Zumanana Kukombela Kuti Leza Akufwide Luzyalo

Leza wakapa bantu chipo chiyandikana loko chakuti kabakonzya kwaambuula aanguwe kwiinda munkombyo, kabamubuzya mbubalimvwa. Mupolofita Davida wakakomba kati: “Yebo Ooswiilila mipailo, bantu bamisyobo yoonse bayooboola kulinduwe.” (Intembauzyo 65:2) Pesi kujana twakomba biyeni kuti Leza atumvwe akuti atulongezye?

KOMBA KAZIZWA AANSI AAMOYO ALUBO KULIBOMBYA

Nkombyo zitupa mweenya wakuti tubuzye Leza “zyoonse zili mumyoyo” yesu. (Intembauzyo 62:8) Singuzuzyoonse ulabotelwa kuti twakomba kazizwa aansi aamoyo.

KOMBA KUBELESYA ZINA LYALEZA

Nikuba kuti Leza ulaamazina miingi aakulemeka, pesi ulaazina limwi limugeme. “Ndime Jehova. Eeli ndezina lyangu.” (Isaya 42:8) Zina lyaJehova lijanika kwaziindi zisika ku7 000 muMagwalo Aasalala. Mapolofita miingi bakabelesya zina lyaLeza. Abrahamu wakati: “Akaka Jehova, . . . ndalomba ndizumanane” kwaambuula aanduwe. (Matalikilo 18:30) Andiswe tweelede kubelezya zina lyaLeza lyakuti Jehova chiindi nitukomba.

KOMBA KUBELESYA MULAKA WAKO

Leza ulizizi nzituyeeya ambutulimvwa nikuba kuti twaambuula mulaka uuli. Jwi lyakwe litusyomezya kuti: “Leza tasalululi, pele muzisi zyoonse kufwumbwa muntu uumuyoowa akucita ziluleme ulatambulwa kulinguwe.”​—Milimo 10:34, 35.

Nkinkaako, kuti tulongezegwe aLeza tweelede kuchita zyiingi kutali kukomba luzutu. Muzyiiyo zitobela, tulalanga-langa mbutukonzya kuzichita.