Kulijata Kabotu Akulemeka Zichincha Myoyo Yabantu

Banakazi bachiKristu bapa kuti balumi babo bakombe Jehova kwiinda muzintu zilikabotu nzibachita. Nikuba boobo, ulakonzya kuti mulumaako watola minyaka myiingi katachinchi, eezi zilakonzya kupa kuti kuswaana buyumu-yumu mulukwatano. (1Pe 2:21-23; 3:1, 2) Kuti kutali kujatwa munzila ilikabotu kozumanana kuzunda bubi kwiinda mukuchita zibotu. (Ro 12:21) Chikozyano chako chilikabotu chilakonzya kumuchincha mulumaako kuti akombe Jehova.

Bikkila maanu kuzintu ziyandwa aamuntu ngukwetenaawe. (Flp 2:3, 4) Weelede kuba aalweetelelo kumuntu ngukwetenaawe alubo uzuzikizye milimu njuyelede kuchita. Weelede kulipa chiindi chakuswiilizya ngukwetenaawe. (Jak 1:19) Baamoyo mulamfu alubo weelede kuyanda ngukwetenaawe. Nikuba kuti takutondeezyi luyando ndumutondeezya, weelede kuba aachoonzyo chakuti Jehova ulakubona kusyomeka kwako.​—1Pe 2:19, 20.

AMWEEBELE VIDIYO ITII, JEHOVA ULATUSIMYA KUTI TUNYAMPULE MIKULI YESU KUZWA WAAWO, MUSANDULE MIBUZYO IITOBELA:

• Bwakali biyeni buumi bwamuchizi Grace Li chiindi naakakwatwa?

• Niinzi chakapa kuti ayande kwiiya kasimpe?

• Muchizi Li wakalisimya biyeni kubuyumu-buyumu mbwaakaswaana chiindi naakazwa kubbabbatizigwa?

• Muchizi Li wakali kukombela kuti mulumaakwe amvwisisisyeenzi?

• Kulijata kabotu akulemeka bamwi kwakapa kuti muchizi Li ajane zilongezyo zili?