Kuyungizya Luzibo Lwesu Mumulimu Wakukambawuka—Kugwasya ‘Bali Amyoyo Mibotu’ Kuti Babe Basikwiiya

NKAMBOONZI NIKUYANDIKANA?: Jehova upa kuti mbuto yakasimpe ikomene mumyoyo yabantu ‘bali amyoyo mibotu balibambilide buumi butamani.’ (Inc 13:48; 1Kor 3:7) Tubeleka anguwe mumulimu wakukambawuka kwiinda mukugwasya bantu baswiilila mulumbe ngutukambawuka. (1Kor 9:26) Bantu mbitwiiyaabo beelede kuziba kuti kubbabbatizigwa kulayandikana kuti bakafutuke. (1Pet 3:21) Tulakonzya kugwasya bantu mbitwiiyaabo Bbayibbele kwiinda mukubayiisya kuti bachinche buumi bwabo, bakambawuke akuyiisya bamwi Bbayibbele akuti balipede kuli Jehova.—Mt 28:19, 20.

MBUTUKONZYA KUZICHITA:

• Tweelede kuyeezya bantu mbitwiiyaabo Bbayibbele kuti makanze eesu ngakubagwasya kuti ‘bazibe’ Jehova akuti bachite zintu zipa kuti abotelwe.—Joh 17:3

• Tweelede kubagwasya kuti bazunde michito mibi akuti batantamuke beenzinyina batali kabotu, zitabagwasye kuti bazumanane kukomena mubukombi

• Tweelede kubasimya akubasungwaazya kabatanabbabbatizigwa anibabbabbatizigwa.—Inc 14:22

AMWEEBELE VIDIYO ITII, JEHOVA UYOOKUGWASYA MPAWO MUSANDULE MIBUZYO IITOBELA:

• Niinzi chikonzya kupa kuti bamwi bayoowe kulipeda akubbabbatizigwa?

• Baalu kujana babagwasya biyeni bantu bayiya Bbayibbele kuti bakomene mubukombi?

• Lugwalo lwa Isaya 41:10 lutuyiisyaanzi atala aJehova?

• Mbuubuli buntu butugwasya kuti tukombe Jehova munzila iitambulika nikuba katutamaninide?