Makani Mabotu Niinzi?

1. Makani azwaa kuli Leza niinzi?

Leza uyanda kuti bantu babotelwe mubuumi munyika. Wakalenga nyika azyoonse zilimulinjiyo akaambo kakuti ulabayanda bantu. Lino-lino uyoobweza ntaamu kuti bantu babe abuumi bwakunembo bulikabotu mumasena oonse. Uyoogwisya zintu zyeeta mapenzi mubantu.​—Bala Jeremiya 29:11.

Takwe mfulumende yazwidilila kumanisya kulwana, malwazi naa lufu. Pesi, kuli makani mabotu. Lino-lino, Leza uzoogwisya mfulumende zyabantu zyoonse akubika yakwe. Aabo bayooyendelezegwa amfulumende eeyo bayoobotelwa muluumuno akubaa mibili itakwe malwazi.​—Bala Isaya 25:8; 33:24; Daniele 2:44.

2. Nkamboonzi makani mabotu ncayandikana cakufwambana?

Mapenzi azoomana aawo Leza nayoonyonyoona basizibi munyika. (Zefaniya 2:3) Eezi ziyoocitika lili? IJwi lyaLeza lyakaambilizya zintu zilikucitika zilikuyosya kubantu mazubaano. Zilikucitika lino zitondezya kuti cabaa fwiifwi cindi cakuti Leza abweze ntaamu.​—Bala 2 Timoteo 3:1-5.

3. Tweelede kucitaanzi?

Tweelede kwiiya atalaa Leza kazizwa muJwi lyakwe, Bbaibbele. Lili mbuli lugwalo luzwa kuli ndeende siluyando kaluza kulindiswe. Litubuzya mbotukonzya kujana buumi bulikabotu lino akupona buumi butamani, mubuumi bulikunembo anyika. Masimpe bamwi balakonzya kutabotelwa kuti ulikujana lugwasyo lwakuti umvwisisye zyambwaa Bbaibbele. Pesi, coolwe cabuumi bulikabotu bwakunembo taceelede kukusweekela.​—Bala Tusimpi 29:25; Ciyubunuzyo 14:6, 7.