Atuzumanane Kulindila Chakulisimya

Waba aachiindi chilamfu biyeni kulikulindila Bwaami bwaLeza ku- ti busike? Ulikulisimya na nikuba kulikuswaana buyumu-yumu? (Rom 8:25) Bamwi bakombima baswaana buyumu-yumu bwakutayandwa, kutajatwa kabotu, kusungwa naakuti kujayigwa. Bamwi balikulisimya akaambo kakuti baba aamakole miingi kabachiswa naakuti bachembaala.

Niinzi chikonzya kutugwasya kuti tuzumanane kulindila chakulisimya nikuba katuli mubuyumu-yumu? Tweelede kusimya lusyomo lwesu kwiinda mukubala Bbayibbele buzuba abuzuba akuyeeyesesya atala anzitubala. Tweelede kubikkila maanu kubulangilizi mbutulaabo. (2Ko 4:16-18; Heb 12:2, NW) Tweelede kukomba katukombelezya Jehova kuti atupe manguzu kwiinda mumuuya wakwe uusalala. (Lk 11:10, 13; Heb 5:7) Taateesu siluyando ulakonzya kutugwasya kuti ‘tulisimye chakukondwa akuba amoyo mulamfu.’—Kol 1:11.

AMWEEBELE KAVIDIYO KATII, ‘ATUBALIKE CHAKULIYUMYA’—BAACHOONZYO KUTI UYOOJANA BULUMBU MPAWO MUSANDULE MIBUZYO IITOBELA:

• 

  Nziizili ‘zintu zitalangililwi’ zikonzya kuchitika mubuumi? (Muk 9:11)

• 

  Kukomba kutugwasya biyeni chiindi nituli mumapenzi?

• 

  Kuti katutachikonzyi kuchita zintu nzitwakali kuchita chiindi mumulimu waJehova, nkamboonzi nitweelede kubikkila maanu kuzintu nzituchikonzya kuchita?

• 

  Niinzi chipa kuti usyome kuti uyoobujana bulumbu?