Leza Ulaziswiilila Na Nkombyo Zyako?

NZILYAAMBA BBAYIBBELE

• Leza ulaswiilila. Bbayibbele litondeezya kuti “Jehova ulaafwaafwi abaabo boonse bamwiita, aabo boonse bamwiita mukasimpe. . . . Ulamvwa nobakwiilila lugwasyo.”—Intembauzyo 145:18, 19.

• Leza uyanda kuti ukombe kulinguwe. Bbayibbele lyaamba kuti: “Muzintu zyoonse, kwiinda mumupailo akukombelezya antoomwe akulumba, amumuzyibye Leza nzyomulomba.”—Bafilipi 4:6.

• Leza ulaandaba anduwe. Leza ulizizi zintu zyoonse zitukataazya alubo uyanda kutugwasya. Bbayibbele lyaamba kuti: “Kamuwaala makatazyo aanu oonse kulinguwe, nkaambo ulamubikkila maano.”—1 Petro 5:7.