.—Rom. 5:4.

Kulisimya kupa kuti tubotezye Jehova. Eezi tazyaambi kuti Jehova ulabotelwa kuti waswaana masunko naakuti mapenzi. Pesi ulabotelwa akaambo kakuti ulikulisimya kusyomeka. Zilatuumbulizya kuziba kuti kulisimya nkutuchita kupa kuti tuyandwe aaLeza. (Int. 5:12) Tutalubi kuti Abbrahamu wakali kulisimya kumasunko ngaakaswaana alubo wakabotezya Jehova. Jehova wakamubona mbuli mweenzinyina alubo wakamwaamba kuti uliluleme. (Matl. 15:6; Rom. 4:​13, 22) Eezi zilakonzya kuchitika akulindiswe. Leza ulatuyanda akaambo kakuti tulikulisimya katusyomeka kutali akaambo kakuti tuli aamulimu mwiingi ngutumuchitila naakuti tuli aazilongezyo zyiingi. Kazitakwe ndaba aminyaka, zyiimo naakuti zintu nzitukonzya kuchita, toonse tulakonzya kulisimya. Kuli mapenzi nguli kulisimya na lino? Kuti kakuli oobo, ziba kuti ulikubotezya Jehova. Kuziba kuti tulikubotezya Jehova kutugwasya kuti tusimye bulangilizi bwesu. w23.12 11 ¶13-14

Bwasanu, August 22

Yuma akuba sicamba.—1 Bam. 2:2.

Mukwesu uusimide mubukombi weelede kwiiya mbakonzya kwaambuula kabotu abamwi. Eezi zyaamba kuti weelede kubaswiilila akumvwisisisya mbubalimvwa. (Tus. 20:5) Mukwesu wachiniini ulakonzya kubona mbalimvwa muntu kuti walanga nzila njaambuulaayo muntu ooyo anzyaachita mubili chiindi nalikwaambuula. Tukonzyi pe kuzichita eezi kuti kutajani chiindi chakubaamwi abamwi. Kuti kwaambuula aabamwi kubelesya fooni chiindi choonse mbuli kubasendela mameseji, tukonzyi pe kuziba mbukonzya kwaambuula kabotu abamwi kamubwenene. Nkinkaako, yanduula myeenya yakuti waambuule aabamwi kamubwenene. (2 Joh. 12) Mukwesu wachiKkristu uusimide mubukombi weelede kubeleka kuti ajane zintu zyakuponaazyo amumpuli yakwe. (1 Tim. 5:8) Zilikabotu chiindi choonse kuti bayiye mulimu uukonzya kuzoobagwasya kuti bajane mulimu. (Mil. 18:​2, 3; 20:34; Ef. 4:28) Ba aampuwo yakubeleka changuzu akuchita mulimu kusikila wamana. Kuti wachita oobo, nkuuba kuti ujane mulimu alubo nkuche kuti ukumanine. w23.12 27 ¶12-13

Mugibelo, August 23

Buzuba bwaJehova bulikuza mbuli mbasika mubbi mansiku.—1 Tes. 5:2.

Chiindi Bbayibbili nilyaambuula atala ‘abuzuba bwaJehova,’ lyaamba chiindi Jehova nanyonyoona basinkondonyina achiindi nafutula bakombi bakwe. Chiindi Jehova wakazibeteka zisi. (Is. 13:​1, 6; Ezk. 13:5; Zef. 1:8) Muchiindi chilikunembo, “buzuba bwaJehova” buzoosaanguna aakunyonyoonwa kwaBbabbiloni Mupati mpawo kuzoosike nkondo ya-Armagedoni. Kuti tuzoofutuke ‘mubuzuba’ oobu tweelede kulibambila lino. Jesu wakayiisya kuti tulibambile mapenzi mapati alubo wakatusungwaazya kuti “tukkale katulibambilide.” (Mt. 24:21; Lk. 12:40) Mulugwalo lwakusaanguna Pawulu ndwaakalembela maKkristu bakuTesalonikka wakabelesya zikozyano kuti abagwasye kuti bakkale kabalibambilide buzuba bwaJehova bwalubeta. Pawulu wakalizi kuti buzuba bwaJehova teebwakali kuzoosika pe mpawaawo-mpawaawo. (2 Tes. 2:​1-3) Pesi wakasungwaazya bakombinyina kuti balibambile kusika kwabuzuba oobo mbuli kuti bwaba aafwiifwi alubo andiswe tulakonzya kubelesya malayilile aaya. w23.06 8 ¶1-2

Nsondo, August 24

Bakombima bayandwa, amwiime nji, mutasunzuki pe.—1 Kor. 15:58.

Mu1978, kuTokyo iili kuJapan kwakayakwa ng’anda ndamfu loko. Bantu bakali kugamba kuti nkamboonzi ng’anda eeyo niyakatali kuwa nikuba kuti mudolopo eelyo mwakali kuchitika mizuzumo yanyika myiingi loko. Niinzi nzibakachita bayaki kuti muduli wang’anda eeyo utadiliki akaambo kamuzuzumo wanyika? Bayaki bakayaka munzila yakuti nikuba kuti kwaba muzuzumo wanyika uulaanguzu zilibiyeni, ng’anda eeyo tayidiliki pe. MaKkristu bali mbuli ng’anda eeyo. Muunzilaanzi? MuKkristu weelede kukkala kayimvwi nji alubo kakonzya kuchincha kweendelana azyiimo. Weelede kusima akuswiilila milawu yaJehova. ‘Ulilibambilide kuswiilila’ alubo taleki pe kuswiilila milawu yaJehova nikuba kuti zintu zyamuyumina. Mukuyungizya, muKkristu ooyo ‘ulamvwisisisya’ naakuti ulazumina kuchincha-chincha kweendelana azyiimo. (Jak. 3:17) MuKkristu uuli aamaboneno aaliboobu uleezya kutaba mumvwa zyakwe naakuti kuba muntu uuzumina tuntu toonse nikuba anatayelede kuchita oobo. w23.07 14 ¶1-2

Muvulo, August 25

Nikuba kuti teemwakamubona pe, mulamuyanda.—1 Pet. 1:8.

Jesu wakeelede kutantamuka masunko aaSaatani Dyabbulosi kuswaanizya asunko ndyaakabuzigwa aaDyabbulosi lwakwe kuti aleke kusyomeka kuli Leza. (Mt. 4:​1-11) Saatani wakali kuyanda kuti Jesu abisye kuchitila kuti atakonzyi kupa buumi bwakwe kuti bube chinunuzyo. Kuli amwi masunko Jesu ngaakaswaana chiindi naakali kuchita mulimu wakwe waanyika. Wakapenzegwa alubo basinkondonyina bakeezya kumujaya. (Lk. 4:​28, 29; 13:31) Wakeelede kulisimya chiindi batobeli bakwe nibakali kulubizya. (Mk. 9:​33, 34) Naakali waamba kujayigwa, wakapenzegwa alubo wakafubaazigwa. Kuzwa waawo, wakajayigwa munzila iichisa loko alubo wakajayigwa mbuli chigwebenga. (Heb. 12:​1-3) Naakali aachisamu chakupenzezya, wakeelede kulisimya kusunko lyakwe lyamamanino katakwabililidwe aaJehova. (Mt. 27:46) Zilaantanganana kuti Jesu wakaswaana mapenzi miingi loko chiindi naakali kuyanda kupa buumi bwakwe kuti bube chinunuzyo. Kuti twayeeyesesya atala akulipeda nkwaakachita Jesu kuti atufwide, zipa kuti tumuyande loko. w24.01 10-11 ¶7-9

Bwabili, August 26

Bantu boonse baingana kucita zintu ncobeni balacetaala.—Tus. 21:5.

Kuba aamoyo mulamfu kutugwasya kuti tumvwanane aabamwi. Kulatugwasya kuti tubaswiilile chiindi nibaambuula. (Jak. 1:19) Kuba aamoyo mulamfu kutugwasya kuti tube aluumuno abamwi. Kutugwasya kuti tutafwambaani kuchita chimwi chintu katutayeeyede naakuti kwaambuula majwi aatali kabotu chiindi nitukataazikene. Alubo kuti katuli aamoyo mulamfu tatufwambaani pe kunyema chiindi umwi naatubisizya. Nkinkaako, tatubweedezyi pe pesi twiinkilila ‘kunembo kutondeezyania moyo mulamfu alubo katulekelelana amoyo woonse.’ (Kol. 3:​12, 13) Kuba aamoyo mulamfu kutugwasya kuti tusale zintu zilikabotu. Kwiinda kuti tuchite zintu katutayeeyede, tulalipa chiindi chakuyanduulisisya akulanga-langa zimwi nzila zilikabotu nzitukonzya kubelesya. Muchikozyano, kuti katuli kuyanduula mulimu, tulakonzya kusunkwa kuti tunjile kufumbwa mulimu. Pesi kuti katuli aamoyo mulamfu, tulalipa chiindi chakuti tulange kuti mulimu ooyo upa kuti tujane chiindi chiingi biyeni katuli aamwi ampuli zyesu naakuti chiindi chakuchita zintu zyamubukombi. Kuba aamoyo mulamfu kutugwasya kuti tutasali chabufuba-fuba. w23.08 22 ¶8-9

Bwatatu, August 27

Mumubili wangu, ndibwene umwi mulawu uulikulwana aamulawu wamizeezo yangu alubo ulikupa kuti ndibe musungwa wamulawu wachibi uuli mumubili wangu.—Rom. 7:23.

Ulakonzya kumana manguzu akaambo kakupambanisya nkuchita. Kuyeeya atala achisyomezyo nchwaakasyomezya Jehova chiindi nwaakalipeda kulinguwe kulakugwasya kuti ube aamanguzu aakulwana sunko. Biyeni? Kuti walipeda kuli Jehova, nga tuchiponi mbuli mbuyanda pe. Eezi zyaamba kuti nga wasala kutachita zintu ziyandwa aamubili akutasala zipeekezyo zitamubotezyi pe Jehova. (Mt. 16:24) Nkinkaako, kuti waswaana sunko, tuyeeyi tubili nkaambo nga wakasala kale nzweelede kuchita kuti ukkale kusyomeka kuli Jehova. Unooli aamakanze aakubotezya Jehova chiindi choonse. Kuti wachita oobo, ulaba mbuli Jobu. Nikuba kuti Jobu wakaswaana masunko miingi, pesi wakaamba kuti: “Tandikaleki kusyomeka pe!”—Job. 27:5. w24.03 9 ¶6-7

Bwane, August 28

Jehova ulaafwaafwi abaabo boonse bamwiita, aabo boonse bamwiita mukasimpe.—Int. 145:18.

Jehova, “Leza siluyando,” ulaandiswe. (2 Kor. 13: 11) Jehova ulamuyanda umwi awumwi wesu kumugama. Tuli aachoonzyo chakuti ‘tuzyungulukidwe aluyando lwakwe lutamani.’ (Int. 32:10) Kuti twakkala katuyeeyesesya atala ambatutondeezya luyando lwakwe, tunoobona mbatulangania alubo tunooswena aafwiifwi anguwe. Tulakonzya kwaambuulaawe katwaangunukide katumubuzya mbutuyanda kugwasigwa aaluyando lwakwe. Tulakonzya kumubuzya zintu zyoonse zitukataazya katuli aachoonzyo chakuti ulatumvwisisisya akuti ulaachiyandisyo chakutugwasya. (Int. 145:19) Mbuli mbutuyanda kuyota mulilo chiindi nikutontola, andiswe tuyanda kuti Jehova atutondeezye luyando lwakwe. Luyando lwaJehova luli aanguzu alubo ndupati. Nkinkaako, botelwa akaambo kakuti Jehova ulakuyanda. Anduwe utondeezye mbumuyanda Jehova kwiinda mukwaamba majwi aakuti: “Ndilamuyanda Jehova.”—Int. 116:1. w24.01 31 ¶19-20

Bwasanu, August 29

Ndapa kuti zina lyako lizibinkane.—Joh. 17:26.

Jesu taakagolela aakubuzya bantu kupela pe zina lyaLeza lyakuti Jehova, pesi wakachita zyiingi. MaJuda mbaakali kuyiisya Jesu bakalilizi kale zina lyaLeza. Pesi Jesu wakaba kunembo mukutembawula zina lyaJehova akaambo kakuti “nguwe wakapandulula mbabede” Leza. (Joh. 1:​17, 18) Muchikozyano, Magwalo aachiHebberu atondeezya kuti Jehova ulaaluzyalo akuti ulaalweetelelo. (Kul. 34:​5-7) Jesu wakakabikka aantanganana kasimpe aaka chiindi naakaamba atala achikozyano chamwana wakasweekede awisi. Bbayibbili lyaamba kuti wisi naakabona mwanaakwe wakali wasanduka “naakachili kule-kule,” wakamuchijaanina, wamumbundila alubo wakamulekelela amoyo woonse. Chikozyano eechi chitugwasya kubona kuti Jehova ulaaluzyalo akuti ulaalweetelelo. (Lk. 15: 11-32) Nisimpe Jesu wakatugwasya kumvwisisisya mbabede Wisi. w24.02 10 ¶8-9

Mugibelo, August 30

Kuumbulizya bamwi. . . aluumbulizyo ndutujana kuzwa kuli Leza.—2 Kor. 1:4.

Jehova ulabakatalusya akubawumbulizya aabo bakataazikene. Nga tulamutobelezya biyeni Jehova munkani yakweetelela bamwi akubawumbulizya? Imwi nzila mutukonzya kuchita oobo nkwiinda mukubeleka changuzu kuti tube aabuntu bupa kuti tuumbulizye bamwi. Mbuubuli buntu oobo? Niinzi chikonzya kutugwasya kuti twiinkilile kunembo kuba aaluyando lutugwasya kuti “tukkale katumbulizyania” buzuba abuzuba? (1 Tes. 4:18) Tweelede kubelekela kuba aabuntu buli mbuli, lweetelelo, luyando lwabuzyalwama aluzyalo. (Kol. 3:12; 1 Pet. 3:8.) Buntu oobu butugwasya biyeni? Chiindi nituba aalweetelelo abumwi buntu bweendelana aalweetelelo, tulaba aachiyandisyo chakugwasya bamwi bali mumapenzi. Mbuli mbaakaamba Jesu, “mulomo waambuula zintu zizwide mumoyo. Muntu mubotu ugwisya zintu zibotu kuzwa mubunoti bwakwe bubotu.” (Mt. 12:​34, 35) Kuumbulizya bakombima bali mumapenzi ninzila iiyandikana yakubatondeezya luyando. w23.11 10 ¶10-11

Nsondo, August 31

Basongo bayoomvwisisisya.—Dan. 12:10.

Tweelede kukumbila kugwasigwa kuti katuyanda kumvwisisisya bupolofita bwamuBbayibbili. Muchikozyano, atuteedi ulikuya kundawu njutazi pe pesi mweenzinyokwe ngulikweendawe uliizi ndawu eeyo. Mweenzinyokwe ulizi kuti mwabaali akuti mugwagwa umwi awumwi utozya kuli. Zilaantaganana kuti ulabotelwa kuti mweenzinyokwe wazumina kuti mweendaamwi. Munzila iikozyenie, Jehova ulizi kuti twabaali muchiindi eechino nchitulikupona alubo ulizi kuti mugwagwa ngutuli kweendela utozya kuli. Nkinkaako, kuti tumvwisisisye bupolofita buli muBbayibbili, atulibombye, tukumbile Jehova kuti atugwasye. (Dan. 2:28; 2 Pet. 1:​19, 20) Mbuli muzyali woonse, Jehova uyanda kuti bana bakwe bazoopone buumi bulikabotu muchiindi chilikunembo. (Jer. 29:11) Pesi kusiyana amuzyali, Jehova ulakonzya kwaamba zintu zizoochitika muchiindi chilikunembo alubo zintu eezyo nga zyazoozuzikizigwa. Jehova wakapa kuti bupolofita bulembwe muJwi lyakwe kuchitila kuti tuzibe zintu ziyandikana kazitanachitika pe.—Is. 46:10. w23.08 8 ¶3-4

    Mabbuku Ajanika MuChitonga (Zimbabwe) (2013-2025)
    Zwa
    Njila
    • Chitonga (Zimbabwe)
    • Share
    • Preferences
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Njila
    Share