Uuchikula ulangide bantu kabalikunjila muNg’anda yaBwaami

MIBUZYO IIBUZIGWA AABACHIKULA

Nkamboonzi Nitunjila Miswaangano kuNg’anda yaBwaami?

Tubili mumviki, Bakamboni baJehova nga bachita miswaangano yabo kumasena aakukombela ategwa Maanda aaBwaami. Niinzi chichitika kumiswaangano eeyi alubo uyoogwasigwa biyeni kuti wanjila miswaangano eeyi?

Niinzi chichitika kuNg’anda yaBwaami?

Ng’anda yaBwaami mbusena buchitilwa zyiiyo zyaBbayibbele nzitukonzya kubelesya mubuumi. Miswaangano eeyi ilakonzya kukugwasya kuti:

uzibe kasimpe atala aLeza.
umvwisisisye zintu zilikuchitika munyika mazubaano.
ube muntu uulikabotu.
ujane beenzinyokwe balikabotu.

Walizi na? Masena aakukombela aaBakamboni baJehova ategwa niNg’anda yaBwaami, nkaambo kumiswaangano yabo chiindi chiingi bayiya atala aBwaami bwaLeza.—Matayo 6:9, 10; 24:14; Luka 4:43.

Nkamboonzi nweelede kunjila miswaangano?

Nzutayiye ziyookugwasya. Malayilile amuBbayibbele ngutayiye kumiswaangano yaBakamboni baJehova, ayookugwasya kuti ‘ulijanine busongo.’ (Tusimpi 4:5) Eezi zyaamba kuti Bbayibbele lilakonzya kukugwasya kuti usale kabotu mubuumi. Alubo lilakonzya kukugwasya kuti ujane nsandulo zyamibuzyo iikataazya mubuumi iili mbuli yakuti:

Kumiswaangano iichitwa muNsondo, kuli nkani zipegwa zisandula mibuzyo iili mbuli yakuti:

Nkamboonzi Nitweelede Kuzulwidwa aaBbayibbele?
Nkuukuli Nkutukonzya Kujana Lugwasyo Chiindi Nituli Mumapenzi?
Bwaami bwaLeza Bulikutuchitilaanzi Lino?

“Umwi mulombe ngundiiyaawe kuchikolo, wakanjila umwi wamiswaangano yesu. Wakakkalaamwi ampuli yesu alubo twakamupa mabbuku aakubelesya. Nwaakamana muswaangano, wakandibuzya kuti wakali wabotelwa ansandulo nzibakali bapa bamwi aamiswaangano. Alubo wakandibuzya kuti kucheechi yabo tababelesyi mabbuku aagwasya kumvwisisisya Bbayibbele mbuli mbutuchita.”—Brenda.

Walizi na ? Kunjila miswaangano kuNg’anda yaBwaami takubbadalisigwi pe alubo takweendelezegwi ndido yamali pe.

Bantu mbutaswaane nkuko bayookusungwaazya. Kamwi kaambo kapa kuti maKristu babunganaamwi kalembedwe muBbayibbele nkakuti, “katukulwaizyanya umwi amweenzinyina.” (Bahebrayo 10:24, 25) Bweenzinyina buli aakati kabantu bayanda Leza alubo bayandana bulabotezya munyika eeyi iizwide bantu batakwe ndaba abamwi.

“Nindazwa kumulimu ngandimvwide kandikatede loko, chimwi chiindi nga ndilikataazikene, pesi bantu mbindiswaana kuNg’anda yaBwaami, balandisungwaazya. Nwaamana muswaangano nga ndalimvwa kandilikubotelwa loko.”—Elisa.

Walizi na? Munyika yoonse mbiizulwa kuli mbungano zyaBakamboni baJehova zyiinda ku 120 000 alubo babunganaamwi mumasena aakukombela aayinda ku 60 000. Akaambo kakuti kuli bantu biingi bapya bali kunjila miswaangano eeyi, munyaka umwi awumwi kuyakwa Maanda aBwaami asika ku 1 500.a

Nzibaamba Basela Lyako?

“Nindakachili kusekkondali, ndakanjila miswaangano yesu kandili awumwi musimbi ngundakali kwiiyaawe kuchikolo, wakagamba naakabona bantu bamasela aasiyene-siyene kabali kwiiya Bbayibbele kabalaamwi. Muchiindi chifwiifwi chayinda, bbosi wangu wakanjila umwi wamiswaangano yesu anguwe wakagamba kuti tubelesya Bbayibbele chiindi choonse nituli kumiswaangano yesu. Kubona mbaakalumba, kwakapa kuti ndiiyande loko miswaangano yesu!”—Jessica.

“Miswaangano indigwasya kuti nditalikataazyi zyiindilide atala abuyumu-yumu mbundiswaana buzuba abuzuba. Twiiya mbutukonzya kupona buumi bulaampindu, mbutukonzya kuba bantu balikabotu azimwi zyiingi. Kumamanino aamiswaangano, ndilimvwa kandili ndasungwaazigwa alubo kanditakataazikene pe.”—Timothy.

“Ndakatamba umwi mwaalumi kumiswaangano, mpawo muswaangano nwaakamana, wakandibuzya kuti: ‘Ndanjila muswaangano ooyu kandiyanda kuzoomutondeezya kuti nzimusyoma nzyakubeja. Pesi ndazoobona kuti nzindisyoma nzizyo zyakubeja!’ Alubo wakagamba aluyando ndubalaalo Bakamboni baJehova. Wakati: ‘Nikuba kuti tatukwe chiindi chilamfu katuzibene, kwabaanga twakazibana chiindi!’”—Jacob.

“Chimwi chiindi ndakali kulibuzya kuti, ‘Ndilabuka kweenda nwaamana biya muswaangano.’ Pesi muzeezo ooyo wakali kumana chiindi nindakachili kumiswaangano. Nwaamana muswaangano, ndakali kwiizya aabantu, ndakali kubula kuti nkamboonzi nindali aamuzeezo uuli boobo kumatalikilo. Miswaangano eeyi yakandigwasya kuti ndibe aabeenzuma balikabotu.”—Madison.

a Kuti ujane busena buchitilwa miswaangano buli aafwiifwi ankukkala, njila ajw.org utyanke alembedwe kuti “Miswaangano yaMbungano yaBakamboni baJehova” mpawo utyanke alembedwe kuti “Yanduula Busena Buli Aafwiifwi Ankukkala.”