Joshuwa
11 Jabbini mwaami waHazori mbaakazimvwa biyo, wakatuma jwi kuli Jobbabbu mwaami waMadoni, akumwaami waShimuroni, akumwaami wa-Akkishafu, 2 kubaami bakali kubbazu lyakunyika muchilawu chili aazilundu, abaabo bakali aantandabale* yakumusanza kwaKkinereti, abaabo bakali muShefela abakali kuminkunu yakububbila kwaDori, 3 maKkenani bakali kubuzwezuba akububbila, ma-Amori, maHeti, maPerezi, maJebbusi bakali muchilawu chili aazilundu, amaHivi bakali munsi aachilundu chaHemoni munyika yaMizipa. 4 Bakazwa abasilumamba babo biingi loko mbuli museele wakunkomwe yalwizi, kabali aamabbiza aabo miingi angolo zyankondo. 5 Baami aaba boonse bakazuminana kuti baswaanane. Nkinkaako, bakeenda baakukkempa kumaanzi aaMeromu kuti balwane ma-Israyeli.
6 Jehova wakati kuli Joshuwa: “Utabayoowi pe nkaambo juunza aachiindi eechi, ndilapa kuti ma-Israyeli babajaye boonse. Weelede kununsula milambi yamabbiza aabo, wuumpe ngolo zyabo mumulilo.” 7 Joshuwa abaalumi boonse bankondo bakabalwana kabatalangilili pe kumbali aamaanzi aakuMeromu. 8 Jehova wakababikka mukuboko kwama-Israyeli. Bakabazunda babaandilila mane kuyoosika kuSidoni Muunzi Mupati akuMisirefoti-mayimu amuKkuti* lyaMizipe lili kubuzwezuba. Bakabajaya kusikila bamana boonse. 9 Joshuwa wakabachitila mbuli mbaakalayililwa aaJehova, wakanunsula milambi yamabbiza aabo akuumpa ngolo zyabo mumulilo.
10 Mukuyungizya, Joshuwa wakabweeda waakubweza muunzi waHazori alubo wakajaya mwaami wawo apanga, nkaambo Hazori wakali muunzi mupati aakati kabaami aaba boonse. 11 Bakanyonyoona bantu boonse bakali mumo apanga, taakwe chintu chiyoya chakasyaala. Mpawo bakatenta muunzi waHazori amulilo. 12 Joshuwa wakabweza myuunzi yoonse yabaami aaba alubo wakazunda baami boonse apanga. Wakabanyonyoona mbuli mbaakalayililwa aaMozesi mubelesi waJehova. 13 Nikuba oobo, ma-Israyeli teebakayitenta pe myuunzi yakali mutulundu-lundu kunze kwamuunzi waHazori; nguwo kupela Joshuwa ngwaakatenta. 14 Zintu zyoonse zyamuunzi alubono bakazibweza ma-Israyeli kuti zibe zyabo. Pesi bakajaya bantu boonse apanga kusikila babamana. Taakwe muntu uupona ngubakasiya pe. 15 Zintu Jehova nzyaakalayilila Mozesi mubelesi wakwe, Mozesi wakazilayilila Joshuwa mpawo Joshuwa wakazichita. Wakachita zyoonse Jehova nzyaakalayilila Mozesi.
16 Joshuwa wakazunda nyika yoonse eeyi, chilawu chili aazilundu, Negebbu yoonse, nyika yoonse yaGosheni, Shefela, Arabba, achilawu chili aazilundu cha-Israyeli aShefela yayo,* 17 kuzwa kuChilundu chaHalakki chiya kuSeyiri, kuyoosika kuBbaala-gadi muKkuti* lyaLebbanoni munsi aaChilundu chaHemoni, wakazunda baami boonse wabanyonyoona. 18 Joshuwa wakalwana aabaami aaba boonse kwachiindi chilamfu. 19 Taakwe muunzi wakapanga luumuno ama-Israyeli kunze kwamaHivi bakali kukkala muGibbiyoni. Ma-Israyeli bakazunda imwi myuunzi yoonse munkondo. 20 Jehova wakabaleka kuti bayumye myoyo kuti balwane ma-Israyeli, kuchitila kuti abanyonyoone katabafwidi nsoni pe. Bakeelede kunyonyoonwa mbuli Jehova mbaakalayilila Mozesi.
21 Aachiindi eecho, Joshuwa wakalobya ma-Anakki muchilawu chili aazilundu kuzwa muHebburoni, muDebbiri, mu-Anabbu amuchilawu choonse chili aazilundu chaJuda achilawu choonse chili aazilundu cha-Israyeli. Joshuwa wakabanyonyoona amyuunzi yabo. 22 Taakwe ma-Anakki bakasyaala munyika yama-Israyeli, bakasyaala biyo muGaza, muGati, amu-Ashidodi. 23 Nkinkaako, Joshuwa wakayibweza nyika yoonse mbuli Jehova mbaakasyomezya Mozesi, mpawo Joshuwa wakayipa ma-Israyeli kuti ibe lukono lwabo kweendelana azyaabilo zyabo, kuti bayaabane aakati kamisyobo yabo. Nyika yakapumuna kuzwa kunkondo.