NZUKONZYA KUCHITA NULIKUYANDUULISISYA

Zibelesyo Zyakuyiisya Bana

Bazyali bali aamulimu mupati wakuyiisya bana babo atala aJehova. (Ef. 6:4) Mbunga yaJehova yakagwisya zyiiyo zyiingi, mavidiyo amiimbo kuti bazyali bayiisye bana babo. Nibazyali, kujana mwazibelesya biyeni zibelesyo eezi kuti muyiisye bana banu?

• Amunjile aaJW.ORG. AaJW.ORG mulajana zyiiyo zikonzya kugwasya bachikula mbuli mavidiyo amapepa aakulembela zyiiyo nzibajana.a Kuti mukonzye kuzijana eezi mutyake alembedwe kuti “Bana” naakuti “Bachikula”.

• Sala zyeendelana aamwanaako. Zintu zyakagwisigwa aachipanzi chitii, “Bana” zilakonzya kukugwasya kuti usale zintu zyeendelana aamwanaako. Eezi mulakonzya kuzijana aachipanzi chiti, “Izyakucitila Antoomwe Nomukomba Mumukwasyi.”

• Mujane chiindi chakuba abana banu. Mutalekeli mwana wanu kuti ayebele mavidiyo naakuti alembe andawu yakulembela kuchitila kuti abe aazyakuchita luzutu alubo achiindi inywe nimutawo pe. Pesi, mwaambuuzyanie amwanaanu alubo mumugwasye kuba aabweenzinyina busimide aJehova.