Miswaangano Yamulimo ya May
Nsondo Iitalika mu May 3
Lwiimbo 28
8 min: Zyakwaambilizya zyambungano. Zyakwaambilizya zisalidwe mu Mulimo Wesu Wabwami. Makani Aateokrasi.
17 min: “Amubayiisye Bantu Kuti Bagwasigwe.” Intalisyo yamakani itaindi kulampa aminiti yomwe, mpoonya muzumanane amubandi wakubuzya akwiingula. Ikwiinda mukubelesya cibalo 13 cabbuku lya Luzibo, amutondezye bantu mbobagwasigwa kwiinda mukwiiya, kumvwa akutobela njiisyo zya Bbaibbele.
20 min: “Inzila Zyakuyaambele Mumulimo Wenu.” Ibaalu bobile babandika cibalo kwiingula mibuzyo yabuzigwa abaswiilizi baindene-indene. Sikumwaya mukubusi, banabukwetene alimwi amukwesu wasika aciimo ncayelede kuleka mulimo babuzya kujatikizya mbobanga bayaambele mumulimo wabo. Imizeezo iigwasya yapegwa kuzwa mucibalo alimwi amucibalo 9 cabbuku lya Mulimo Wesu ikubandika makani aali mumutwe wakuti Mulaa Makanze nzi Aakumuuya Kumbele? aali apeeji 116-18. Basikumwaya balumba kumakani aagwasya iba Sosaiti ngobapa aatondezya mbuli mbokulibambilwa kubelekesya kumbele.
Lwiimbo 11 amupailo wakujala.
Nsondo Iitalika mu May 10
Lwiimbo 2
8 min: Zyakwaambilizya zyambungano. Lipooti yamaakkaunti.
12 min: Mujisi Makanze nzi Cilimo? Mukwasyi wabandika bubambe bwabo bwakujanika kumuswaangano, ikucita bupainiya bwakugwasilizya, ciindi cakulyookezya alimwi acakulikondelezya. Babandika mbokucitwa bubambe bwabukambausi bwamukwiizya alimwi bacita citondezyo cambokutalisigwa mubandi. Bakankaizya mbokuyandika kunoocita ciiyo cako omwini acamukwasyi ca Bbaibbele, kuunka kumiswaangano yambungano nomuli mulweendo lwakuswaya alimwi akutuma malipooti aamulimo wamumuunda kumbungano yankomuzwa. Mukwasyi wabandika zyakuluula zibotu nzyobakali aazyo nobakali kuswaya mbungano zimbi alimwi ambobakakkomana. Babandika nzila nzyobanga basamausya beenzu ibaboola kumbungano yabo.
25 min: “Ikulanga-Langa Kuyaambele Kwamulimo Uubindeene Wakugwasya Bantu Kuba Basikwiiya.” Kubuzya akwiingula. Amubale mincali 5, 10 alimwi a 11. Amubandike mbouli mukuyaambele mulimo waziiyo zya Bbaibbele nkomuzwa. Amubakulwaizye boonse bacitya ziiyo kulibala alimwi pepa lyamukati lya Mulimo Wesu Wabwami wamu June 1996 kutegwa bacizibe kabotu kuyiisya. Amulange-lange mincali 5 alimwi a 25 yapepa elyo lyamukati.
Lwiimbo 23 amupailo wakujala.
Nsondo Iitalika mu May 17
Lwiimbo 8
10 min: Zyakwaambilizya zyambungano. Amwaambilizye bubambe bwaalubazu bwakuya mumulimo wamumuunda bwamu May 25.
15 min: “Amulibambilile Limwi!” Makani aakukanana bubambe bwateokrasi bucitidwe mumbungano bwamilimo iiyoocitwa mumyezi iitobela. Amubakulwaizye boonse kwaalemba mazuba aakkalenda yabo alimwi akutazumizya zintu zimbi kunyonganya bubambe obu.
20 min: “Ikwiimba Kabotu Mumiswaangano Yambungano.” Kubuzya akwiingula.
Lwiimbo 4 amupailo wakujala.
Nsondo Iitalika mu May 24
Lwiimbo 26
15 min: Zyakwaambilizya zyambungano. Sena Mulalingaula Magwalo Mazuba Oonse? Makani akubandika abaswiilizi. Mwaka amwaka iba Sosaiti balatupa kabbuku ka Kulingaula Magwalo Mazuba Oonse. Sena umwi aumwi naa nyoonse mumukwasyi mulakabelesya kabbuku aka caantoomwe? Amupandulule twaambo tugwasya ncotweelede kulanga-langa lugwalo lwabuzuba abuzuba. Amubandike makani aamatalikilo aamukabbuku ka Kulingaula Magwalo Mazuba Oonse—1999, mapeeji 3-4. Amulombe basikumwaya kuti baambe mbobali mukusola umwi aumwi alimwi acaantoomwe mumukwasyi kulanga-langa lugwalo lwabuzuba.
12 min: Kabbokesi Kamubuzyo. Makani aakananwa amwaalu.
18 min: Sena Tulatola Lubazu Mumulimo Wakwaandaanya? Makani aakulwaizya aakananwa amulangizi wamulimo aajanwa mu Ngazi Yamulindizi ya Chichewa ya October 15, 1995, amapeeji 30-1.
Lwiimbo 3 amupailo wakujala.
Nsondo Iitalika mu May 31
Lwiimbo 4
15 min: Zyakwaambilizya zyambungano. Amubayeezye boonse kupa malipooti aabo aamulimo wamumuunda wamu May. Amwaambe mabbuku aakumwaya mu June. Nomumwaya bbuku lya Luzibo, mulakonzya kupedelezya abbuku lili lyoonse lyakaindi ililaa mapeeji aali 192 ilyamabbuku aavwuzyanya mumbungano. Amucite citondezyo cambokunga kwacitwa boobo.
15 min: Ziyandika zyambungano.
15 min: Ino Ncinzi cilubide Kujatikizya Cikombelo Cangu? Mubandi akati kabakutausi bobile. Tuswaangana bantu banji ibatondezya luyandisisyo lwakasimpe alimwi ibalombozya Bakamboni ba Jehova. Pele luyando ndobajisi kucikombelo cabo ndolubakasya. Cilabayumina kusyoma kuti ndiswe tolikke notukomba cikombelo cakasimpe alimwi akuti bukombi bwabo mbwakubeja. Eeci ncecibakasya kuyaambele munzila yakumuuya. Aaba bakwesu babandika twaambo tuli cisambomwi tuli apeeji 275 mubbuku lya Kukambitsirana, itupandulula kabotu-kabotu kuti zikombelo zimwi tazitobeli Bbaibbele. Amukulwaizye baswiilizi kubelesya twaambo otu kabotu ikugwasya bantu babombe myoyo kulangisya njiisyo ziyiisigwa azikombelo zyabo.
Lwiimbo 21 amupailo wakujala