1 | Nkombyo “Kamuwaala Makataazyo Aanu Woonse Kulinguwe”

NZILYAAMBA BBAYIBBILI: “Kumwi kamuwaala makataazyo aanu woonse kulinguwe, nkaambo ulaandaba andinywe.”—1 PETRO 5:7.

Eezi Zyaamba Kuti

Jehova ututamba kuti tumubuzye zintu zyoonse zitukataazya mumizeezo amumyoyo yesu. (Intembauzyo 55:22) Tweelede kumubuzya mapenzi eesu woonse kazitakwe ndaba kuti mapati na naakuti maniini. Kuti iswe kazitukataazya zyaamba kuti aJehova zilamukataazya anguwe. Kukomba kuli Leza kutugwasya kuti tube aaluumuno lwamumizeezo.—Bafilipi 4:6, 7.

Zitugwasya Biyeni?

Chiindi nitulwaana aapenzi lyakukataazikana mumizeezo, tulakonzya kulimvwa katuli atulikke. Bamwi balakonzya kutabumvwisisisya buyumu-yumu mbutulikuswaana. (Tusimpi 14:10) Pesi kuti twakomba kuli Jehova amyoyo yesu yoonse ulatuswiilila akutumvwisisisya. Jehova ulatubona, ulizizi zintu zyoonse zituchisa azitukataazya alubo uyanda kuti tumubuzye atala anzizyo.—2 Makani 6:29, 30.

Kukomba kuli Jehova kupa kuti tube aachoonzyo chakuti ulaandaba andiswe. Tulakonzya kulimvwa mbuli mbakalimvwa sintembawuzyo ooyo wakakomba kati: “Wakubona kupenga kwangu; waazyiba mapenzi aangu mapati.” (Intembauzyo 31:7) Kuziba kuti Jehova ulaabona mapenzi ngituswaana kupa kuti twiinkilile kunembo kulisimya. Pesi kuli zyiingi nzyabona kutali mapenzi eesu kupela. Kusiyana abantu boonse, ulazimvwisisisya zintu nzituswaana alubo ulatuumbulizya kabelesya Bbayibbili.

Mbulili Kumugwasya Bbayibbili Julian

Buyumu-Yumu Mbundilikuswaana Akaambo Kakukataazikana

“Ndilwaana aapenzi lyakukataazikana akuyeeya zintu zitayandikani zipa kuti ndikataazikane loko. Bulwazi oobu butegwa Obsessive-compulsive disorder (OCD).” Nga ndakataazikana kufumbwa chiindi. Ndilakonzya kulimvwa kandili kabotu, pesi nga ndazoomvwa kandikataazikene kakutakwe kaambo. Ndikataazikana loko chiindi nindili akati kabantu. Nga ndilikukataazikana loko kuti bantu bayeeyaanzi atala ndime.

“Beenzuma bazi atala bulwazi bwangu bandigwasya loko chiindi nindikataazikene. Chimwi chiindi zintu nzibaamba teenzizyo pe nzindilangilila kumvwa kulimbabo. Pesi ndilabalumba nkaambo baleezya kundigwasya.

“Chimwi chiindi penzi eeli ngalyapa kuti ndikachilwe kukomba. Ziyanda kuti ndibeleke changuzu kuti ndibambe mizeezo yangu chiindi nindiyanda kukomba kuli Jehova. Nga ndasaanguna kuyeeya zintu zyiingi muchiindi chimwi. Kuti zyandivulila mumizeezo nga zyandiyumina kuti ndibuzye Jehova atala anzindiyeeya ambundilimwva.”

Bbayibbili Mbulili Kundigwasya

“Kubala Bbayibbili kwakandigwasya kubona kuti nkombyo tayeelede kulampa pe naakuti ndeelede kwaamba majwi anywisa maanzi kuti itambulike kuli Leza. Chimwi chiindi kuti ndakachilwa kwaamba mbundilimvwa nga ndaamba kuti: ‘Jehova ndigwasye.’ Nikuba oobo, nga ndabona kuti Jehova ulandimvwisisisya akuti ulandipa nzindiyanda achiindi eecho. Mukuyungizya mukukomba, ndakayanduula busilisi. Ndilabotelwa kuti zintu zyoonse eezi zyakandigwasya kuti ndibe mbubo-mbubo. Nikuba kuti kulandiyumina kukomba kuli Jehova pesi ndilakomba akaambo kakuti ndilizi kuti ulandiyanda akuti ulilibambilide kundigwasya.”