CHIIYO 11

Chiyandisyo

BaRoma 12:11

CHIFWIINSYO: Gwasya baswiilizi akubasungwaazya kwiinda mukwaambuula chabusungu.

Nzulikwaambuula zyeelede kukusika aamoyo. Nulikulibambila, yeeyesesya mbuuyandikana mulumbe ooyo. Azibe kabotu makani nguyanda kwaambuula kuchitila kuti waambuule kazizwa aansi aamoyo.
Yeeya baswiilizi. Yeeyesesya mbaayoobagwasya baswiilizi makani nguyanda kwaambuula naakuti kubala. Yanduula nzila nzutabelesye kuti upandulule makani aayo munzila iiyoobasika aamoyo baswiilizi.
Wambuula munzila iinoneezya. Wambuula chabusungu. Nyanyaasya mubili munzila iilikabotu akwaangunuka kubusyu kuti utondeezye mbulimvwa.

Chenjelela kuti utanyanyaasyi mubili munzila iikozyenie chiindi choonse kuti utanyonganyi baswiilizi. Nyanyaasya mubili munzila iigwasya. Tondeezya kuba aachiyandisyo nupandulula twaambo tupati anulikusungwaazya baswiilizi kuti bachite chimwi chintu. Utayindilizyi kutondeezya chiyandisyo nuli kwaambuula nkaambo zilakonzya kutabanoneezya baswiilizi.