Bala Kuli Aamakanze Aakuti Uwabilane Aabamwi Nzuwayiya

Kubala kulatukatalusya, pesi tulakonzya kukatalusigwa loko kuti twawabilana aabamwi zintu zisungwaazya nzitwayiya nitwali kubala. Tusimpi 11:25 yaamba kuti: “Kufwumbwa uukatalusya bamwi alakwe uyookatalusyigwa.”

Chiindi nituwabilana aabamwi zyiiyo nzitwayiya nitwali kubala, zipa kuti tutalubi twaambo ntutwalikubala alubo zipa kuti tuyungizye kumvwisisisya atala anzitwali kubala. Alubo akaambo kakuti twaambo ooto tulakonzya kugwasya bamwi, zipa kuti tubotelwe chiindi nitubabuzya atala azintu eezyo.—Mil. 20:35.

Yezya eezi: Mumviki iitobela, yanduula mweenya wakuti ubuzye umwi muntu zintu nzuwakayiya nuwakali kubala. Ulakonzya kubuzya umwi wamumpuli yako, wamumbungano yako, mubelesinyokwe, sichikolonyokwe, simayakilane wako naakuti umwi muntu nguwaswaana mumulimu wakukambawuka. Yezya kumubuzya twaambo ooto mumajwi aako alubo munzila iimvwisisika.

Chenjelela: Wabilana aabamwi nzuwayiya nuwali kubala kuti ubasungwaazye kutali kuti ulisumpule.—1 Kor. 8:1.